Հակաեկեղեցականների հավաք անցկացնելու փորձերն անօրինական են

1209Hrant-1+

ՀԱԿԱԵԿԵՂԵՑԱԿԱՆՆԵՐԻ ՀԱՎԱՔ ԱՆՑԿԱՑՆԵԼՈՒ ՓՈՐՁԵՐՆ ԱՆՕՐԻՆԱԿԱՆ ԵՆ

Մայր տաճարի վերաօծմանն ու Մյուռոնօրհնեքին ընդառաջ՝ տեւական ժամանակ է, ինչ պրոադրբեջանական հայտարարություններով հանդես եկող նախկին ՔՊ-ական Թաթուլ Ասիլյանը եւ կարգալույծ նախկին մի հոգեւորական, որը շարունակում է հանդես գալ Տեր Սահակ քահանա Գալստյան անունով, սոցցանցերում լուրեր են տարածում, թե սեպտեմբերի 14-ին Էջմիածնում տեղի է ունենալու հակաեկեղեցական ցույցեր:

Թե արդյոք ստացել են որեւէ հանրային հավաքի իրազեկում եւ ընդունել այն ի գիտություն, «Իրավունք»-ը հետաքրքրվեց Վաղարշապատի քաղաքապետարանից:

«Նման նախաձեռնության վերաբերյալ որեւէ գրություն չունենք՝ ո՛չ սեպտեմբերի 14-ի, ո՛չ առաջիկա օրերի համար», - մեր հարցմանն ի պատասխան՝ ասաց Վաղարշապատի համայնքի ղեկավարի մամուլի քարտուղար ՍԻՐԱՆՈՒՇ ԳԵՎՈՐԳՅԱՆԸ:

Ըստ էության, ստացվում է, որ որեւէ հանրային, փողոցային գործողություն, որը հակաեկեղեցական ինչ-որ շրջանակների կողմից ուղղորդված ինչ-ինչ մարդիկ կփորձեն իրականացնել, ոչ միայն հակաօրինական է, այլեւ կունենա հետեւանքներ՝ իրավապահների կողմից: Եվ ընդհանրապես, եթե անգամ հարցի բարոյական կողմն էլ դնենք մի կողմ, մեզ մնում է հիշեցնել, որ ՀՀ Սահմանադրության մեջ բացառիկ դեր է տրված Հայ Առաքելական եկեղեցուն, որը պետք է հարգի ՀՀ յուրաքանչյուր քաղաքացի, ավելին` պետության պարտավորությունը պետք է լինի` ոչ միայն հարգել, այլ ամեն ինչ անել, որ եկեղեցու դեմ ոտնձգություններ, որպես այդպիսին, չլինեն:

ՀՐԱՆՏ ՍԱՐԱՖՅԱՆ

Այս թեմայով Սուրբ Էջմիածնի Մայր Տաճարի սպասված զանգերը հնչեցին... Ոմանք Մայր Աթոռից օրհնություն տարան, ոմանք՝ դատապարտություն Փոքրիկ Արմանն ուզում էր անպայման համբուրել Վեհափառի Աջը, ինչ տեղի ունեցավ հետո՝ փշաքաղվելու է Սեպտեմբերի 30-ից հոկտեմբերի 6-ը Մայր Տաճարում կմատուցվի Սուրբ և Անմահ Պատարագ Իսրայելը հարվածել է Եմենին