Կուրսկում նոր ուղղությունից ճեղքելու ուկրաինական մի քանի փորձերը ձախողվել են (ՏԵՍԱՆՅՈՒԹ, ՔԱՐՏԵԶ)

Ուկրաինայի զինված ուժերի հրամանատարությունը երկրորդ օրն է՝ տեղափոխում է զրահախմբեր և հետևակ՝ Կուրսկում ռուսական սահմանը ճեղքելու եւ հիմնական մարտական գոտում հարձակվող ռուսական ուժերի թիկունք դուրս գալու հաամր:

Ըստ ռուսական աղբյուրի. «Ինժեներական տեխնիկայի օգնությամբ հակառակորդը սկսեց հաղթահարել ականապատ դաշտերը և «վիշապի ատամները», իսկ դրանց հետևում տանկեր և զրահատեխնիկա գործարկել՝ փորձելով շեղել մեր ստորաբաժանումների ուշադրությունը, որոնք հակահարձակում են տանում Կորենևոյից մինչև Գորդեևկա: Քւկրաինական զինված ուժերը փորձում են թիկունքից հարձակման վտանգ ստեղծել։

Հակառակորդը 3–7 զրահամեքենաներից բաղկացած խմբերով անցնում է մի շարք գրոհների։ Սկզբում առաջ անցան ինժեներական ականազերծման մեքենաները, որին հաջորդեցին մարտական ​​զրահամեքենաները:

Մարտերը շարունակվում են երկար ժամեր, հակառակորդը կորցրել է մեծ թվով տեխնիկա, սակայն շարունակում է առաջխաղացման փորձերը»։

Ինչպես հայտնում է ՌԴ ՊՆ-ն, ռուսական բանակը հետ է մղել ճեղքելու 4 փորձ։ 

«Այս անհաջող հարձակումներից և կրած կորուստներից հետո օկուպանտները վերախմբավորվեցին և նորից փորձում են հարձակվել։ Ուկրաինայի զինված ուժերի տեխնիկայի տեղաշարժը սահմանի մոտ շարունակվում է: Հակառակորդը շարունակում է հետևակ բարձրացնել և ուժեր կուտակել նոր ալիքների համար, մեր հրետանին և անօդաչու թռչող սարքերը շարունակում են գրոհել նրանց վրա»,- նշում է աղբյուրը: