Խնդիրն այստեղ կոնկրետ գաղափարն է, թե ինչի համար ենք հավաքվել. Արամ Հարությունյան

 

«Խնդիրը հետեւյալն է, որ այս քաղաքական խորհուրդն այնպես չէ, թե որեւէ պարտադիրի միտում ունի: Օրինակ, նաեւ ցանկություն պետք է լինի: Մեկ անգամ եւս պետք է կրկնեմ, որ այնպես չէ, որ եթե տվյալ անձը որևեւէ X թվով ինչ-որ մի հանդիպմանը գալիս է, մյուսին դառնում է X-2 կամ X+1, էական բան չի փոխում, որովհետեւ կրկնում եմ՝ մեզ միավորում է դա: Իսկ եթե կլինեն օրինակ քաղաքական ուժեր, որոնք նաեւ ակնկալիքներ ունեին այլ կարգի, եւ այժմ այդ ամենը չարդարացավ (նկատի ունեմ իրենց ակնկալիքները), ասենք, իրենք ուզում էին ինչ-որ դիրքեր ստանալ եւ այլն, ապա դա արդեն ուրիշ խնդիր է: Բայց այստեղ պետք է նշեմ, որ կուսակցությունների քանակով չի որոշվում, քանի որ Հայաստանում, կոպիտ ասած, կուսակցությունների հիմնական հարցը նաեւ ընտրություններին մասնակցելն է: Եթե տվյալ կուսակցությունը, օրինակ, մասնակցում է, քաղաքականապես ինքն ակտիվ է եւ սկզբունքային, ապա ամենակարեւորը հենց դա է, իսկ մնացյալն արդեն կարող ենք ենթադրել, որ մի կուսակցություն կարող է գալ, իսկ մյուս օրը գնա շարժման մեջ մտնի եւ հետո նորից ետ գա: Այդպես եղել են ժամանակին: Գալիս էին եւ հետո գնում էին մեկ այլ տեղ հայտարարություններ էին անում: Խնդիրն այստեղ կոնկրետ գաղափարն է, թե ինչի՞ համար ենք հավաքվել», - ասաց Հարությունյանը: