«Ժողովուրդ». Իշխանության «սրտի» օլիգարխները տիրում են պետական գնումներին՝ որսալով ֆինանսական ամենամեծ «ձկները»

«Ժողովուրդ» օրաթերթը գրում է․ «Նորելուկ օլիգարխ Նարեկ Նալբանդյանից բացի, նաեւ Դավիթ Երեմյանին պատկանող բոլոր բիզնեսներն են դարձել արտոնյալ՝ ստանալով պետական ամենամեծ աջակցությունները։
«Ժողովուրդ» օրաթերթի տեղեկությունների համաձայն՝ բացի միջոցառումների համար պետական կառույցներին սնունդ մատուցելու ծառայությունից, Երեմյաններն իրենց ախորժակը մեծացրել են նաեւ Ամուլսարի, Թեղուտի եւ Սոթքի հանքերում սննդի ապահովման գործընթացի մասով։

Տեղեկության երկրորդ կողմին լսելու համար «Ժողովուրդ» օրաթերթը հարցումով դիմեց «Երեմյան Փրոջեքթս» ընկերության տնօրեն Դավիթ Երեմյանին՝ խնդրելով ասել, որ եթե տեղեկատվությունը ճիշտ է, ապա որ հանքերում է ընկերությունը սննդի ծառայություններ մատուցում։

Խնդրել էինք պատասխանել նաեւ, թե ինչով է պայմանավորված այն հանգամանքը, որ հանքերում սննդի սպասարկման համար պայմանագրեր կնքվում են միայն «Երեմյան Փրոջեքթսի» հետ՝ առանց մրցակցության. արդյոք դա պայմանավորված է իշխանության հետ որոշակի համաձայնություններով։

Հավելենք, որ «Երեմյան Փրոջեքթսն» ապրում է իր գոյության բաղձալի ժամանակները, երբ, օրինակ, բիզնեսների առաջխաղացման համար միջազգային ֆինանսավորումները պատահաբար կամ դիտմամբ հենց Երեմյաններին են բաժին ընկնում։

Շատ հեռու չգնանք՝ հետհեղափոխական Հայաստանում «Երեմյան Փրոջեքթսը» 2018 թվականին կրկին Եվրասիական զարգացման բանկի (ԵԱԶԲ) կողմից ֆինանսավորվեց 25 մլն դոլարով՝ Տաշիր համայնքում անասնաբուծական նոր համալիր կառուցելու համար։ Դե իսկ մարզահամերգային համալիրի դեմիրճյանական ճարտարապետությունն աղճատողը էլի Երեմյանն է, որը դրսից տեսանելի վերելակ է դրել համալիրի պատին եւ «Լիվինգսթոն» թանկարժեք հյուրանոցն է բացել: Մի արարք, որն անթույլատրելի կլիներ բոլոր ժամանակներում»:

Առավել մանրամասն թերթի այսօրվա համարում

Այս թեմայով «Ժողովուրդ». ՔՊ-ի «սրտի ՍԴ դատավորի» որդին Վերաքննիչի դատավոր է դարձել Խաղողի կորիզի յուղը նվազեցնում է սրտի կաթվածի եւ դիաբետի վտանգը Այսօր Սրտի համաշխարհային օրն է ՏԵՍԱՆՅՈՒԹ․ Եկեղեցին կարհամարհի իշխանության քայլերը․ Արմեն Չարչյան «Երևանի ինֆորմատիկայի պետական քոլեջ»-ում համակուրսեցին դանակահարել է 16-ամյա սովորողին