Բայդենը կարող է լինել ԱՄՆ վերջին նախագահը, ով Եվրոպան դիտարկում է որպես կենսական շահի գոտի. Bloomberg

Բայդենը կարող է լինել ԱՄՆ վերջին նախագահը, ով Եվրոպան դիտարկում է որպես կենսական շահի գոտի: Նման կարծիք է ներկաայցրել Bloombergժ-ը: 
Ըստ լրատվամիջոցի, Եվրոպան պատրաստվում է անվտանգության եի օնքնուրույնության ավելի մեծ մակարդակի, հատկապես, եթե Թրամփը սկսի աշխատել Պուտինի հետ։
«Եվրոպան պատրաստվում է նոր կյանքի՝ Միացյալ Նահանգներից ավելի մեծ դիսըանցիայով, քան երբևէ 1941 թվականից ի վեր: Մեծ պատկերը պարզ է. եթե նորընտիր նախագահ Դոնալդ Թրամփը կատարի իր խոստումը, որ աշխատելու է Վլադիմիր Պուտինի հետ՝ լուծելու համար ուկրաինական հարցը, ՆԱՏՕ-ի և Արևմտյան հավաքական անվտանգության ապագան մռայլ է լինելու»,- նշում է աղբյուրը:
ԱՄՆ-ը կենտրոնացած է լինելու Չինաստանին դիմակայելու, այլ ոչ թե Եվրոպային պաշտպանելու վրա, ուստի այն օրերը, երբ եվրոպացիները կարող էին ԱՄՆ-ին նայել որպես իրենց վահան, ավարտվել են:
«Ինչ վերաբերում է Ուկրաինային եվրոպական աջակցությանը, ապա առանց Միացյալ Նահանգների նախագահ Զելենսկու գործը դատապարտված կլինի: Եվ այդպես է հիմա: Նույնիսկ եթե Կիևին ռազմական օգնությունն անմիջապես չդադարեցվի, ռուսներին դիմակայելու ուկրաինացիների կամքը հալչում է զուգահեռաբար նրանց զինելու Արևմուտքի կամքի հալչելուն: «Թրամփի հաղթանակը գրեթե անկասկած նշանակում է նրանց պարտություն»,- գրում է հրատարակությունը։