Կուրախովկայի հարավային ճակատում ուկրաինական ուժերի վիճակը օրհասական է (Քարտեզ)

Կուրախովկայի հարավային ճակատում ուկրաինական ուժերի վիճակը մնում է օրհասական:

Սուխի Յալի գետի հատվածում օպերատիվ շրջապատման մեջ գտնվող ուկրաինական ուժերը (Քարտեզում), ովքեր այդպես էլ նահանջելու հրաման չեն ստացել, ստիպված են աստիճանաբար մարտերով հետ քաշվել: Ռուսներն այս հատվածում արդեն նույնիսկ չեն գրոհում. պարզապես երչկկողմ կրակի տակ են պահում նահանջել փորձող ուժերին, որոնք արդեն լքել են Իլյինկա և Ելիզավետովկա բնակավայրերը։ Իսկ երեկ կորցրին Ռոմանովկան: Ռուսական ստորաբաժանումները Կուրախովոյի ճանապարհի երկայնքով մի փոքր ավելի սեղմեցին կիսակաթսայի հիմքը։ Ուսպենիվկայի տարածքում գտնվող ուժերը եւս այժմ պարզապես ոչնչացվում են ռուսական հրետանու կողմից: 

Միաժամանակ ռուսական ուժերը ավարտել Դալնիից Կուրախովո տանող ճանապարհի մաքրումը, եւ ներկա պահին Կուրախովոն նաեւ հարավային հատվածից է օղակված։

Մի փոքր ավելի արեւմուտք` Վելիկայա Նովոսյոլովկայի հատվածում ռուսները գրավեցին Ռազդոեն, եւ այժմ լայն ճակատով հասել են դեպի Բոգատիր տանող ճանապարհին: Սկսվել է հարձակումը Նովիյ Կոմար բնակավայրի ուղղությամբ, որտեղով անցնում է Վելիկայա Նովոսյոլովկա տանող վերւին ճանապարհը: Այն առումով, որ ռուսները գործնականում կրակային հսկողությամբ փակել են նաեւ Վելիկայա Նովոսյոլովկայից արեւմուտք` Զապորոժեի հատված տանող ճանապարհը` Ռավնոպոլ բնակավայրից դեպի հյուսիս:

Այսպիսով, Վելիկայա Նովոսյոլովկայի գրավումը կարճ ժամանակի խնդիր է: Ռուսները նաեւ սկսել են առաջխաղացումը դեպի Բոգատիր, իսկ հյուսիսից ակտիվացել է Անդրեեւկայի ուղղությամբ լայն ճակատով հարձակումը: Այսինքն, տեսանելի է նաեւ ողջ Կուրախովկայի ճակատում ուկրաինական ուժերի մասշտաբային շրջապատումը: