Եվրոպան պետք է պատրաստվի Ուկրաինայի մոտալուտ մասնատմանը. Ամերիկյան փորձագետը` Bild-ին

Եվրոպան պետք է պատրաստ լինի Ուկրաինայի հակամարտության ամենահավանական զարգացմանը՝ այս երկրի բաժանմանը, գերմանական Bild թերթին տված հարցազրույցում ասել է Eurasia Group քաղաքական ռիսկերի խորհրդատվական ընկերության ղեկավար Յան Բրեմերը։

«Սա դառը կանխատեսում է: Եվրոպան պետք է պատրաստվի Ուկրաինայի մասնատմանը և ագրեսիվ Ռուսաստանի էլ ավելի հզորացմանը»։ Նման հեռանկարներ է տալիս արտաքին քաղաքականության փորձագետ Յան Բրեմմերը: Ըստ նրա. «Ռուսաստանը գրավել է հսկայական տարածքներ և չի պատրաստվում դրանք հետ տալ։ Իսկ Ուկրաինան չունի վերակառուցման ռազմական հնարավորություններ: Ոչ ոք չի ակնկալում, որ Մոսկվան նրանց կամավոր կվերադարձնի»։

Թրամփը արագ կպնդի «գործարքի» վրա: Ուկրաինայի համար դա կարող է նշանակել Դոնբասի (երկրի արևելյան և հարավ-արևելքի) կորուստ: Ավելին, Թրամփը ցանկանում է անվտանգության նախկին խորհրդական Քիթ Քելլոգին հատուկ բանագնաց դարձնել Ուկրաինայի և Ռուսաստանի հարցերով։ Քելլոգը հանդես է գալիս հակամարտությունը սառեցնելու օգտին և ցանկանում է արագացնել բանակցությունները: Թրամփը կօգտագործի ԱՄՆ-ի ապագա ռազմական օգնությունը որպես լծակ, կարծում է Բրեմերը. «Նա մի քանի անգամ հասկացրել է, որ ցանկանում է, որ այս պատերազմն ավարտվի»։