Ով է այն տղամարդը ում հետ սեքսուալ բնույթի շփում է ունեցել Աղազարյանը, Բացահայտում է պատգամավորը

ԱԺ անկախ պատգամավոր Հովիկ Աղազարյանի համար անակնկալ չէր իր ընկերոջ՝ Հակոբ Ասլանյանի որոշումը․ 

-Նա իմ ընկերն է, իհարկե ես տեղյակ չեմ եղել նրա որոշման մասին, բայց Հակոբը թասիբի մեռած է, նա անարդարություն կուլ տվող տղա չի, չգիտեմ ինչ է որոշել, ինչ կանի, բայց ես վստահ եմ, որ դեռ շատերն են տաք, հետո կհասկանա, որ անարդար էին իմ հանդեպ։ Ու չի բացառվում Հակոբի օրինակով գնան, ասում եմ ես ինչ արել եմ ասել եմ, բայց թող թույլ տան ես խորքային բացատրություն տամ, չգամեն անարգանքի սյանը։

Ցավալի է, որ ընկերներս են ինձ վրա քար նետողները, սրա համար եմ ցավում ամենից շատ։

-Պարոն Աղազարյան, ի դեպ, ասում են, որ Ձեր մանդատը վայր դնելու համար վարչապետի մոտ, այսպես ասած, բարեխոսել է նրա տիկին Աննա Հակոբյանը, քանի որ Դուք մինչ այդ սուր քննադատության էիք ենթարկել Աննա Հակոբյանի ընթրիքին մասնակիցներից՝ Ռոման Բաղդասարյանին, նրան անվանելով ստոր։

-Այո, ես քննադատել եմ այդ մարդուն, բայց ընդհանրական հարցազրույցի կոնտեքստում, ավելին ես տեղյակ չեմ եղել, որ այդ տղան մասնակցել է Աննա Հակոբյանի ընթրիքին, ըստ այդմ չեմ կարծում, որ Ձեր մատնանշած լուրը կարող է մոտ լինել իրականության հետ։ Ես ինչ ասել եմ, ասել եմ առողջ քննադատության տիրույթում ու չեմ փոշմանել։

-Իսկ, ճի՞շտ է, որ հենց Ռոման Բաղդասարյանն է այն տղամարդը, ում հետ սեռական բնույթի նամակագրություն եք ունեցել։

-Բացարձակ, ես նրան հետ երբեւէ որեւէ կապի մեջ չեմ եղել, ոչ խոսակցական, ոչ նամակագրային, առհասարակ իրեն ճանաչում եմ այնքանով որքանով։ Իսկ այն տղամարդը ում հետ շփվել եմ սեքսուալ լեքսիկոնով հանրային մարդ չէ, նա ագենտ է բառի ուղիղ իմաստով։ Մի անգամ գրել է բլոկել եմ, հետո նորից է փորձել, նորից եմ բլոկել, երրորդ անգամ, որ գրեց ասեցի չէ սպասի սրա ագենտական խաղը խաղամ տեսնեմ ինչա ուզածը։ Թող տան ինձ իմ հեռախոսը, ես խոստանում եմ հենց Ձեր եթերով կհանրայնացնեմ բարձրաձայն մեր նամակարգրությունը սկզբից մինչեւ վերջ, ու կասեմ, թե ով է նա։