Եթե Կոնջորյան Հայկոն ճիշտ է, ապա Ասլանյան Հակոբին պետք է մեդալ շնորհել.Armenian info

Հայրապետյան Մխոյի ու Ասլանյան Հակոբի երեկվա ֆեյսբուքյան «ֆլիրտը» ոչ մի օգուտ չի տվել վերջինիս. Կոնջորյան Հայկոն հայտնել է, որ լրջագույն կարգապահական խախտման, ինչպես նաև ՔՊ-ի որդեգրած արժեքների և քաղաքական ուղեգծի հետ խիստ անհամատեղելի վարքի պատճառով միաձայն որոշել են Հակոբին հեռացնել խմբակցությունից:

Բացառված չէ, որ շատ շուտով ականատես դառնանք նաև առհասարակ կուսակցությունից ծերունու հեռացմանը՝ նկատի ունենալով այն, թե ինչպիսի «անքավելի մեղքերի» համար է Հայկոն մեղադրել ծերունուն՝ չհարգելով նույնիսկ տարիքը:

Բայց տվյալ դեքում շատ մեծ հարց է առաջանում՝ ինչպե՞ս պետք է հասարակությունը վերաբերվի Ասլանյան Հակոբի այս ճակատագրին՝ նկատի ունենալով Հայկոի բերած պատճառաբանությունները:

Ողջ խնդիրն այն է, որ եթե իսկապես Հայկոն չի կեղծում, ուրեմն Ասլանյան Հակոբին պետք է մեդալ շնորհել. շեղվել թրքամետ ՔՊ-ի քաղաքական ուղեգծից կամ «արժեքենրից» կարող էր սեփական ազգությունը միչև վերջ չուրացած մեկը: Բայց ճիշտն ասած՝ զննելով Ասլանյան Հակոբի հայտարարություններն ու կեցվածքը՝ չէիր ասի, որ նա շեղվել է Նիկոլի ճանապարհից: Համենայն դեպս՝ նրա հանրային խոսքը երբեք աչքի չի ընկել հայկկոնջորյանների համար կասկածելի որևէ բանով:

Ինչևիցե,ծերունու քաղաքակն կարիերան անցյալ է,ինչը չի կարող չուրախացնել. եթե այսպես երկար շարունակվի, ՔՊ-ն կարող է դառնալ ասենք մի 25 հոգանոց խմբակցություն: