Լուսնային կարմա-հանգույցները փոխում են նշանը. ի՞նչ է դա նշանակում կենդանակերպի նշանների համար

Վեդայական աստղագուշակությունում կա «ինչպես լուսնային հանգույց» հասկացությունը։ Դրանք երկուսն են՝ հյուսիսային եւ հարավային, գտնվում են մեկը մյուսի դիմաց։ Ընդունված է դրանք համարել կարմա։ Հենց այդ լուսնային հանգույցների պատճառով են տեղի ունենում խավարումները։ Յուրաքանչյուր 18 ամիսը մեկ լուսնային հանգույցները փոխում են նշանը, ինչը հանգեցնում է փոփոխությունների կյանքի այս կամ այն ոլորտում, եւ այն դառնում է գլխավոր թեմա առաջիկա մեկուկես տարում։ Հունվարի 12-ին Լուսնային կարմա-հանգույցները փոխում են իրենց նշանը, եւ սկսվում է 18 ամիս տեւող նոր շրջափուլը։ Ձեզ ենք ներկայացնում այն, թե որ թեման կդառնա հիմնականն այդ շրջանում կենդանակերպի յուրաքանչյուր նշանի համար։
Խոյ
Վերջին մեկուկես տարվա ընթացքում լուսնային հանգույցները գտնվում են Խոյի նշանում, այդ պատճառով Խոյերը մեծ փոփոխություններ են ունենում իրենց կյանքում։ Այժմ լուսնային հանգույցներն ազդում են 12-րդ եւ 6-րդ հատվածների վրա, որոնք պատասխանատու են արտագաղթի, աշխատանքի, գործերի ավարտի եւ ավելորդ բաներից ազատվելու, ճգնակյացության եւ հոգեւոր գիտելիքների ցանկության համար: Սրանք այն թեմաներն են, որոնք Խոյերի համար գլխավորը կդառնան հաջորդ մեկուկես տարվա ընթացքում։
Ցուլ
Լուսնային հանգույցներն ազդում են հորոսկոպի 11-րդ եւ 5-րդ հատվածների վրա, որոնք պատասխանատու են շահույթի, երազանքների, ընկերների, ստեղծագործության եւ հասարակության համար: Մեծ է շրջակա միջավայրի փոփոխության հավանականությունը։ Կենտրոնացեք նոր նպատակների եւ երազանքների, ինչպես նաեւ ավելի մեծ սոցիալական ակտիվության եւ ստեղծագործելու վրա:
Երկվորյակ
Երկվորյակների համար լուսնային հանգույցները ներառված են հորոսկոպի 10-րդ եւ 4-րդ հատվածներում, որոնք պատասխանատու են կարիերայի, կարգավիճակի, ընտանիքի եւ բնակության վայրի համար։ Հնարավոր է գործունեության փոփոխություն, կհայտնվեն կարիերայի հավակնություններ եւ նոր ոլորտում զարգանալու ցանկություն։ Նաեւ կենտրոնացեք տան, տեղափոխվելու եւ ընտանիքի, ինչպես նաեւ կարգավիճակի փոփոխության հարցերի վրա:
Խեցգետին
Խեցգետինների լուսնային հանգույցները տեղափոխվում են հորոսկոպի 9-րդ եւ 3-րդ հատվածներ, որոնք պատասխանատու են կրթության, ճանապարհորդության եւ հոգեւոր աճի համար: Այն ամենը, ինչ կապված է ինչ-որ օտար բանի հետ՝ լինի աշխատանք, ժամանց, թե անձնական գործեր, նշանակություն կստանա։ Կլինի սովորելու՝ ե՛ւ ուրիշներին սովորեցնելու, ե՛ւ ինքդ քեզ սովորելու, ինչպես նաեւ ճանապարհորդելու ցանկություն եւ եռանդ։
Առյուծ
Առյուծների համար լուսնային հանգույցները ներառված են հորոսկոպի 8-րդ եւ 2-րդ հատվածներում, որոնք շոշափում են ֆինանսների, կորուստների, արժեքների, սեքսի եւ ինքնագնահատականի թեման։ Մասնագիտությունը կամ եկամտի աղբյուրը փոխելու մեծ հավանականություն կա։ Կենտրոնացեք ներքին վերափոխումների վրա դժվար իրավիճակների միջոցով:
Կույս
Կույսերի լուսնային հանգույցները տեղափոխվում են հորոսկոպի 7-րդ եւ 1-ին հատվածներ, որոնք պատասխանատու են գործընկերության, ամուսնության, ամուսնալուծության եւ անձի վերափոխման համար: Փոփոխություններ ե՛ւ ռոմանտիկ, ե՛ւ աշխատանքային հարաբերություններում՝ նոր մակարդակ կամ դադարեցում: Կարեւոր կդառնան ինքնագնահատականի եւ այլ մարդկանց հետ փոխհարաբերությունների հարցերը։
Կշեռք
Կշեռքների համար լուսնային հանգույցներն ազդում են հորոսկոպի 6-րդ եւ 12-րդ հատվածների վրա, որոնք պատասխանատու են աշխատանքի, առօրյայի, սովորությունների եւ առողջության համար։ Հնարավոր է ձեռք բերել նոր կամ հրաժարվել հին սովորություններից։ Մեծ ուշադրություն աշխատանքում եւ դրա փոփոխություններ, ինչպես նաեւ առողջական խնդիրների լուծում։
Կարիճ
Կարիճների համար լուսնային հանգույցները ներառված են 5-րդ եւ 11-րդ հատվածներում, որոնք պատասխանատու են ստեղծագործության, հաճույքի, սիրավեպի, ընկերների, երազանքների, երեխաների եւ հասարակության համար: Կմեծանան սոցիալական շփումները, ավելի կկարեւորվեն երեխաների խնդիրները ընտանիքում։ Կհայտնվեն ներշնչանք ու ստեղծագործական պլաններ, մեծ է նաեւ ռոմանտիկ արկածների հավանականությունը։
Աղեղնավոր
Աղեղնավորի լուսնային հանգույցները կխառնվեն հորոսկոպի 4-րդ եւ 10-րդ հատվածներին՝ շոշափելով ընտանիքի, բնակության վայրի, կարգավիճակի եւ կարիերայի թեմաները: Մեծ է անշարժ գույք տեղափոխելու, գնելու կամ վաճառելու, նորոգման եւ տան հետ կապված այլ հարցերի հավանականությունը: Ընտանեկան հարցերը կլինեն գլխավոր թեման։
Այծեղջյուր
Այծեղջյուրների լուսնային հանգույցները ազդում են 3-րդ եւ 9-րդ հատվածների վրա, որոնք պատասխանատու են հաղորդակցության, հմտությունների, ճանապարհորդության եւ հասարակության համար: Կավելանան սոցիալական ակտիվությունը եւ նոր մարդկանց հետ հանդիպումները։ Հավանական են հաճախակի ճանապարհորդություններ մոտիկ վայրեր եւ կարճ ժամանակահատվածներով: Բարենպաստ ժամանակ նոր հմտություններ եւ գիտելիքներ յուրացնելու համար։
Ջրհոս
Ջրհոսների համար լուսնային հանգույցները ներառված են հորոսկոպի 2-րդ եւ 8-րդ հատվածներում, որոնք ընդգծում են ֆինանսների, եկամուտների, ծախսերի, արժեքների, ինչպես նաեւ ինքնագնահատականի թեմաները։ Նոր ֆինանսական մակարդակի հասնելու հավանականությունը մեծ է։ Աշխատանքի փոփոխություն կամ կարիերայի աճ, որը կհանգեցնի արժեքների եւ ինքնագնահատանքի վերագնահատման:
Ձուկ
Լուսնային հանգույցները տեղափոխվում են Ձկների նշան, որն ազդում է հորոսկոպի 1-ին եւ 7-րդ հատվածների վրա, որոնք պատասխանատու են վերափոխման, մարդկանց հետ հարաբերությունների եւ անձնական աճի համար: Հաջորդ մեկուկես տարին Ձկների համար մեծ փոփոխությունների շրջան է լինելու կյանքի բոլոր բնագավառներում՝ ամուսնությունից ու ամուսնալուծությունից մինչեւ երեխաների ծնունդ, շրջապատի կամ նոր մասնագիտության փոփոխություն: