Աննայի տարեվերջի խաշը դարձավ Նիկոլի սոխով ձվածեղ. ԸՆԿԵՐ ՓԱՆՋՈՒՆԻ
Ընկեր Փանջունի
ՑԻՐԿ ՇԻՊԻՏՈ
(ՀՈՎԻԿ ԱՂԱԶԱՐՅԱՆԻ ԿՈՂՄԻՑ «ՄԱՍԿ» ԿՈՒՍԱԿՑՈՒԹՅՈՒՆ ԲԱՑԵԼՈՒ ԿԱՊԱԿՑՈՒԹՅԱՄԲ) Հայաստանյան քաղաքական կրկեսից միայն « Маски шоун» էր պակասում։
**
ՀԻՆ ԱՍԱՑՎԱԾՔԸ ՆՈՐՈՎԻ
(ԹԵՎԱՆՅԱՆ ԱՆԴՈՆ ՆԱՐԵԿ ՄԱԼՅԱՆԻՆ` ԻՐ ԿՈՂՄԻՑ ՍՈՐՈՍԻՑ ՍՏԱՑԱԾ 14260 ԴՈԼԱՐ ՍՏԱՆԱԼՈՒ ՆՐԱ ՀԱՅՏԱՐԱՐՈՒԹՅԱՆ ԿԱՊԱԿՑՈՒԹՅԱՄԲ)
Деньги не пахнут!
**
ԱՎԵՏԻՍ
Ըստ քաղտեխնոլոգների` Հայաստանում քաղաքական դաշտում «ընդդիմադիրների» մոտ տարին սկսել «էլ գող փիսո, էլ քաչալ շուն» կարգախոսով։
**
ԱՆԴՈՆԱՊԵՏՈՒԹՅՈՒՆ
Ըստ քաղաքական վերլուծաբանների` քաղաքական դաշտում արտառոց ոչինչ էլ տեղի չի ունենում, ուղղակի ընդդիմադիր որոշ ուժեր, ՔՊ-ի Անդոնի «փառքին» նախանձելով, ուզում են առաջ բրթել իրենց Անդոնին։
**
ԳՈՒՐՄԱՆԸ
Ըստ խոհարարական սպորտի համաշխարային ասոցիացիայի` Նիկոլից ընդամենը ութ տարի պահանջվեց, որպեսի խոզի կաշի ուտողից վերածվի ձվաձեղ ուտողի։
**
ՆԻԿՈԼԸ «ՄԵՆՔ ԵՆՔ ՄԵՐ ՍԱՐԵՐԸ» ՖԻԼՄԻ ՆՄԱՆՈՒԹՅԱՄԲ
(ՆԻԿՈԼԸ ԱԼԻԵՎԻ ԱԳՐԵՍԻՎ ՀԱՅՏԱՐԱՐՈՒԹՅԱՆ ԿԱՊԱԿՑՈՒԹՅԱՄԲ)
Մենք մեր համար Աննայի հետ ձվածեղ էինք ուտում, մեկ էլ` Իլհամը շրըխկ:
**
ԺԱՄԱՆԱԿԱԿԻՑ ԹՐԵՆԴ
(ԱՆՆԱ ՀԱԿՈԲՅԱՆԸ ԿՈՆՔԵՐԸ ԲԱՑ ԶԳԵՍՏ ՀԱԳՆԵԼՈՒ ԿԱՊԱԿՑՈՒԹՅԱՄԲ)
Փաստորեն, Նիկոլը Աննայի բոյֆրենդն է, ինչ ուզենա` էն էլ կհանգի:
**
ԱՆՆԱՆ ՏԱՐԵՎԵՐՋԻ ԽԱՇԸ ՄԵՐԺԵԼՈՒՑ ՀԵՏՈ
Աննայի տարեվերջի խաշը դարձավ Նիկոլի սոխով ձվածեղ:
**
ԻՆՉՊԻՍԻ ՀԵՐՈՍ ԸՆԿԵՐՆԵՐ ՄԵՌԱՆ…
Ըստ տնտեսագետների` իրոք, Նիկոլի ասած` հարկ վճարողներն են մեր հերոսները: Ինչպես մոլլա Նասրեդինի էշը, ինչքան հարկերը բարձրացնում են, մեկ ա, հարկատուները ջանասիրաբար, առանց ընդվզումների, խելոք շարունակում են հարկերը վճարել:
**
ՀԱՅՏԱՐԱՐՈՒԹՅՈՒՆ
Ըստ պետռեգիստրի` Հովիկ Աղազարյանենց նորաստեղծ կուսակցության գրասենյակը կրկեսի շենքում են բացելու:
**
ԿԱՏԱՐՎԱԾ ՓԱՍՏ
ՔՊ-ից շատերին վեց տարի պահանջվեց, որ աչքները բացեն ու տեսնեն Նիկոլի հակառակ երեսը ու հասկանան, թե ոտքով գլխով ինչպիսի ՔՊ-ի մեջ են ընկել:
**
ՆՈՐ ԽՄԲԱԿՑՈՒԹՅՈՒՆ
Ըստ ԱԺ աշխատակազմի` Իշխան Զաքարյանը, Գեղամ Նազարյանը, Հովիկ Աղազարյանը ու Հակոբ Ասլանյանը ստեղծելու են նոր` «դուրսընկածների» ֆրակցիա: