Գիտնականները նոր լազերային տեխնոլոգիաների միջոցով Պերուի հնագույն մումիաների վրա բարդ դաջվածքներ են հայտնաբերել

Նոր լազերային տեխնոլոգիան թույլ է տվել բացահայտել Պերուի դարավոր մումիաների դաջվածքների բարդ մանրամասները՝ հայտնում են հնագետները իրենց նոր ուսումնասիրության մեջ:

PNAS ամսագրում հրապարակված ուսումնասիրության մեջ գիտնականներն դիտարկել են ավելի քան 100 մումիֆիկացված մարդու մնացորդներ Չանկայ մշակույթից, որը բնակվում էր Պերուում մոտավորապես մ.թ. 900-ից մինչև 1533 թվականը:

Նոր տեխնիկան օգտագործում է լազերային խթանված ֆլուորեսցենտ (LSF), որը թույլ է տալիս նկարներ ստանալ նմուշի ֆլյուորեսցենցիայի հիման վրա՝ դրանով իսկ բացահայտելով մանրամասներ, որոնք կարող են բաց թողնվել ուլտրամանուշակագույն  լույսի ներքո պարզ հետազոտության արդյունքում: LSF-ն աշխատում է դաջված մաշկի վրա վառ սպիտակ գույն հաղորդելով, ինչի արդյունքում սև ածխածնի հիմքի վրա  դաջվածքի թանաքը հստակորեն առանձնանում է: Սա գործնականում վերացնում է դաջվածքների արյունահոսության և գունաթափման խնդիրը, ինչը ժամանակի ընթացքում կարող է խամրեցնել նկարազարդումը՝ ասվում է հետազոտության մեջ:

Գիտնականների խոսքով՝ երեք բարդ դաջվածքները, որոնք նրանք հայտնաբերել են մումիֆիկացված մնացորդների վրա, «հիմնականում եռանկյուններով երկրաչափական նախշեր էին, որոնք հայտնաբերվել են նաև Չանկայի այլ արտեֆակտների վրա, ինչպիսիք են կերամիկան և տեքստիլը»։

Սակայն քիչ բան է հայտնի Չանկայի մշակույթի սոցիալական կազմակերպման մասին, ինչը դարձնում է այս հետազոտությունը հետաքրքիր և կարևոր՝ ասում է հնագետ Կասիա Շրեմսկին։

«Շատ հասարակություններում դաջվածքներն օգտագործվում են հատուկ կարգավիճակ ունեցող մարդկանց նշելու համար, ուստի ավելի լավ հասկանալով, թե ինչպիսի տեսք ունեն չանկայցիների դաջվածքները, մենք կարող ենք սկսել փնտրել օրինաչափություններ, որոնք կօգնեն մեզ բացահայտել մարդկանց տարբեր տեսակներ, դասեր կամ կարգավիճակներ»,- ասել է Շրեմսկին Live Science-ին տված հարցազրույցում։