Ալեն Սիմոնյանը հայտնել է, որ ցանկանում է ոչ ստանդարտ հարցազրույց տալ․ տեսանյութ

ՀՀ ԱԺ նախագահ Ալեն Սիմոնյանը ֆեյսբուքյան ուղիղ եթերով հայտնել է, որ ցանկանում է ոչ ստանդարտ հարցազրույց տալ և ընտրել է այս ֆորմատով խոսելը, քանի որ, ըստ նրա, սա լավագույն տարբերակն է։
«Խնդիրը կայանում է նրանում, որ ես չեմ ուզում ստանդարտ հարցազրույց լինի, ուզում եմ դուրս գանք այն ֆորմատից, որն հաճախ տեսնում ենք, այն է՝ քաղաքականության, ընդիմության աշխարհաքաղաքական և այլ թեմաներից խոսելը։ Չեմ էլ ուզում այլ ծայրահեղության մեջ ընկնել՝ խոսել սենտիմենտներից, էմոցիաներից․․․ Ես ուզում եմ խոսել մեջտեղի հատվածում գտնվող իրականության մասին, այն մարդկանց մասին, ովքեր իմ կյանքում ինչ-որ դեր են խաղացել, այն մարդկանց մասին, ում հետ ճանապարհ եմ ասել, այն ամենի մասին, ինչն ես շատ հաճած ուզել եմ ասել, բայց հնարավորություն չի եղել կամ ժամանակավրեպ է եղել։ Այն բոլոր ֆորմատները, որոնք ես գիտեմ, չեմ կարծում որ կծառայեն այն նպատակին, որը ես ուզում եմ տեսնել։Ասելիք շատ կա, ուստի վստահ եմ՝ հետաքրքիր է լինելու»,- ասել է նա։
Դիմելով իր հետևորդներն ԱԺ նախագահը խնդրում է առաջարկել մարդկանց անուններ, ովքեր կկարողանան հետաքրքիր ֆորմատով հարցազրույց անցկացնել․ «Պարտադիր չէ, որ միայն լրագրողներ կամ խմբագիրներ լինեն, կարող են լինել նաև հայտնի մարդիկ, ովքեր երբևէ հարցազրույցի ֆորմատով հանդես չեն եկել։ Որոշումը կկայացնեմ ես իմ թիմի հետ միասին։ Առաջարկների համար գրել մեկնաբանություն կամ կապվել իմ խոսնակի հետ; Տեսնենք ինչ կստացվի»,- եզրափակել էԱլեն Սիմոնյանը։
Մանրամասները՝ տեսանյութում