ԱՐԴԵՆ ՆԱԽԱԳԱՀ ԹՐԱՄՓԸ ԿԱՐՈ՞Ղ Է ՇԱՏ ԱՐԱԳ ԿԱՆԳՆԵՑՆԵԼ ՈՒԿՐԱԻՆԱԿԱՆ ՊԱՏԵՐԱԶՄԸ

Ի­հար­կե, այն աշ­խար­հա­քա­ղա­քա­կան ֆո­նը, ո­րը կա­րող է Թ­րամ­փի օ­րոք ստեղծ­վել Հա­րա­վա­յին Կով­կա­սում (Ւե´ս նաեւ https://iravunk.com/?p=303483&l=am), մե­ծա­պես կախ­ված է նաեւ այն հար­ցից, թե ընդ­հան­րա­կան ի­մաս­տով ի՞նչ վերջ­նա­կան պայ­մա­նա­վոր­վա­ծութ­յուն­ներ կա­րող են ձեռք բե­րել Պու­տինն ու Թ­րամ­փը, որ­տեղ, հաս­կա­նա­լի է, ա­ռաջ­նա­յին դիր­քե­րում է մնում ուկ­րաի­նա­կան հա­կա­մար­տութ­յու­նը: Բայց դրա­նից էլ ա­ռաջ կա այն հար­ցը, թե գո­նե հա­մա­ձայ­նութ­յուն ձեռք բե­րե­լու ռեալ փորձ լի­նե­լո՞ւ է, այ­սինքն, նախ­նա­կան բա­նակ­ցութ­յու­նն­երում ինչ-որ հա­մա­ձայ­նութ­յուն­նե­րի հե­ռան­կար­ներ կող­մե­րը տես­նո՞ւմ են, որ դա էլ տե­ղա­փոխ­վի Պու­տին-Թ­րամփ անձ­նա­կան գա­գա­թա­ժո­ղո­վի օ­րա­կարգ:

Երկ­րորդ հար­ցի պա­տաս­խա­նը, թե­րեւս, ար­դեն կա: Այ­սինքն, ան­գամ ուլտ­րա­լի­բե­րալ աղբ­յուր­ներն են հաս­տա­տում, որ Թ­րամ­փը ար­դեն իսկ հանձ­նա­րա­րել է՝ հե­ռա­խո­սազ­րույց կազ­մա­կեր­պել Պու­տի­նի հետ պաշ­տո­նը ստանձ­նե­լուց հե­տո մի քա­նի օր­վա ըն­թաց­քում: Ռու­սա­կան աղբ­յուր­ներն էլ խո­սում են գա­լիք շա­բաթ­վա մա­սին, նաեւ, որ Կ­րեմ­լում պատ­րաստ են այդ ա­ռա­ջին զրույ­ցին: Այ­սինքն, նման է, որ գո­նե խո­սե­լու թե­մա­ներ եր­կու ա­ռաջ­նորդ­ներն ու­նեն, ինչն ար­դեն իսկ շատ կա­րե­ւոր է՝ ծայ­րա­հեղ շի­կաց­ման հա­սած գլո­բալ լար­վա­ծութ­յու­նը մեղ­մե­լու ի­մաս­տով: Ա­ռա­վել եւս, որ, օ­րի­նակ, CNN-ի տե­ղե­կաց­մամբ, այդ ա­ռա­ջին հե­ռա­խո­սազ­րույ­ցի նպա­տակ­նե­րից մեկն ա­ռա­ջի­կա­յում անձ­նա­կան հան­դիպ­ման քննար­կումն է՝ Ուկ­րաի­նա­յի պա­տե­րազ­մը դա­դա­րեց­նե­լու հիմ­նա­կան նա­խա­պատ­վութ­յամբ:

Այս­պի­սով, ռեա՞լ է Ուկ­րաի­նա­յի հետ կապ­ված լե­զու գտնե­լը: Այն, որ Թ­րամ­փի ի­նա­գու­րա­ցիա­յի շե­մին Զե­լենս­կին եւս մեկ ծանր հար­ված ստա­ցավ, դա նրա հա­մար պետք է որ լուրջ ազ­դակ լի­նի: Այ­սինքն, հե­րիք չէ, որ նրան այդ­պես էլ ի­նա­գու­րա­ցիա­յի չկան­չե­ցին, չնա­յած ԱՄՆ-ում լոբ­բիստ­նե­րին 100 մի­լիոն դո­լար տա­լու պատ­րաս­տա­կա­մութ­յա­նը, դեռ մի բան էլ՝ Թ­րամ­փի որ­դին՝ Դո­նալդ Թ­րամփ կրտսերը, այդ թե­ման հրա­պա­րա­կա­յին դարձ­րեց. «Նա ե­րեք ան­գամ ոչ պաշ­տո­նա­պես ա­ղա­չել է, որ ի­րեն հրա­վի­րեն, ա­մեն ան­գամ մեր­ժում է ստա­ցել»: Ս­րա­նով պարզ հու­շում են բո­լո­րին՝ Զե­լենս­կին չու­նի այն դիր­քը, ո­րը նրան տվել էր Բայ­դե­նը: Այ­սինքն, որ դրան կա­րող է հա­ջոր­դել ար­դեն Ս­պի­տակ տուն մտած Թ­րամ­փից այլ հար­ված­ներ, ա­սենք՝ Զե­լենս­կու լե­գի­տի­մութ­յու­նը ճա­նա­չե­լուց հրա­ժար­վե­լու, էլ չա­սած՝ ֆի­նան­սա­վո­րու­մից կտրե­լու տես­քով, ցույց է տա­լիս, որ Թ­րամ­փը Կիե­ւի վրա ազ­դե­լու բո­լոր լծակ­ներն ու­նի: Ի­հար­կե, ինչ­պես կով­կաս­յան ուղ­ղութ­յամբ, Ուկ­րաի­նա­յում եւս Բ­րի­տա­նիան հա­մա­ռո­րեն փոր­ձում է իր դիր­քե­րը պա­հել, ո­րի միակ մի­ջո­ցը պա­տե­րազմն ա­ռա­վե­լա­գույնս եր­կա­րաց­նելն է: Միայն թե դրա հա­մար սե­փա­կան ռե­սուրս­ներ Լոն­դո­նը չու­նի: Չի կա­րող նաեւ եվ­րո­պա­կան ռե­սուրս­նե­րի հաշ­վին ա­նել, քա­նի որ նախ՝ Եվ­րո­պան ին­քը ռե­սուրս­նե­րի խնդիր ու­նի: Հա­ջոր­դը, դեռ իշ­խա­նութ­յան չե­կած, Թ­րամ­փը քա­նիցս ցույց է տվել, որ Եվ­րո­պա­յի դե­րը տես­նում է ըն­դա­մե­նը իր հրա­հա­նգնե­րը կա­տա­րե­լու մեջ, եւ ե­թե ոչ, ա­պա կանց­նի ա­ռան­ձին եվ­րո­պա­կան երկր­նե­րի հետ գոր­ծակ­ցութ­յան, ո­րը տա­նում է ԵՄ-ի վերջ­նա­կան փլուզ­ման: Եվ այն, որ Գեր­մա­նիան այդ­պես էլ չհա­մա­ձայն­եց Ուկ­րաի­նա­յին հա­վել­յալ ֆի­նան­սա­վո­րում հատ­կաց­նել, իսկ Մակրո­նը զբաղ­ված է ըն­դա­մե­նը իր գլու­խը փրկե­լու հար­ցով, գա­լիս է հու­շե­լու, որ Եվ­րո­պա­յի մի­ջո­ցով ուկ­րաի­նա­կան պա­տե­րազ­մը ձգե­լու հար­ցում Լոն­դո­նը, մեղմ ա­սած, փա­կու­ղա­յին վի­ճա­կում է:

­Կարճ ա­սած, որ ուկ­րաի­նա­կան պա­տե­րազ­մի «փա­կա­նը» ե­ղել եւ մնում է Վա­շինգ­տո­նի ձեռ­քին, դա հաս­տատ է: Կու­զե­նա՞ Թ­րամփն այդ փա­կա­նը փա­կել, սա է հար­ցը:

­Մի կող­մից, Թ­րամ­փը սե­փա­կան՝ «մեկ օ­րում պա­տե­րազ­մը դա­դա­րեց­նե­լու» խոստ­ման գե­րին է դար­ձել: Սա­կայն հար­ցը ոչ թե խոս­տումն է, այլ` ու­զել-չու­զե­լը:

­Նախ, աշ­խար­հա­քա­ղա­քա­կան հա­մա­տեքս­տում ԱՄՆ-ի հա­մար Ուկ­րաի­նան ռազ­մա­վա­րա­կան շախ­մա­տա­յին խա­ղա­քար է հա­մաշ­խար­հա­յին գե­րիշ­խա­նութ­յան հա­մար: Ռու­սաս­տա­նի հա­մար ուկ­րաի­նա­կան հա­կա­մար­տութ­յու­նը լի­նել-չլի­նե­լու խնդիր է: Հենց սա ար­դեն  հիմք է ստեղ­ծում բա­նակ­ցութ­յուն­նե­րի հա­մար։ Ե­թե ոչ Բայ­դե­նը, ա­պա Թ­րամ­փը հաս­տատ հաս­կա­նում է, որ Ռու­սաս­տա­նը պատ­րաստ է գոր­ծել վճռա­կան եւ­ եր­կա­րա­ժամ­կետ հե­ռան­կա­րում։ Սա նշա­նա­կում է, որ նրանց քայ­քայ­ման ռազ­մա­վա­րութ­յու­նը սահ­ման­ներ ու­նի, եւ­ երկ­խո­սութ­յունն ան­խու­սա­փե­լի է: Այ­լընտ­րան­քը` Եր­րորդ աշ­խար­հա­մարտն է, ին­չի մա­սին քա­նիցս հայտ­նել է Թ­րամ­փը:

­Նաեւ, Թ­րամ­փի հա­մար ա­ռաջ­նա­յին է ե­ղել եւ մնում Չի­նաս­տա­նի դեմ պայ­քա­րը: Մինչ­դեռ Պե­կի­նը, որ­քան էլ Ռու­սաս­տանի հետ սերտ հա­մա­գոր­ծակ­ցող, բայց շա­հագրգռ­ված է պա­տե­րազ­մի եր­կա­րաձգ­ման հար­ցում: Մի կող­մից, դա Վա­շինգ­տո­նին շե­ղում է իր դեմ ու­ղիղ բա­խու­մից, երկ­րոր­դը, տնտե­սա­կան բարդ վի­ճա­կում գտնվող Ռու­սաս­տա­նը ստիպ­ված է, ա­սենք, շատ է­ժան գնե­րով Չի­նաս­տա­նին նավթ վա­ճա­ռել՝ մե­ծաց­նե­լով նրա պո­տենց­իա­լը: Այ­սինքն, ուկ­րաի­նա­կան պա­տե­րազ­մը ԱՄՆ-­Չի­նաս­տան ուղ­ղութ­յամբ ԱՄՆ-ին խոչըն­դոտ է, Չի­նաս­տա­նին՝ լուրջ օ­գուտ: Եվ այս կար­գի գոր­ծոն­նե­րի ցան­կը, ո­րոնք Թ­րամ­փի հա­մար ցան­կա­լի են դարձ­նում ուկ­րաի­նա­կան հա­կա­մար­տութ­յու­նից դուրս գա­լը, կա­րե­լի է շա­րու­նա­կել:

Այ­սինքն, Թ­րամ­փի տեր­մի­նա­բա­նութ­յամբ՝ «լավ գոր­ծար­քի» հնա­րա­վո­րութ­յան դեպ­քում նա միան­շա­նակ դրան կգնա: Ասենք, «լավ գոր­ծար­քը» նաեւ Մոսկ­վա­յի հա­մար է ցան­կա­լի. ե­րեք տար­վա պա­տե­րազ­մը եւ հա­մա­տա­րած պատ­ժա­մի­ջոց­նե­րը, մեղմ ա­սած, հոգ­նե­ցու­ցիչ բան են:

­Կան նաեւ լուծ­ման տար­բե­րակ­ներ: Բայց ա­սել, թե շատ ա­րագ լուծ­ման, դա էլ այս պա­հին ռեալ չէ: Ռուս­նե­րին դեռ պետք է ա­ռաջ գնալ, ուկ­րաի­նա­կան կող­մը դեռ ու­նի Բայ­դե­նից ստա­ցած զեն­քի պա­շար­ներ, ո­րոնք մի քա­նի ա­միս եւս կբա­վա­րա­րեն: Տա­րե­վեր­ջին պայ­մա­նագ­րի կնքու­մը միան­գա­մայն ի­րա­տե­սա­կան է թվում: