Այն, ինչ տեղի է ունենում ԱՄՆ-ում, Արևմուտքը պառակտում է երկու բևեռի. Ալեքսանդր Դուգին

Գնահատելով ամենրիկյան ներկայիս գործընթացները, ռուս փիլիսոփա Ալեքսանդր Դուգինը հետեւյալ կարծիքն է հայտնել.

- Այն, ինչ տեղի ունեցավ ԱՄՆ-ում նախագահական ընտրություններում Թրամփի հաղթանակից հետո, ինչպես է տեղի ունեցել երդմնակալությունը և ինչպես է տեղի ունենում իշխանության փոխանցումը, ցույց է տալիս, որ մենք գործ ունենք ԱՄՆ-ում պահպանողական հեղափոխության սրընթաց գործընթացի հետ։ Արժեքների համակարգը փոխվում է բառացիորեն ճիշտ հակառակ ուղղությամբ, ինչ մինչ այս կար: Այն, ինչ Թրամփն ու նրա թիմը հայտարարում են, և առաջին քայլերը, որոնք անում են, շարժվում են լիակատար հակադրվելով ձախ-լիբերալ գաղափարախոսությանը, որն ընկած է գլոբալիստների կողմնորոշումների, ռազմավարությունների և գործողությունների հիմքում:

Ըստ էության, այն, ինչ տեղի է ունենում այսօր, շատ խորը փոխակերպում է և նույնիսկ Արևմուտքի պառակտում երկու բևեռի: Այդ բևեռներից մեկը մնում է ձախ-լիբերալ և գլոբալիստական: Նախկինում այն ​​մարմնավորվել էր Բայդենում և գործնականում նրա բոլոր նախորդների, այդ թվում հանրապետական ​​Ջորջ Բուշ կրտսերի մեջ, որը չէր ներկայացնում այս ձախ-լիբերալ օրակարգին այլընտրանք:

Երկրորդ բևեռը, ըստ էության, հենց ինքը՝ Թրամփն է և թրամփիզմը։ Սա պահպանողական Ամերիկա է, որը, ըստ էության, ամբողջությամբ մերժում է ձախ-լիբերալ գաղափարախոսությունը՝ հաստատելով աջ-պահպանողական գաղափարախոսությունը։ Ընդգծեմ՝ ոչ թե աջ-լիբերալ, այլ աջ-պահպանողական, քանի որ Թրամփի ճամբարի շատ ներկայացուցիչներ խոսում են հետլիբերալ արժեքների և, ընդհանրապես, լիբերալիզմի մերժման մասին։

Հենց «լիբերալ» բառն Ամերիկայում դառնում է կեղտոտ տերմին։ Եվ այս փոփոխություններն այնքան դինամիկ են, այնքան արագ, որ շատերը դեռ չեն էլ գիտակցել, թե որքան նշանակալից են այն փոխակերպումները, որոնք տեղի են ունենում ընդհանրապես Արևմուտքում և մասնավորապես` ամերիկյան հասարակության մեջ:

Գլոբալիստների ձախ-ազատական ​​արժեքները փոխարինվում են ավանդականներով: Լիբերալ պրոգրեսիվիզմից շրջադարձ կա դեպի պահպանողականություն և նույնիսկ` ավանդապաշտություն:

Իրականում Թրամփն ու Թրամփիստները առաջ են քաշում արժեհամակարգ, որն իր հիմնական վեկտորներով և դրույթներով շատ մոտ է Ռուսաստանի հռչակածին։ Եվ այս առումով ավանդական արժեքների մասին Պուտինի թիվ 809 հրամանագիրը, այլասերվածությունների քարոզչության մեր արգելքը և այս ամբողջ գենդերային քաղաքականությունը, հայրենասիրության կոչը, նյութականի նկատմամբ հոգևոր գերակայությունը և շատ այլ արժեքային հիմքեր այժմ իրականացվում են Թրամփ կողմից:

Զարմանալի է, թե որքան արագ է նա դա անում: Չնայած այն հանգամանքին, որ նման տեսակետները կիսող մարդիկ մինչև վերջերս լրիվ մարգինալներ էին, Թրամփի իշխանության գալուց հետո նրանք ակնթարթորեն հայտնվեցին կենտրոնում։ Ամերիկյան հասարակության մեջ աջ պահպանողականների և ավանդապաշտների աջակցությունը հսկայական է: Եվ, ի տարբերություն Թրամփի առաջին ժամկետի, սա այժմ դառնում է զգալի հասարակական-քաղաքական միտում:

Այստեղ մեզ՝ ռուսներիս համար չափազանց կարևոր է հասկանալ, թե ինչպես վարվել ստեղծված իրավիճակում։ Որովհետև մեր քաղաքակրթական ինքնության ամենակարևոր ասպեկտներից մեկը, որի անունից մենք մարտահրավեր նետեցինք գլոբալիզմին, այժմ ինչ-որ առումով առևանգվել է թրամփիստների կողմից: Այս ֆոնին, այդ դինամիզմի, այդ վճռականության, այդ շռայլության և այն կոշտության ֆոնին, որով այս ամենը կատարվում է ԱՄՆ-ում, մենք այլևս պիոներների ու հետախույզների տեսք չունենք։

Ոչ, մենք չենք հրաժարվում այս ոլորտում առաջնորդությունից, որը մեր ամենամեծ ուժն է՝ ավանդական արժեքների հռչակման, գենդերային քաղաքականության արգելման և Ռուսաստանում վերջին տարիներին ընդունված շատ այլ լավ ու կարևոր բաների մեջ։ Բայց մենք չկարողացանք աշխուժություն և դինամիկա ավելացնել ինքնությանը, ավանդական արժեքներին և պահպանողական իդեալներին ուղղված մեր սեփական գրավչությանը: