Թրամփը հանդես է եկել ՌԴ ժողովրդին ուղղված կոչով, որը Մոսկվայի կարող է ստիպել` կոշտացնել մոտեցումները
ՄիջազգայինԹրամփը հանդես է եկել Ռուսաստանի ժողովրդին ուղղված կոչով, որում ասված է.
«Ես մտադիր չեմ վնասել Ռուսաստանին. Ես սիրում եմ ռուս ժողովրդին և միշտ շատ լավ հարաբերություններ եմ ունեցել նախագահ Պուտինի հետ՝ չնայած արմատական ձախերի՝ «Ռուսաստան, Ռուսաստան, Ռուսաստան» մասին ստերին։ Մենք երբեք չպետք է մոռանանք, որ Ռուսաստանը մեզ օգնեց հաղթել Երկրորդ համաշխարհային պատերազմում՝ կորցնելով գրեթե 60 միլիոն կյանք։
Այս ամենը հաշվի առնելով՝ ես պատրաստվում եմ շատ մեծ լավություն անել Ռուսաստանին, որի տնտեսությունը փլուզվում է, և նախագահ Պուտինին։ Եկեք հիմա պայմանավորվենք և դադարեցնենք այս հիմար պատերազմը: Հետո միայն վատ կլինի։
Եթե շուտով «գործարքի» չհասնենք, ինձ այլ բան չի մնա, քան բարձր հարկեր, մաքսատուրքեր ու պատժամիջոցներ սահմանել այն ամենի վրա, ինչ Ռուսաստանը վաճառում է ԱՄՆ-ին և այլ մասնակից երկրներին։
Եկեք ավարտենք այս պատերազմը, որը երբեք չէր սկսվի, եթե ես լինեի նախագահ: Մենք կարող ենք դա անել հեշտ կամ դժվար ճանապարհով, իսկ հեշտ ճանապարհը միշտ ավելի լավն է: Ժամանակն է գործարք կնքելու: Այլևս կյանքերի կորուստ պետք չէ»:
Թերեւս, նման կոչով Թրամփը միանգամից երեք սխալ է թույլ տալիս: Նախ, թե. «Ռուսաստանը մեզ օգնեց հաղթել Երկրորդ համաշխարհային պատերազմում՝ կորցնելով գրեթե 60 միլիոն կյանք»: Իսկ Թրամփի գիտի՞, թե այդ պատերազմում ԱՄՆ-ն քանի կյանք կորցրեց. իր ասած ռուսական կորուստներից տասնյակ անգամներով պակաս: Եվ, ուրեմն, ո՞վ ում է օգնել` հաղթել պատերազմում: Թրամփի այս հռետորաբանությունը նման է պատմություն կեղծելուն, այն դեպքում, երբ այդ հարցում Ռուսաստանտ շատ զգայուն է: Այսինքն, նման տոնը հաստատ «լավ գործարքին» չի օգնի:
«Գործարքին» չի օգնի նաեւ Թրամփի սպառնալից տենոը. պատժամիջոցներ եւ այլն: Բայդենն արդեն կիրառել է բոլոր պատժամիջոցները, որոնք հնարավոր էր կիրառել` ԱՄՆ-ին եւ Եվրոպային հարվածներ տալու աստիճանից էլ անցնելով: Իսկ Ռուսաստանում այն գնահատումն է, որ իրենք կռվում են հանուն սեփական գոյության, եւ Թրամփի նոր սպառնալիքները հազիվ թե բան փոխեն: Ամեն դեպքում, Խոսքը Գրենլանդիայի մասին չէ. 5-6 հազար միջուկային մարտագլխիկ ունեցող երկրի հետ սպառնալիքների լեզվով խոսելը կոպիտ սխալ է, որը, ինչպես նաեւ Թրամփն է հաստատել, ընդամենը աշխարհը հասցնում է միջուկային պատերազմի շեմին:
Վերջապես, Մոսկվան ինչպես 2022թ.-ին, այնպես էլ` հիմա հստակ պայմաններ է առաջադրել` շտապես դրանց շուրջ բանակցելու պարտաբորություն հայտնելով: Հիմա էլ ազդակները նույնն են` կան այս-այս հարցերը լուծելու, որի շուրջ պատրաստ են բանակցել: Ու երբ պարզապես բանակցային սեղանի շուրջ նստելու փոխարեն, Թրամփը անցնում է հրապարակային սպառնալիքների, դա Մոսկվային միանգամից ստիպում է ի սկզբանե կոշտացնել դիրքորոշումը: Առավել եւս, երբ, ինչպես հերթական անգամ ցույց տվեց Պուտինի եւ նախագահ Սիի տեսազրույցը, ԱՄՆ-ն շարունակելու է նաեւ Թրամփի օրոք գործ ունենալ ոչ թե պարզապես ՌԴ-ի կամ Չինաստանի հետ, այլ` երկուսի հետ միաժամանակ: Ու հարց է ծագում` նման սպառնալիքների անցնելով, Թրամփն իրո՞ք ուզում է բանակցել: Իսկ հաշվի առե՞լ է, որ բայց Մոսկվայից եւ Պեկինից, կռվում է նաեւ լիբերալների հետ, Եվրոպայի, Իրանի եւ այդպես շարունակ: Գումարած` այն ավերվածությունը, որն իրենից հետո թողել է ԲՆայդենը: Այսինքն, այնքան էլ փայլուն դիրքերում չէ, ինչպիսին ուզում է ներկայացնել: