Ինչպե՞ս խուսափել կիբեր երկուշաբթի օրը խաբեբաների զոհ դառնալուց. Փորձագետի խորհուրդներ

Կիբեր երկուշաբթի օրը, որը գրավում է բազմաթիվ գնորդների զեղչերով, դարձել է խաբեբաների սիրելի ժամանակը: Տեղեկատվական անվտանգության փորձագետ Կոնստանտին Գորբունովը կիսվել է խորհուրդներով, թե ինչպես խուսափել նրանց զոհը դառնալուց:

1. Ստուգեք կայքի URL-ը

Խարդախները հաճախ պատճենում են հանրաճանաչ կայքերը, բայց փոխում են հասցեի նիշերը (օրինակ, «w»-ը փոխարինում են «vv»-ով, «1»-ը «!»-ով, գծիկը՝ ընդգծումով և այլն): Նախքան վճարում կատարելը, համոզվեք, որ ճշգրիտ է այն կայքի հասցեն, որտեղ դուք պատրաստվում եք ինչ-որ բան գնել։

2. Գնահատեք կայքի ֆունկցիոնալությունը

Հաճախ կեղծիքներն ունեն միայն մի քանի լավ պատրաստված էջեր (օրինակ՝ հիմնական էջը կամ ապրանքների կատալոգը), մինչդեռ մյուս բաժինները կարող են անավարտ լինել կամ պարունակել սխալներ։

Եթե ​​կայքը կասկածելի է թվում, դուք ակնհայտորեն չպետք է դրանից ոչինչ գնեք, ինչքան էլ գրավիչ չթվան այնտեղի առաջարկները:

3. Կասկածելի հարցումներ և հաղորդակցության մեթոդներ

• Խուսափեք այն կայքերից, որոնք պահանջում են լրացուցիչ ֆինանսական տեղեկատվություն, որը բնորոշ չէ սովորական վճարման գործընթացին:
• Եթե ապրանքը գովազդվում է անսովոր ուղիներով (օրինակ՝ հղումներ սոցիալական ցանցերում կամ ակնթարթային մեսենջերներում), սա նույնպես կարող է ծուղակ լինել:

4. Ստուգեք ակնարկները, մեկնաբանությունները

Եթե կայքում միայն դրական կարծիքներ ու մեկնաբանություններ են առաջարկվող ապրանքների համար, կամ էլ կարծիքներ ու մեկնաբանություններ ուղղակի չկան, հնարավոր է, որ ֆիշինգային կայք է:

5. Զգուշացեք անիրատեսական զեղչերից

Շատ ցածր գները, որոնք մեծապես տարբերվում են այլ կայքերի միջինից, հաճախ օգտագործվում են խաբեբաների կողմից՝ դյուրահավատ գնորդներին գրավելու համար: