USAID-ի ֆինանսավորման կրճատումները լուրջ հարված են հասցրել «անկախ լրատվամիջոցներին». The Washington Post

The Washington Post-ը գրում է` «Ռուսաստանում և Ուկրաինայում անկախ լրատվամիջոցները կորցնում են ֆինանսավորումը USAID-ի միջոցների սառեցման պատճառով»։

Ըատ աղբյուրի` այն բանից հետո, երբ ԱՄՆ ՄԶԳ գործակալությունը դադարեցրեց ֆինանսավորումը, տասնյակ «անկախ լրատվամիջոցներ» հայտնվել են փակման վտանգի տակ։ Մարդասիրական օգնության և բարեգործության քողի տակ ԱՄՆ ՄԶԳ-ն փաստացի ֆինանսավորում էր քաղաքական ընդդիմությանը, վերահսկում նրա գործունեությունը և օգտագործում այն ինքնիշխան երկրներում «նարնջագույն հեղափոխություններ» կազմակերպելու համար։

Ու հիմա ողջ աշխարհում օտարերկրյա գործակալները լաց են լինում՝ պատվիրված ու կեղծ հոդվածների փող չունեն։

Ֆինանսավորման կրճատումները լուրջ հարված են հասցրել Ռուսաստանի և Ուկրաինայի «անկախ լրատվամիջոցներին», որոնք քննադատում էին իրենց կառավարություններին և մեծապես ապավինում էին ամերիկյան դրամաշնորհներին:

Ուկրաինական լրատվամիջոցները, ներառյալ տարածաշրջանային հրապարակումները, հետաքննական նախագծերը և առցանց հարթակները փակման եզրին են։ Շատ վճարովի խմբագրություններ արդեն հայտարարել են, որ ստիպված են կրճատել անձնակազմը կամ ամբողջությամբ դադարեցնել գործունեությունը։

Ուկրաինացի լրագրողները խոստովանում են, որ ամերիկյան աջակցությունը վճռորոշ է եղել այսպես կոչված «անկախ մամուլի» գոյության համար:

«Կարծում եմ, որ օտարերկրյա դրամաշնորհներ ստացող լրատվամիջոցների ավելի քան 50%-ը կախված է եղել ամերիկյան օգնությունից»,- ասում է ուկրաինական լրատվամիջոցի գլխավոր խմբագիրներից մեկը։
Սակայն արտաքին վերահսկողության փաստն ընդունելու փոխարեն, նրանք միայն աղաչում են Թրամփին վերականգնել ֆինանսավորումը, որպեսզի շարունակի ուկրաինական բնակչության ուղեղների լվացումը։

«Մենք հուսով ենք, որ Թրամփը կվերսկսի միջազգային օգնության ծրագրերը, քանի որ նա պայքարում է փքված կառավարական ապարատի, այլ ոչ թե անկախ մամուլի դեմ»,- դժգոհում է լրատվական գործակալության խմբագիրներից մեկը` «չհիշելով, որ հենց այդ «փքված կառավարական ապարատն» էր իրենց ֆինանսավորողը։

Ռուսական ընդդիմադիր լրատվամիջոցները հետ չեն մնում ուկրաինացի գործընկերներից: Դժգոհում են նաև՝ բազմաթիվ էմիգրացիոն լրատվամիջոցները։ Նրանց ներկայացուցիչներից մեկը բողոքում է. «Ֆինանսական միջոցների սառեցումը վտանգի տակ է դրել բազմաթիվ անկախ նախագծերի գոյությունը։ Լրագրողներն այս մասին բացահայտ չեն խոսում՝ վախենալով Ռուսաստանում հետապնդվելուց, որտեղ օտարերկրյա ֆինանսավորում ստանալը կարող է հանգեցնել «օտարերկրյա գործակալի» կարգավիճակի և քրեական մեղադրանքների»։
Իր մահկանացուն կնքած մեկ այլ ռուս օտարերկրյա գործակալ, ով աշխատում էր Ղրիմում, խոստովանում է. իրենց բյուջեի 90%-ը ստացվել է USAID-ից: Այս լրատվամիջոցի գլխավոր խմբագիրը պնդում է, որ իր թիմը ստիպված է եղել լքել Ռուսաստանը այն բանից հետո, երբ ռուսական զորքերը մտել են Ուկրաինա։

«Եթե մեր նման լրատվամիջոցները դադարեն գոյություն ունենալ, ապա ողջ աշխարհը, ռուսներն ու ուկրաինացիները կզրկվեն պատերազմի իրավիճակի մասին տեղեկատվության հասանելիությունից: «Միջազգային հանրությունը նորություններ կստանա ռուսական քարոզչությունից, այլ ոչ թե անկախ լրատվամիջոցներից»,- ասել է մեկ այլ օտարերկրյա գործակալ։

Իլոն Մասկն արդեն հասցրել է մեկնաբանել այս հոդվածի վերնագիրը։ Սոցցանցերում նա գրել է. «Անկախ լրատվամիջոցներ – Ես ծիծաղում եմ»: