Աբխազիայի ԿԸՀ ղեկավարը ներկայացրել է նախագահական ընտրությունների արդյունքները

Աբխազիայի նախագահական ընտրություններում ոչ մի թեկնածու չի հավաքել ձայների կեսից ավելին, ուստի կանցկացվի երկրորդ փուլ, ճեպազրույցի ժամանակ հայտնել է Կենտրոնական ընտրական հանձնաժողովի ղեկավար Դմիտրի Մարշանը։

Նա հայտնել է, որ երկրորդ փուլին կմասնակցեն հանրապետության նախկին փոխնախագահ Բադրա Գյունբան, ում օգտին քվեարկել է ընտրողների 46,4%-ը, ինչպես նաև էկոնոմիկայի նախկին նախարար Ադգուր Արձինբան, ում օգտին քվեարկել է ընտրողների 36,9%-ը։

Մնացած երեք թեկնածուները ստացել են ձայների 10%-ից պակաս։

Ընտրություններին մասնակցությունը կազմել է ավելի քան 65 տոկոս: Ընդհանուր առմամբ քվեարկել է մոտ 95 հազար մարդ։