Թրամփի վարչակազմը երկրների ցանկ է կազմել, որոնց քաղաքացիների մուտքն ԱՄՆ կսահմանափակվի

ԱՄն նախագահ Դոնալդ Թրամփի վարչակազմը 43 երկիր ներառող ցանկ է կազմել, որոնց քաղաքացիների մուտքն ԱՄՆ կսահմանափակվի

Սահմանափակումների համակարգը բաժանված է 3 մակարդակի՝ կարմիր, նարնջագույն և դեղին, գրել են ԶԼՄ-ները։

«Կարմիր» ցուցակում ընդգրկված է 11 երկիր, որոնց քաղաքացիներին «կտրականապես կարգելվի մուտք գործել ԱՄՆ»։ Այն ներառում էր Աֆղանստանը, Բութանը, Կուբան, Իրանը, Լիբիան, Հյուսիսային Կորեան, Սոմալին, Սուդանը, Սիրիան, Վենեսուելան և Եմենը։

«Նարնջագույն» ցուցակում ընդգրկված է 10 երկիր՝ Բելառուսը, Էրիթրեան, Հայիթին, Լաոսը, Մյանմարը, Պակիստանը, Ռուսաստանը, Սիերա Լեոնեն, Հարավային Սուդանը և Թուրքմենստանը։ Այս ցանկի համաձայն՝ մուտքը կարող է տրվել հարուստ անհատներին, բայց ոչ այն անձանց, ովքեր ճանապարհորդում են ներգաղթային կամ տուրիստական ​​վիզաներով:

Դեղին» ցուցակում ներառված է 22 երկիր, որոնց կտրվի 60 օր՝ «բացահայտված թերությունները» վերացնելու համար, այլապես «կարմիր» կամ «նարնջագույն» կատեգորիաներ կտեղափոխվեն: Նման խնդիրները կարող են ներառել Միացյալ Նահանգներին մուտքային ճանապարհորդների մասին տեղեկություններ չտրամադրելը և անձնագրերի տրամադրման անվտանգության ոչ համարժեք միջոցները: Ցուցակում ընդգրկվել են հիմնականում Աֆրիկայի և Կարիբյան ավազանի երկրները։

Մուտքի նոր սահմանափակումների նախագիծը մշակում են դիվանագետները և անվտանգության ծառայության աշխատակիցները։ Նրանք նաև առաջարկություններ են անում քաղաքական դրդապատճառներով վերանայել երկրների ցանկը։