Տրանսպորտի ո՞ր փաթեթն է ամենապահանջվածը․ Ավինյանը մանրամասներ է հայտնել

Երևանի քաղաքապետարանի՝ մարտի 17-ի գործակարգավարական խորհրդակցության ժամանակ ներկայացվեց հունվար-փետրվար ամիսների և մարտի առաջին 10-օրյակի ժամանակահատվածում տոմսային համակարգի շահագործման արդյունքում գեներացված տվյալների հիման վրա ստեղծված հաշվետվությունը:

17 մլն 743 հազար 372 տոմսերից 213 հազար 21-ը կազմել են փաթեթային տոմսերը, որոնց ցուցիչները բաշխվում են հետևյալ կերպ. ամենապոպուլյար տոմսը 10 ուղևորության համար տոմսն է՝ 105 հազար 636, հաջորդիվ 30-օրյա տոմսն է՝ 58 հազար 291, այնուհետև՝ 80 րոպեանոցը՝ շուրջ 30 հազար:

Փաթեթային տոմսերի վաճառքը 213 հազար 21 է եղել, որից 61 հազար 609-ը՝ արտոնություններով տոմսերն են, կազմում է ընդհանուր քանակի 29 տոկոսը: Այդ 61 հազար 609-ից 22 տոկոսը կազմում են անվճար տոմսերը, 7 տոկոսը՝ զեղչով, իսկ հիմնականը կազմում է 71 տոկոս: Արտոնություններով տոմսերից ամենապոպուլյարը կենսաթոշակառուներին տրամադրվող տոմսերն են՝ 10 հազար 948 տոմս, մյուսը՝ հաշմանդամներինը, ուսանողներինը, զոհվածների ընտանիքներինը, բազմազավակ ծնողներինը և այլն:

Երևանի քաղաքապետ Տիգրան Ավինյանն արձագանքեց՝ այս տվյալները մեզ հնարավորություն են տալիս վերլուծական որոշակի եզրակացություններ ունենալ և երթուղիների որոշակի դասավորություններ կազմակերպել: