Երբեք անտարբեր չի անցել համայնքի բնակիչների խնդիրների կողքով, շնորհակալ ենք պարոն Գրիգորյանին, որ բնակիչներիս հորդորով կրկին առաջադրեց իր թեկնածությունը. Փարաքար համայնքում առաջատար է Վոլոդյա Գրիգորյանը

Փարաքար համայնքի «Ապրելու երկիր» խմբակցության ղեկավար, «Ապրելու երկիր» եւ «Հաղթանակ» կուսակցությունների միավորմամբ ձեւավորված մարտի 30-ին Փարաքար համայնքի արտահերթ ընտրություններին «Միասնություն» դաշինքի ավագանու ցուցակը գլխավորելու է համայնքի կողմից սիրված, ավելին` ինչպես համայնքի ժողովուրդն է փաստում իրենց իսկ խնդրանքով առաջադրված՝ երիտասարդ, բայց համայնքային կառավարման մեծ փորձ եւ հարգանք ձեռք բերած Վալոդյա Գրիգորյանը։

Նկատենք, որ  Փարաքար համայնքի նախորդ ընտրություններում Վալոդյա Գրիգորյանի գլխավորած թիմը ստացել էր ընտրողների ճնշող մեծամասնության վստահության քվեն, սակայն գործող վարչակարգի կողմից ստեղծած խնդրահարույց իրավիճակներով պայմանավորված չընտրվեց համայնքի ղեկավար: Բացառում է արդյո՞ք նույն սցենարի իրագործումը  այս անգամ հարցին սիրված թեկնածուն վստահեցրեց.

- Ոչինչ չեմ բացառում, բայց ժողովուրդը ականատես եղավ գործող թիմի կառավարմանը , որի արդյունավետությունը ոչ միայն ես, այլ ողջ համայնքը գնահատում է զրո: Հիմա գիտակցաբար համայնքի բնակիչը պատրաստ է իր քվեին տեր կանգնելու, այս անգամ ոչ ես, ոչ համայնքի բնակիչները թույլ չենք, որ մեր ձայնը հաշվի չառնվի:

Իրենց երեք տարվա կառավարման զրո արդյունավետությունը այսօրվա իշխանության ներկայացուցիչները փորձում են  բարդել մեզ վրա, այդ կերպ` սեւ փիառ իրականացնել,չգիտակցելով, որ բնակչությունը շատ լավ տեղյակ է, թե իրենք ով են, ու ես ով եմ, իրենց արդարացումները, իմ դեմ շինծու հակաքարոզչությունը, իրենց քաղաքական մերկության հերթական ցուցադրումն է: Թող իրենք այդ նույն ջանասիրությամբ գան եւ շրջեն համայնքում, փորձեն համայնքի բնակիչների խնդիրներին լուծում տալ ոչ միայն ընտրություններին, այլ անցած երեք տարվա ընթացքում: Բոլորը գիտեն, թե ինչպես 11 ավագանիններից յուրաքանչյուրը անցած երեք տարիներին համայնքի ղեկավարի աթոռը ծառայեցրել ի շահ սեփական ընտանիքների, հարազատների բարօրրության:

Այսուհետ, համայնքապետարան մուտք գործող յուրաքանչյուր բնակիչ պիտի ստանա իրեն հուզող խնդրի լուծումը․ սա է այն հիմնական առաջնահերթ քայլը, որն, ըստ իս, կարևորագույն գործոն է ոչ միայն համայնք-քաղաքային իշխանություն կապն ամրապնդելու, այլև իշխանության վերահսկողական գործառույթի դերն առավել շոշափելի ու վստահելի դարձնելու առումով։ Հաջորդ կարևոր քայլն այն է, որ վերջ է դրվելու հանրության տարբեր խմբերի միջև տարանջատման և այդ ճանապարհով նրանց համար արհեստական խնդիրներ ստեղծելու արատավոր երևույթին։ Ինձ համար հավասարության սկզբունքն առաջնային է, ուստի, ես ինձ չեմ սահմանափակում միայն իմ համախոհների հետ շփումներով, այլ ընդլայնելով շրջանակը՝ մշտապես գտնվում եմ համայնքի բոլոր բնակիչների կողքին՝ իրենց խնդիրներին լուծում տալու պատրաստակամությամբ։ Ինձ համար չկա եւ չի լինելու փարաքարցի, մերձավանցի, արևշատցի, մուսալեռցի, ամեն ինչը լինելու է հավասարաչափ։

-Պարոն Գրիգորյան, Դուք մասնակցում եք ընտրություններին «Միասնություն» դաշինքով, անվան ընտրությունը պատահականությո՞ւն էր:

-Պատահական ոչինչ չի լինում(-ժպտում է), թերեւս այսքանը:

-Պարո՛ն Գրիգորյան, ի՞նչ կարգախոսով եք առաջնորդվում քարոզարշաբի ընթացքում:

-Իմ նպատակը համայնքի ժողովրդի հետ աշխատելն է, իրենց հոգսերով ապրելն է, իրենց խնդիրներին լուծում տալն է։Ըստ այդմ իմ կարգախոսն էլ միտված է դրան. Ընտրում ենք և պահանջում;

Այն, որ Վալոդյա Գրիգորյանը բացարձակ առաջատար է Փարաքյար համայնքում փաստում են համայնքի բնակիչները Iravunk.com-ի հետ զրույցում: «Նախ առաջին հերթին ուզում եմ առիթից օգտվելով շնորհակալություն հատնել պարոն Գրիգորյանին, որ բնակիչների հորդորով եւս մեկ անգամ առաջադրեց իր թեկնածությունը: Նա հայեցի ընտանիքից սերված հայ մարդ է, ով միշտ կանգնած է եղել համայնքի բնակչի հոգսերի կողիքին, Գրիգորյանի ընտանիքը երբեք անտարբեր չի անցել համայնքի բնակիչների խնդիրների կողքով,-ասում է Գրիգոր Գեւորգյանը:

Անյուտա Սաֆարյանն էլ` Վալոդյա Գրիգորյանի ավագանու թեկնածուներից մեկը կիսվեց, թե ինչու է կանգնել հենց պարոն Գրիգորյանի կողքին. «Պարոն Գրիգորյանի կողքին ենք, որովհետեւ հավատում ենք Վալոդյա Գրիգորյանի կարող ուժին, պարոն Գրիգորյանի խելքի ու փորձառության շնորհիվ վստահ ենք, որ Փարաքար համայնքը կզարգանա, ու այն բազում խնդիրները, որոնք ծառացած են այսօր մեր առջեւ հետզհետե իսպառ կվերանան»: