ԱՀԱԶԱՆԳ. Աշխարհում ամենավտանգավոր ձկնատեսակը կրկին հայտնվել է հայկական շուկայում

Որպես սննդամթերք աշխարհում ամենավտանգավոր ձկնատեսակը Պանգասիուս տեսակի ձուկը կրկին հայտնվել է հայկական շուկայում։ Այս մասին իր ֆեյսբուքյան էջում գրառում է կատարել գյուղատնտես, գործարար Հարություն Մնացականյանը։   «Որպես սննդամթերք աշխարհում ամենավտանգավոր ձկնատեսակը Պանգասիուս տեսակի ձուկն է ,որոնց բուծում են հիմնականում հարավարևելյան Ասիայում և նրանց ներկրումն ու օգտագործումն արգելված է Եվրոպայի և Ամերիկայի երկրների մեծամասնությունում։ Այս ձուկը բուծվում է հիմնականում Վիետնամի Մեկոնգ գետում , որը հայտնի է իր անթույլատրելի աղտոտվածության մակարդակով ( գետի մեջ են լցվում արդյունաբերական թափոններ, կոյուղաջրեր , աղբ և այլն) , բացի գետի աղտոտվածությանը , այս ձկներին կերակրում են բազմատեսակ հորմոններով ու հակաբիոտիկներով։ Այն մի պահ ակտիվ սկսեց ներկրվել ՀՀ և էժան գնի շնորհիվ լայն տարածում գտավ շուկաներում։ Շնորհիվ ակտիվ սրտացավ մարդկանց , այդ թվում Բաբկեն Պիպոյանի գործուն քայլերի, ՍԱՏՄ-ի հետ համագործակցության շնորհիվ կարողացան այս ձկնատեսակի ներկրումը դադարեցնել։ Այսօր շուկայում կրկին տեսնում եմ այս ձկնատեսակը , բավականին մատչելի գնով։ Առաջարկում եմ ՍԱՏՄ-ին հնարավորինս կանխարգելել այս ձկնատեսակի ներկրումը ՀՀ, իսկ մեր հայրենակիցներին հորդորում եմ բացարձակապես չգնել այս ձկնատեսակի միսը, այն շատ վտանգավոր է»։ Սննդի անվտանգության տեսչական մարմնի իրազեկման, խորհրդատվության և հանրության հետ տարվող աշխատանքների բաժնի պետ Անուշ Հարությունյանը գրառման մեկնաբանությունների բաժնում հայտնել է, որ գրառումը կդիտարկեն որպես ահազանգ և ընթացք կտան դրան։

Կարդացեք այստեղ՝ https://news.ereko.am/hy/post/17186?fbclid=IwZXh0bgNhZW0CMTEAAR6nQZt-Mn3xx6uBVkFFxFmTYnrSuR0lxWnKn8c_hI_yvMWC8gB_ZoY2g_AiZg_aem_H9hoiFV9TFdU6WJr8jzLRQ