Ջրահեռացման խողովակները աղբի մեջ կորած են, դրա համար էլ հեղեղ եղավ. ճարտարապետ

Ինչն էր պատճառը, որ հունիսի 12-ին տեղացած անձրևը այդկերպ ողողեց Երևանի փողոցները: Հայաստանի ճարտարապետների միության նախագահ Մկրտիչ Մինասյանի հավաստամամբ՝ անձրեւներից հետո ջրի կուտակման պատճառն այն է, որ ջրահեռացման համակարգի այդ հատվածները աղբի մեջ կորած են:

 <<Ամեն ինչ չի կարելի պետության վրա բարդել: Համակարգված աշխատանքն է հարկավոր:
Շենքերի թեքությունները  չեն պաշտպանվում, բոլորն արված է մոտավոր  հաշվարկներով: Այդ կառուցապատողների պատճառով էլ նման խնդրիներ ենք ունենում>>:

Իսկ  ճարտարապետ Գուրգեն Մուշեղյանն իր հերթին նշեց, որ խնդիրը ոչ ճիշտ շահագործման հետ է կապված, հորանները պետք է մաքուր պահել: Խողովակները խցանված են եղել, դրա համար էլ ջուրը հավաքվել է:

<< Անգամ  Զանգուի ձորում կամ Հրազդանի կիճում  կարող ենք նկատել  մարդկանց անփությունը, ուտում-խմում են, հետո էլ աղբը  նետում, իսկ բնությունն  այս ամենը պարզապես վերադարձնում է մեզ>>:

Նշենք, որ Երևանի քաղաքապետարանում աշխատանքային հերթական խորհրդակցության ժամանակ զեկուցվել է, որ մայրաքաղաքում 1 ժամում տեղացել է 13-14մմ անձրև, որը կազմում է Երևանում հունիս ամսվա տեղումների բազմամյա միջին ամսական քանակի շուրջ 50 տոկոսը: Խորհրդակցությանը ներկա «Վեոլիա ջուր» ընկերության ներկայացուցիչն էլ տեղեկացրել է, որ առատ տեղումների հետևանքով գրանցված անձրևաջրերի հոսքը որոշ տեղերում հանգեցրել է անձրևատար համակարգի թողունակության գերբեռնվածության, բացի այդ, կարկուտի հետևանքով կոտրված ճյուղերը և տերևները խցանել են անձրևատարների պաշտպանիչ ցանցերը, ինչն իր հերթին որոշ փողոցներում հանգեցրել է անձրևաջրերի կուտակումների:

Ս.Ա.

Այս թեմայով ՏԵՍԱՆՅՈՒԹ․ «Ալեն Սիմոնյանը թքելու համար պետք է պատժվի». Վարդգես Գասպարին փակել է ԱԺ մուտքը Ադրբեջան կոչվող արհեստածին կազմավորումն իրական խնդիր է, որի գոյությունը մշտական վտшնգ է ՀՀ-ի և տարածաշրջանային խաղաղության ու կայուն զարգացման համար․ Ոսկանյան Անվանվել են անալիզները, որոնք անհրաժեշտ են քաղցկեղի վաղ հայտնաբերման համար Իսլամական երկրները պետք է միավորվեն Իսրայելին դիմակայելու համար. Էրդողան Սնունդ լիարդի համար. 7 մթերք, որոնք կմաքրեն ձեր լյարդը բոլոր թույներից և տոքսիններից