Ապարանցի երիտասարդը կառավարության դիմաց անժամկետ հացադուլ է հայտարարել

Ապարանցի երիտասարդ ՌՈԼԱՆԴ ԽՈՍՏԻԿՅԱՆՆ այսօր կառավարության դիմաց հայտարարեց, որ անժամկետ հացադուլ է անելու եւ հացադուլը կդադարեցնի միայն այն ժամանակ, երբ ազատ արձակվեն կալանավորները, որոնք անհիմն դատապարտվել են մի քանի տարվա ազատազրկման.«Բոլոր այն կալանավորները, որոնք արժանի են համաներման` ստանան համաներում: Օրինակ պետք է ազատ արձակվեն Արման եւ Վաղարշակ Խոստիկյանները, որոնք առանց ապացույցների եւ անհիմն դատապարտվել են 11 եւ 12 տարի ազատազրկման:  Նրանք դատապարտվել են միայն այն բանի համար, որ տարիներ առաջ գնել են գողացված ապրանք»,-«Իրավունքի» հետ զրույցում նշեց Ռ. Խոստիկյանը:

Նրա խոսքով` հանդիպում է պահանջել վարչապետ Նիկոլ Փաշինյանի հետ, դրա համար նամակ է գրել, սակայն որեւէ արձագանք չի եղել:  Ասում է, որ իր միակ ցանկությունն այն է, որ կառավարությունն իրականացնի «թավշյա» եւ արդար հետաքննություն այս գործում:

Մեր զրուցակիցը հացադուլ է սկսել երեկվանից եւ չի դադարեցնի այնքան ժամանակ մինչեւ վարչապետն իրեն չընդունի եւ չլսի իր բողոքը: Ավելին` քայլեր ձեռնարկի գործն արդար քննության առնելու համար:

ԶՎԱՐԹ ԽԱՉԱՏՐՅԱՆ

Այս թեմայով Հավաք՝ ապրիլի 25-ին, ժամը` 14.00-ին ՀՀ գլխավոր դատախազության շենքի դիմաց Երբ տեսնեմ ինձնից շատ ակնկալողներ կան, լուծումների իմ տարբերակն ասելու եմ. Սերժ Սարգսյան Գառնիկ Դանիելյանը լավ է, որեւէ ծանր մարմնական վնասվածք չունի. Քրիստինե Վարդանյան Դուք չեք կարողացել 44 օրյայի զոհերի անունները հրապարակել, 1,5 միլիոն զոհի անուն հրապարակո՞ղ եք Իշխանական վախերը հասել է հիստերիայի