ԽԱԲՎԱԾ ՍՊԱՌՈՂԸ ԽՈՍՏԱՆՈՒՄ Է ՄԻ ՔԱՆԻ ՇԻՇ ԳԱՐԵՋՈՒՐ ՆՎԻՐԵԼ ԲԱԼԱՍԱՆՅԱՆԻՆ

«Ալեքսանդրապոլ» գարեջուր գնելիս ստուգեք շշի պարունակությունը» հրապարակման մեջ մեր նախորդ համարում անդրադարձել ենք սպառողների դժգոհությանն առ այն, որ «Զովք» հանրախանութից գնել են կես լիտրանոց  «Ալեքսանդրապոլ» գարեջուր, որի մեջ, սակայն, եղել է ոչ թե կես լիտր, այլ, ասենք` 0,2 կամ 0,3 լիտր գարեջուր:  Ո՞վ է պատասխան տալու սպառողին նման ցինիզմով խաբելու, ավելի ճիշտ՝ թալանելու համար, ինչպես են կիսադատարկ շշերը հայտնվել շուկայում: Հարցերի պատասխանը փորձել էինք ստանալ «Գյումրի» գարեջուր ընկերության մարքեթինգի գծով օգնական Ֆելիքսից, ով հազիվ նման պատասխան տվեց. «Դե, հազարից մեկ է նման բան լինում: Եթե շատ է նեղվում տվյալ սպառողը` կարող ենք իրեն մի քանի շիշ տալ, որպես փոխհատուցում եւ ներողություն խնդրել թյուրիմացության համար»:

Նման պատասխանը, երբ փոխանցեցինք կիսադատարկ շշով գարեջուր գնած քաղաքացուն, նրան ծայրահեղ զայրացրեց. «Այդ գործարանի տերերը կարող են խնդրել, եւ խոստանում եմ՝ նրանց մի արկղ իրենց գարեջրից կնվիրեմ: Իրենց գյումրեցի են համարում, բայց երեւի մինչեւ հիմա չեն հասկացել, թե ինչ ասել է նամուս ու թասիբ, որ մարդկանց կարող է վիրավորել խաբված լինելը եւ ոչ թե մի կես շիշ պակաս գարեջուրը...»:

Ուստի մեկ անգամ եւս մենք փորձեցինք կապվել վերը նշված Ֆելիքսի հետ` հասկանալու, թե որքանով է նորմալ, երբ կիսածաղրական տոնով ասում է. «Եթե շատ է նեղվում տվյալ սպառողը` կարող ենք իրեն մի քանի շիշ տալ, որպես փոխհատուցում»: Նա էլ նկատեց. «Ներողություն ենք խնդրում, եթե վիրավորել ենք: Ինչ վերաբերում է գարեջրին, մենք հանձնարարել ենք նորից նայել շուկան: Դա համատարած բնույթ չի կրում, այսքանը...»:

ՏՄՊՊՀ-ից մեզ տեղեկացրին, որ իրենց ուսումնասիրությունները դեռ ընթացքի մեջ են:

ԻԼՈՆԱ ԱԶԱՐՅԱՆ

Այս թեմայով Նիկոլի կառավարության նոր սոցիալական բեռը / գույքահարկ / Իրանական հո՞ւմք, թե՞ քաղաքականություն. կարգելվի՞ հայկական կաթնամթեքի արտահանումը Ռուսաստան Գիտնականները գարեջրի անսպասելի օգտակար հատկություն են հայտնաբերել տղամարդկանց օրգանիզմի համար ​​​​​​​Վտանգը թակում է մարդկանց դռները. զգուշացե՛ք ֆեյք ֆիրմաներից «Ehrmann»-ի «Alpenland» յոգուրտը ժամկետի մեջ, բայց` բորբոսնած. Խաբված սպառող