ԲՀԿ-ական պատգամավորն առաջարկում է Նավասարդի օրը հռչակել համազգային համերաշխության օր

ԱԺ ԲՀԿ խմբակցության պատգավոր ՍԵՐԳԵՅ ԲԱԳՐԱՏՅԱՆԸ հայտարարությամբ է հանդես եկել, որում մասնավորապես ասված է. «Սիրելի հայեր, առաջարկում եմ օգոստոսի 11-ը հռչակել համազգային համերաշխության օր, քանզի այսօր,առավել քան երբեւէ, մեզ անհրաժեշտ է միասնություն եւ համերաշխություն: Հայը վերջապես մի օր պետք է ձեւավորի համազգային օրակարգ: Կերտենք Նոր Հայաստանը համազգային համերաշխությամբ...

Մինչեւ սույն թվի օգոստոսի 20-ը կարող եք ուղարկել ձեր առաջարկություններն իմ ֆեյսբուքյան էջին, որից հետո ես օրենսդրական նախաձեռնությամբ հանդես կգամ: Սիրով սպասում եմ ձեր առաջարկներին:

Հին հայերի համար Նավասարդի 1-ը (օգոստոսի 11-ը) եղել է ժողովրդական խրախճանքների տոն։ Նավասարդը ամռան վերջին ամիսն է, «ոսկե աշնան» նախադուռը։ Նավասարդի օրերին հասնում են հայկական հողի ու ջրի բարիքները՝ խաղողն ու տանձը, դեղձն ու ձմերուկը։ Նավասարդյան օրերը հայերը տոնում էին առանձին շուքով, որը համարվում էր ամենահանդիսավոր ու ուրախալի տոն:
Հայկական բոլոր ընտանիքներում Նավասարդը դիմավորում էին մեծ խրախճանքով։ Այդ օրը յուրահատուկ կերակուրներ եւ ուտելիք էին պատրաստում: Ճոխ սեղան էին բացում եւ ընտանիքի բոլոր անդամներն ուրախությամբ էին դիմավորում Նավասարդը:

Նավասարդյան օրերը կրում էին փաստորեն ազգային-ժողովրդական բնույթ։ Իշխում էին զվարճությունը, տոնահանդեսները, երգն ու պարը։ Մեծարում էին Անահիտ ու Աստղիկ աստվածուհիներին, ինչպես նաեւ Վահագն դյուցազնին, որոնք ժողովրդի մոտ բարի համբավ ունեին։

Պատմական Հայաստանում Նոր տարին կրում էր համաժողովրդական բնույթ, որին մասնակցում էին ամբողջ ազգի ներկայացուցիչները։ Այդ տոնը նշվում էր նախ Բագավանում եւ ապա Աշտիշատում։ Այդ տեղերում տարեմուտին, Նավասարդ ամսի սկզբին մեծ խրախճանքներ ու տոնախմբություններ էին լինում։

Նավասարդի օրերին Բագավանը հանդիսավոր տեսք էր ստանում։ Տոնակատարությանը ներկա էր լինում թագավորն իր շքախմբով։ Դուրս էր բերվում նաեւ բանակը։

Պատմում են, որ մինչեւ հարյուր քսան հազար զինվորականներ էին մասնակցում։ Այդ օրը Արածանիի ափին կարելի էր տեսնել գույնզգույն վրաններ, գետափն ստանում էր վրանաքաղաքի տեսք՝ տարածվելով դաշտերի եւ բլուրների վրա։ Վրանների մեջ շքեղագույնն էր ոսկեդիպակ վրանը, որը թագավորինն էր, ապա աչքի էին զարնում նախարարների վրանները, որոնք մեկը մյուսից գեղեցիկ էին։ Ուխտավորների բազմության մեծ մասը ժամանակը անց էր կացնում ծառերի տակ....»:

Այս թեմայով Չի՛ կարելի հայասպանի հետ գնալ խրախճանքների. Մետաքսե Հակոբյան Զգուշացե՛ք «շան օրի ենք» արտահայտությունից, ձեզ կարող է սխալ հասկանան. ԶԱՐՄԱՆՔ Ողջ ճշմարտությունը, այսպես կոչված, «Զանգեզուրի միջանցքի», Ադրբեջանի, Բաքվի հանցակցի եւ էլի ոմանց նկրտումների մասին Որտե՞ղ էր պարոն Բաբայանը 2020 թվականի նոյեմբերի 6 ին, երբ մենակ թողեց երկրի նախագահ Արայիկ Հարությունյանին, որի կառավարության կազմում ԱԽ քարտուղարն էր. Օկուպացված Արցախի պատգամավորը փակագծեր է բացում Ուկրաինայի Ռադայի պատգամավոր Օլեգ Դունդան կոչ է անում հարձակվել Բելառուսի վրա (Տեսանյութ)