o C     11. 07. 2020   : :

ԿԱՐՃ ԼՈՒՐԵՐ

ՆԻԿՈԼԱՍՈՐՈՍԱԿԱՆՆԵՐԻ ԹԻՐԱԽՈՒՄ ԱՐԴԵՆ ԱՅԲԲԵՆԱՐԱՆՆ Է

24.12.2019 20:00 ՎԵՐԼՈՒԾՈՒԹՅՈՒՆ
ՆԻԿՈԼԱՍՈՐՈՍԱԿԱՆՆԵՐԻ ԹԻՐԱԽՈՒՄ ԱՐԴԵՆ ԱՅԲԲԵՆԱՐԱՆՆ Է

Մեր հանրության վրա շոկային տպավորություն ստեղծվեց, երբ ԱԺ ամբիոնից իշխող խմբակցության պատգամավորուհի Սոնա Ղազարյանը հայտարարեց, որ Վաչագան Սարգսյանի հեղինակած Այբբենարանը պետք է աղբանոց նետվի, քանզի կանայք այդտեղ ներկայացված են որպես տնային տնտեսուհիներ, իսկ տղամարդիկ` որպես հիմնական աշխատուժ: Գենդերացված Այբբենարան ունենալու պահանջի հայտնությունն իսկ վկայում է, որ հասել ենք շատ վտանգավոր սահմանագծի:

«ՀԵՂԱՓՈԽՈՒԹՅՈՒՆԸ» ԽԺՌՈՒՄ Է ՆՐԱՆՑ

 

ԱՄԵՆԱՅՆ ԱԶԳԱՅԻՆԸ` ԳՈՐԾԱԿԱԼԱԿԱՆ ՑԱՆՑԻ ՆՇԱՆԱՌՈՒԹՅԱՆ ՏԱԿ

Բոլորիս քաջածանոթ Այբբենարանում իրականում չես էլ գտնի չափազանց ընդգծված տնային տնտեսուհիներ, որոնց ստվերը, չգիտես ինչու, ֆեմինիստուհիների ահուսարսափն է: Ի դեպ, հայտնվել են նաեւ ֆեմ-ակտիվիստուհիներ, ովքեր վերը հիշատակված պատգամավորուհուց առաջ  են անցել եւ պատրաստակամություն են հայտնել այրել Այբբենարանները: Այսինքն` բանը հասավ սորոսական, ֆեմինիստական, գենդերային ֆաշիզմի դրսեւորումների: Հիշեցնենք, որ հենց գրքերից կազմված խարույկներից էր սկսվել ֆաշիզմը ԳերմանիայումԻսկ իրականում հիմնական թիրախը ոչ միայն տնային տընտեսուհու կերպարն է, Այբբենարանում պատկառելի տեղ է տրված մեր հերոսներին` Նժդեհին, Անդրանիկին, Դրոյին... Իսկ ինչպես հիշում եք, դեռ իշխանազավթման արշալույսին այժմ բուհերում հայագիտական առարկաներին եւ հայ բառով սկսվող ամեն ինչին պատերազմ հայտարարած «սուպերնախարար» Արայիկ Հարությունյանը նաեւ կոչ էր անում արմատախիլ անել դպրոցներից ռազմահայրենասիրական դաստիարակությունը, իսկ ընդհանրապես պետական կյանքից` «Ազգ-բանակ» հայեցակարգը: Այդ ամենը շատ լավ տեղավորվում է Ստամբուլյան կոնվենցիան վավերացնելու  մարմաջի շրջանակներում: Չէ՞ որ այդ կոնվենցիայի հիմքերի հիմքը ամբողջ կրթական համակարգի պղծումն է եւ գենդերային գաղափարախոսների հսկողության տակ դնելն է` սկսած մանկապարտեզից: Ու արդեն տեսնում ենք Քրեական օրենսգրքի փոփոխության նախագծեր, ուր հատկապես շեշտվում է քրեական պատասխանատվությունը համասեռամոլ կադրերին դպրոցում աշխատանք չտալու համար:

ՀԱՍԱՆՔ ՀԱՏԱԿԻՆ, ԲԱՅՑ ՆԵՐՔԵՎԻՑ ՉԽԿՉԽԿԱՑՆՈՂ ԿԱ

 

ՎԱՐՉԱԽՈՒՄԲԸ ԱՄԵՆ ԻՆՉ ՎԵՐԱԾԵԼ Է ՖԵՅՔԻ` ԿՈՌՈՒՊՑԻԱՅԻ ՖՈՆԻ ՎՐԱ

Շնորհավոր լինի, ազատ եւ հպարտ քաղաքացիներ: ԱԺ-ում դեկտեմբեր ամսվա ընթացքում արդեն չորս անգամ պարգեւավճար են բաժանել, ընդ որում` Գոհար Աբաջյանի ամուսին Արարատ Միրզոյանը, ում կերպարը փոշեծծիչով հանդերձ լիովին պիտանի է ապագա «գենդերային» Այբբենարանը զարդարելուն, ոչ ավել, ոչ պակաս ստացել է 3 մլն դրամ: Այս նորերը հպարտորեն հայտարարում են, որ բյուջեից չեն գողանում, կաշառք չեն վերցնում եւ այլն, սակայն ուղղակի ինքնապարգեւատրվում են նույն բյուջեից աստղաբաշխական չափերով: Խեղճ հայուհիների ուղեղներն էլ կախել են, թե ինչպես է Աննա Հակոբյանը հաջողացրել բյուջեի հաշվին մեկ տարվա ընթացքում վարսահարդարման եւ դիմահարդարման վրա ծախսել 39 հազար դոլարի կարգի գումար: Ի դեպսույն տիկնոջ բարեգործական հիմնադրամների կողմից էլ, առանց անունը հրապարակելու, հսկայական գումարներ ստանալը նույնպես շատ նման է կոռուպցիայի եւ փողերի լվացման: Եթե, ինչպես հայտարարվում է, այդ հիմնադրամները երեխաներին օգնելու համար են, ապա առնվազն անհասկանալի է, թե ինչու խոշոր նվիրատվություն անողը պետք է իր անունը թաքցնիԻնչեւէ, բացահայտ եւ «օրինականացված» ձեւով բյուջեն լափաման սարքելու թեման անսպառ է, սակայն անցնենք վարչախմբի այն քայլերին, որոնք ուղղված են սեփական իշխանությունը պահելուն: Ֆեյքերի կողմից սանձարձակ հարձակման թիրախ այս անգամ եղան այն շուրջ վեց  տասնյակ մտավորականները, ովքեր կոչ են արել ազատ արձակել Ռոբերտ ՔոչարյանինԵվ հիմա բացի ֆեյք-օգտատերերից հայտնվել են նաեւ ֆեյք հարցումներ: Այսպես, «կոոպերատիվ» Գելափը Նիկոլին վերագրել է ոչ ավել, ոչ պակաս 83 տոկոս վարկանիշ: Մնում է միայն գուշակել, թե որտեղ է անցկացվել այդ հարցումը` Նիկոլի կուսակցության ներսո՞ւմ, ԱԺ-ո՞ւմ, իսկ միգուցե պարզապես առաստաղի՞ց է վերցված: Եվ հիմա լեփ-լեցուն են այդպիսի հարցումները տարատեսակ կայքերում...

Բայց դա դեռ մի կողմ, շրջանառության մեջ դրվել են նաեւ ագրեսիվ ստեր, ընդդեմ Ռոբերտ Քոչարյանի եւ Սերժ Սարգսյանի: Հասկանալի է, որ ռազմիկ նախագահները ոչ միայն անձամբ Նիկոլի ահուսարսափն են, այլեւ ռեալ հնարավորություն ունեն` խանգարելու Արցախի շուրջ կազմված կասկածելի արտաքին ծրագրերը: Եվ ի՞նչ տեսակի հորինվածքներ են ի հայտ գալիս: Զորօրինակ, ցուցադրում են ԱԱԾ-ի ոմն գեներալի, ով երկրորդ եւ երրորդ նախագահներին ներկայացնում է որպես դժոխային, առասպելական չարագործների, ովքեր սնվում են բացառապես մանուկների արյամբ եւ ունեն մոլուցք` կաշառքի միջոցով բոլորին համոզել, որ կողմ լինեն Արցախի հողերը հանձնելու, այդ թվում (պինդ բռնվեք), Լեւոն Տեր-Պետրոսյանի: Իսկ հետո համացանց են նետում մի ամբողջովին անբարոյական զրպարտագիր` իբր մանկավաճառության սահմռկելի քրգործի հիմնական հերոսների հովանավորը ոչ ավել, ոչ պակաս... Ռիտա Սարգսյանն է: Դժվար չէ կանխատեսել, որ առաջիկայում այդպիսի եւ էլ ավելի ահավոր ստերի հոսքը ինտենսիվանալու է: Չէ՞ որ դեռ ծերուկ Գեբելսն էր ասել, որ սուտն արժանահավատ դարձնելու համար այն պետք է լինի ահավոր սուտ: Ճիշտ է, պետական հեղաշրջումից հետո քաղաքացիների ջախջախիչ մեծամասնությունը դարձել է թերահավատ, բայց ինչքան էլ գտնվեն այդպիսի թունավոր «կոմբիկեր» կտցահարող արարածներ, դրանք բոլորը գոնե կարճատեւ կգրվեն վարչախմբի ակտիվում:

 

ԱՍՔ ԴԱՏԱՎՈՐԻ ԳՐՊԱՆԸ ԳՑԱԾ ՓԱՄՓՈՒՇՏԻ ՄԱՍԻՆ

Հիշո՞ւմ եք, որ տխրահռչակ ծաղրածու Յոժը իշխանությանը բացեիբաց խորհուրդ էր տալիս «պլան գցել» Հրայր Թովմասյանի գրպանը ու դրա հիման վրա կալանավորել: Երեւի, այդ խորհուրդը տեղ է հասել, որովհետեւ պարզվում է, որ թոշակի անցած դատավոր Սամվել Ուզունյանի ուղեբեռում օդանավակայանում հայտնաբերվել է... փամփուշտ: Թե «27-ի» գործով դատավորը ինչո՞ւ պետք է փամփուշտ անցկացներ օդանավ` ինչքան էլ զոռ ենք տալիս մեր երեւակայությանը, չենք կարողանում վարկած մոգոնել: Երեւի թե, վայ-իրավապահնեին պետք էր ցանկացած պատրվակ` այդ դատավորին ձերբակալելու, բայց մարդը, այնուամենայիվ, ՀՀ-ից հեռացել է, եւ նրա նկատմամբ հետախուզում է հայտարարվել: Ըստ մեր փառապանծ դատախազության` եւս մի ֆանտաստիկ բան է տեղի ունեցել` հայտնաբերել են, որ դատավորը 2007-ին եւ 2014-ին կաշառք է վերցրել: Այսինքն` այն, ինչ տարիներ անց ամենաանապացուցելի բանն է, բայց իրենք իբր ապացույցներ ճարել են: Հիմա չհասկացանք, պաշտոնաթող դատավորը կաշառակե՞ր էր, թե՞  ռազմամթերքի մոլի սիրահար...

Բայց կարեւորը հետեւյալն է` այդ դատավորը քննել է հենց հոկտեմբերի 27-ի ոճրագոծությունը: Պարզ է չէ՞, ինչ վտանգավոր խաղեր է փորձում խաղալ Նիկոլը` իր կամակատար իրավապահներով հանդերձ:

ՀՈՎՀԱՆՆԵՍ ԳԱԼԱՋՅԱՆ

 

КОМСОМОЛЬСКАЯ ПРАВДА