o C     01. 06. 2020   : :

ԿԱՐՃ ԼՈՒՐԵՐ

Լոս Անջելեսում ապրիլի 24-ի ոգեկոչման միջոցառումները չեղարկվել են կորոնավիրուսի համավարակի պատճառով

09.04.2020 14:39 ՄԻՋԱԶԳԱՅԻՆ
Լոս Անջելեսում ապրիլի 24-ի ոգեկոչման միջոցառումները չեղարկվել են կորոնավիրուսի համավարակի պատճառով

Հաշվի առնելով ներկայիս կորոնավիրուսի համաճարակի պատճառով ստեղծված իրավիճակը՝ Լոս Անջելեսի Միացյալ Մարմինը, Միացյալ Հայ Երիտասարդները և Հայոց Ցեղասպանության Հանձնախումբը որոշել են չեղարկել Ապրիլ 24-ի ոգեկոչման առնչվող բոլոր միջոցառումները: Այս մասին հաղորդում է Asbarez-ը:

«Բելառուսին նախանձում են, քանի որ կորոնավիրուսի հարցում մենք այլ ուղով գնացինք». Լուկաշենկո

Համայնքային այս երեք կազմակերպությունները նախատեսում էին 1) ուխտագնացություն դեպի Մոնթեբելլոյի Հայոց Ցեղասպանության զոհերի հուշահամալիր 2) քայլարշավ Հոլիվուդի Փոքր Հայաստան (Little Armenia) թաղամասում, Լոս Անջելոս և 3) բողոքի ցույց Լոս Անջելոսի Թուրքական հյուպատոսության առջև:

Վերոհիշյալ կազմակերպությունները նման որոշում են կայացրել՝ ոչ միայն ելնելով Լոս Անջելեսի բնակիչների և աշխարհի կողքին կանգնելու բարոյական պատասխանատվությունից, այլ նաև հետևելով տեղական իշխանությունների առողջապահական կանոնակարգին, որոնք ստեղծվել են կորոնավիրուսի տարածումը մեղմելու և կյանքեր փրկելու համար:

«Մենք շարունակում ենք մնալ հավատարիմ Հայ Դատի պահանջներին և շարունակելու ենք մեր աշխատանքները՝ ուղղված Հայոց Ցեղասպանության արդար լուծորոշմանը՝ պահանջելով Ցեղասպանության ճանաչում Թուրքիայի կառավարությունից, ինչպես նաև արդար փոխհատուցում: Թեպետ այս տարի մենք չենք կարողանալու երթի դուրս գալ և արդարություն պահանջել ապրիլի 24-ին, մենք գիտակցում ենք, որ մեր միասնական աշխատանքները պետք է տարվեն ամբողջ տարի շարունակ: Մեր աշխատանքը կշարունակվի: Մենք կշարունակենք լինել միասնական և մեր ձայնը լսելի կդարձնենք 20-րդ դարի առաջին ցեղասպանության մեր 1,5 միլիոն նահատակների համար: Առաջիկա օրերին մենք կհայտարարենք ոգեկոչման այլ ծրագրերի մասին, որոնք կփոխարինեն ավանդական հավաքներին:

Մենք շնորհակալություն ենք հայտնում ԱՄՆ-ի Սենատին և Ներկայացուցիչների տանը ճշմարտությունը և արդարությունը վերահաստատելու և Հայոց Ցեղասպանությունը ճանաչելու համար: Շնորհակալ ենք նրանց իրենց անկոտրում աշխատանքների համար այս անորոշ և դժվար ժամանակներում:
Մենք հուսով ենք և աղոթում ենք, որ այս համաճարակը շուտով կվերջանա ու մեր բոլոր համայնքները է՛լ ավելի կհզորանան այս ամենից հետո:

Միացյալ այս հանձնախումբը ձեզ մաղթում է ամենայն բարիք: Մնացեք միշտ առողջ և ապահով»:

 

КОМСОМОЛЬСКАЯ ПРАВДА