o C     01. 06. 2020   : :

ԿԱՐՃ ԼՈՒՐԵՐ

Իջեւանցի կովկասյան ընձառյուծը. Մարգարիտ Եսայան

08.05.2020 05:51 ՕՐՎԱ ՊԱՏԿԵՐ ՔԱՂԱՔԱԿԱՆ ՀՐԱՊԱՐԱԿԱԽՈՍՈՒԹՅՈՒՆ
Իջեւանցի կովկասյան ընձառյուծը. Մարգարիտ Եսայան

Վարչապետ Փաշինյանը համայն հայ ժողովրդին եւ ի լուր աշխարհի հրովարտակ հղեց, շնորհավորեց Իջեւանի անտառներում կովկասյան ընձառյուծի ի հայտ գալը։ Ավե Նիկոլ, փառք, Նիկոլ, բրավո, կեցցե մեր հզոր վարչապետը, կեցցե թավշյա հեղափոխությունը եւ կեցցե անհաղթ հերոսը։Եթե չլիներ Նիկոլ անպարտելին, ոնց կարող էր ընձառյուծը, էն էլ՝ կովկասյան, աշխարհ ման գար եւ հետո որոշեր լռվեր հենց Իջեւանի անտառներում;Այո, չկամ հակահեղափոխականներ, դե, նախանձեք, դա տեղի ունեցավ մեր հզորի համառ ջանքերի շնորհիվ։ Ավե տեսախցիկ, ավե ամենատես աչք, կեցցե տեսախցիկը,որն արձանագրեց Իջեւանի անտառներում հայտնված կովկասյան ընձառյուծի հայտնությունը։ Հիանալի է, որքան երջանիկ ենք մենք, որ կորոնայից բացի, արցախյան հարցի փառահեղ տապալումից հետո, երկրում սոցիալ-տնտեսական այս Սոդոմ-Գոմորից հետո այսքան արագ ոտքի կանգնեցինք, այնքան հզորացանք, որ անգամ կովկասյան հզոր ընձառյուծը որոշեց գալ եւ բնակվել ոչ թե վրացական, իրանական կամ, ադրբեջանական անտառներում, այլ՝ հենց իջեւանյան․․․։ Հզոր ենք, անկասկած․․․Եվ ով կա Նիկոլից ավելի հզոր, ավելի անվախ ու քաջ․․․Ուռաա, կեցցե, փառք ու պատիվ․․․ սեփական օգտագործման ընձառյուծ ունեցողին, եւ ոնց կարող է նա ուժեղ չլինել, նա հզոր է, այնքան հզոր, որ ընձառյուծի պես մի հզոր զարկով կոչնչացնի ցանկացած հակահեղափոխություն, յուրաքանչյուր ընդդիմադիր հակառակորդի, անգամ՝ իր կրունկի տալ, ներեցեք, սխալվեցի, պիտի ասեի՝ իր կողքին հանգիստ նստած եւ սեւ-դառը սուրճ ըմպող խորհրդարանական որոշ ընդդիմադիրների։ Հեյ-հեյ, լսեցեք, իմացեք ու չկասկածեք, Իջեւանի անտառներում կովկասյան ընձառյուծի հաղթական մռնչյունից ամբողջ Կովկասը կդղրդա, ամբողջ Ռուսաստանը եւ ԵԱՀԿ Մինսկի խումբը կսարսափեն, իսկ Իլհամը ո՞ւմ շունն է, այնպես գա եւ ստորագրի իր սրտի փաստաթուղթը, որ չենք էլ հասցնի գիտակցել, թե ընձառյուծը որտեղից եկավ, կամ ՝ումով․․․։ Էլ ի՞նչ եք ուզում, այ ժողովուրդ, վայելեք, ձեր սրտի վարչապետին, շուտով ձեր տները կքանդի Հալաբյանից մինչեւ ուր որ սիրտը կուզի եւ կթողնի այդպես քանդված։ Այո, հզոր է նա, անհաղթ եւ հզոր․․․Աշխարհն ապշած է, հոգեխանգարմունքի մեջ, արմանք-զարմանքի բաներ են կատարվում իջեւանյան անտառներում։Ամբողջ աշխարհը՝ ռուսներով ու ամերիկացիներով , թուրքերով ու վրացիներով նախանձում են ձեզ, սիրելի ժողովուրդ, ո՜նց դարձյալ հայերի բախտը բերեց, ո՜նց կովկասյան ընձառյուծը եկավ-եկավ ու բնակվեց ոչ թե կովկասյան լեռնաշղթայի որեւէ կորած-մոլորած վայրում, այլ, հենց իջեւանյան անտառներում․․Հայերը բախտ ունեն, է, բախտ եմ ասել, դե, ոնց չնախանձեն խեղճերը, մի ընձառյուծն ի՞նչ է, էդ էլ լայեղ չարեց իրենց ու ընտրեց հայերին․․։
Կեցցե նիկոլը, մեր անպարտ, մեր հզոր, մեր ամենակարող իջեւանցի Նիկոլը․․․։Մոռացեք, չկա կորոնա, չկա ճգնաժամ, չկա արցախյան հարց, կա մեկ անհաս գագաթ․․․Վերջ․․․
Ոււռռաաա, եւ փառք բոլոր կովկասյան ընձառյուծներին եւ նրանց ժառանգներին․․․
Սերդեչնի պրիվետ օտ Զիմզիմովա-2։
Հ․Գ․ Հեքիաթ մեծերի համար, առիթը՝ ահա․Մի տեսակ չստացվեց երեկվա ելույթին լուրջ արձագանքել․․

Այդ լուրը հասե՞լ է ձեզ, որ ձեր ղեկավարած քաղաքը կորոնավիրուսի ամենամեծ օջախն է. Բագրատ Եսայանը՝ Հայկ Մարությանին

Վարչապետ Նիկոլ Փաշինյանը գրել է․
«Տեսախցիկը ապացուցեց Իջեւանի անտառներում Կովկասյան ընձառյուծի ներկայությունը։ Շնորհավորում եմ> բոլորիս։)»։hraparak.am

 

КОМСОМОЛЬСКАЯ ПРАВДА