o C     13. 07. 2020   : :

ԿԱՐՃ ԼՈՒՐԵՐ

Ձև, Ձև և կրկին Ձև. փաստաբանը՝ ավտոմեքենայում դիմակ չկրելու համար տուգանվելու մասին

30.05.2020 11:12 ԻՐԱՎՈՒՆՔ
Ձև, Ձև և կրկին Ձև. փաստաբանը՝ ավտոմեքենայում դիմակ չկրելու համար տուգանվելու մասին

«Այսօր ոստիկանությունը վարչական պատասխանատվության ենթարկեց ինձ այն բանի համար, որ իմ մեքենայում, գտնվելով 13 տարեկան որդուս հետ (ում օրը մի քանի անգամ գրկում ու ՊԱՉՈՒՄ ԵՄ) մի պահ հանել էինք դիմակները»: Այս մասին ֆեյսբուքյան իր էջում գրել  է փաստաբան Գևորգ Գյոզալյանը:

Փաստաբանի հայտարարությունը՝ Մանվել Գրիգորյանի դստեր «փախնելու» վերաբերյալ հրապարակման մասին

«Որոշեցի օրինակ ծառայեմ որդուս (կանոնը կանոն է, ինչքան էլ այն անհեթեթ լինի) և ոստիկանի առջև ընդունելով սխալը, բարեհամբույր դուրս եկա մեքենայից, մասնակցեցի վարչական իրավախախտման ակտի կազմման աշխատանքներին, ստորագրեցի այն և վերադառնալով տուն փորձեցի վճարել այն: ՈՒ

Պարզվեց, որ ինձ ոստիկանի կողմից տրամադրված 900005024030135 հաշվեհամար գոյություն չունի: Համենայնդեպս arca.am, inecobanak.am, ameriabank.am, idram.am հավելվածները ասում են, որ նման հաշվեհամար գոյություն չունի:

Որոշեցի www.e-payments.xn--am--qfe4a վճարել, պարզվեց այդ հաշվեհամարը այնտեղ էլ գոյություն չունի և չկա առանձին տեղ, որտեղ մարդիկ կարող են վճարել COVID-ի տուգանքները:

Հիմա ստիպված պետք է գնամ բանկ, որ հասկանամ թե ինչպե՞ս պետք է վճարեմ այդ տուգանքը: Հիմա մտածում եմ ավելի լավ չէր չհամաձայնվեի այդ տուգանքի հետ, դատական կարգով վիճարկեի, այն հիմքով, որ անհեթեթ է ընտանիքի անդամներից, ովքեր բնակվում են մի տան մեջ, պահանջել մեքենայում գտնվելիս կրեն դիմակներ:

ԵԶՐԱՀԱՆԳՈՒՄ - ՁԵՎ, ՁԵՎ և կրկին ՁԵՎ: Մտահոգները ինձ արգելում են որդուս հետ մեքենայում առանց դիմակի գտնվեմ (թեև ողջ օրը որդուս հետ տանն եմ), տուգանում են դրա համար, հետո ինձ ստիպում են գնալ բանկ, որտեղ բազմաթիվ հերթեր են, որտեղ իրոք մեծ է վտանգը վարակվելու և չկա որևէ երաշխիք, որ բանկում տեղյակ են 900005024030135 հաշվեհամարից»:

 

КОМСОМОЛЬСКАЯ ПРАВДА