ԿԱՐՃ ԼՈՒՐԵՐ

Սորոսի վկաները Ազգային ժողովում, կամ ինչո՞ւ է աղմկում «Ելքը»

17.11.2017 19:45 ՕՐՎԱ ՊԱՏԿԵՐ ՔԱՂԱՔԱԿԱՆ ՀԱՆԴԻՊՈՒՄ
Սորոսի վկաները Ազգային ժողովում, կամ ինչո՞ւ է աղմկում «Ելքը»

ՍԻՄ նախագահ, ԱԺ պատգամավոր Հայկ Բաբուխանյանի հայտնի ելույթն այն մասին, որ «Հանրային օրակարգ» ՀԿ-ն վերջերս Սորոսի հիմնադրամից ստացել է 20 հազար դոլար դրամաշնորհ, որպեսզի պայքարի, քննադատի եւ վարկաբեկի «Ազգ-բանակ» մեզ համար կարեւոր եւ մեծ նշանակություն ունեցող հայեցակարգը, սառը ցնցուղի ազդեցություն ունեցավ ԱԺ «Ելք» խմբակցության պատգամավորների վրա: Վերջիններս այնքան էին հուզվել եւ անհանգստացել այս բացահայտումից, որ անմիջապես լծվեցին` բոլոր ուղղություններով պաշտպանելու սորոսյան գրանտներին ու գրանտակերներին: Ընդ որում` ցավալիորեն, այս գործին լծվեց նաեւ Արցախյան պատերազմի մասնակից, «Ելք» խմբակցության պատգամավոր ԱՐՏԱԿ ԶԵՅՆԱԼՅԱՆԸ, ինչն ամենեւին էլ պատահականություն չէր: Պարոն ընդդիմադիրը, պարզապես, խորհրդարանում եկել է պաշտպանելու ոչ թե ՀՀ քաղաքացի իր ընտրողների շահերը, այլ որպես հավատարիմ շահառու`պաշտպանում է ԱՄՆ քաղաքացի, իր գրանտատու Ջ. Սորոսին, ինչի մասին էլ «Իրավունքը» զրուցեց նրա հետ:

Երևան-Սևան մայրուղին բաց է, երթևեկությունը՝ կարգավորված

ՀԱՆԴՈՒՐԺԵԼ ՏՀԱՃ ԳՐԱՆՏՆԵՐ` ՀԱՆՈՒՆ ԻՆՉԻ՞

– Պարոն Զեյնալյան, Դուք համացանցում հրապարակել եք դրամաշնորհների շարք, որոնք տրվել են պետական կառույցներին: Այդ շարքում կա՞ն դրամաշնորհներ, որոնք տրվել են Սորոսի հիմնադրամի կողմից:  

– Չեմ կարող ասել,  դժվարանում եմ, պետք է «Բաց հասարակության հիմնադրամին» հարցնեք` իրենք տրամադրե՞լ են, թե` ոչ: Այդ հետազոտությունը ես չէ, որ արել եմ, այլ Դանիել Իոննիսյանն իրենց կայքում է տեղադրել` համապատասխան հղումներով: Ասեմ ավելին` սրանք ամենահամեստ հաշվարկներն են: Առողջապահության նախարարությունը շատ ավելի գումարներ է ստացել, եւ եթե համեմատեք այլ դրամաշնորհների հետ, որոնք տրամադրվում են դոնոր կազմակերպությունների կողմից հասարակական կազմակերպություններին, ապա դրանք անհամադրելի թվեր են:

– Հասկանալի է, որ պետական օղականերին տրամադրված դրամաշնորհները կարող են լինել միտված, օրինակ, առողջապահության, գյուղատնտեսության ոլորտի զարգացմանը, բայց չե՞ք կարծում, որ դրանց կողքին կան արտասահմանյան դրամաշնորհներ, որոնք ճիշտ հակառակ գործընթացներին են ուղղված: Նույն Սորոսի հիմնադրամը դրամաշնորհ է տրամադրել, որի համաձայն, Հայաստանում պետք է լոբբինգ տարվի միլիտարիզացիայի` պատերազմի ժամանակ չզինվելու: Այսպիսի հակազգային դրամաշնորհներին ինչպե՞ս եք վերաբերվում:

– Վստահ չեմ, չգիտեմ, որ այդպիսի դրամաշնորհ կա, եւ ով է տրամադրում` պատերազմի ժամանակ չզինվելու համար: Սրանք պացիֆիստական շարժումներ, գաղափարներ են, այդպիսի գաղափարախոսություններ կան… Առհասարակ ազատությունները ենթադրում են բացի պոզիտիվ, դրական առաջ մղող գաղափարներից, նաեւ այնպիսի գաղափարների հանդես գալը, որոնք կարող են ցնցել, տհաճ լինել, բայց սա ազատության բանաձեւն է: Եթե ուզում ես ստեղծել հնարավորություն` լավ գաղափարների ի հայտ գալու, պիտի հանդուրժես, որ որոշակի տոկոս հարաբերակցությամբ ի հայտ են գալու, որոնք տհաճ են լինելու եւ ցնցելու են:

Ո՛Չ ՏԵՍԵԼ Է, Ո՛Չ ԼՍԵԼ, ԲԱՅՑ ՊԱՇՏՊԱՆՈՒՄ Է

– Իսկ այդ ազատությունը սահման ունի՞, երբ վտանգվում է ազգային անվտանգությանը, կասկածի տակ է դնում «Ազգ-բանակ» կոնցեպցիան...

– Գիտեք, ազգ-բանակ կոնցեպցիան մենք արդեն ասացինք, որ այսօրվա կառավարության կամ այս Պաշտպանության նախարարության գաղափարը չէ, սա առաջին անգամ բարձրացվել է, համենայնդեպս, ես լսել եմ Ժիրայր Սէֆիլյանից եւ նրա շրջապատից:

Արտակարգ իրավիճակ Երևան–Սևան ճանապարհին

– Ե՞վ…

– Ազգ-բանակ եւ այլն, իհարկե, անկախ նրանից, թե ով է հնչեցնում, մի փոքր կաշկանդող է, ազատությունների սահմանափակում ես զգում դրանից:  Դրա բովանդակությունը հետեւյալն է, որ օբյեկտիվորեն իրողություններ կան, որոնց հետ չի կարելի հաշվի չնստել` հազար կիլոմետրանոց սահման, 25-27 տարի այդպիսի սահմանի պահում, ստիպված 40 հոգով մեկ քաղաքացիական անձի պահում... Օբյեկտիվ իրողություններ կան: 

– Կրկին վերադառնանք հարցին` չե՞ք կարծում, որ Սորոսի հիմնադրամի կողմից տրամադրվող առնվազն մի քանի դրամաշնորհներ կոնկրետ սպառնալիք են ազգային անվտանգությանը:

– Ազգային անվտանգությանը սպառնացող տարբեր խնդիրներ կան, տարբեր գործոններ կարող են լինել, եւ ես չէ, որ պետք է գնահատեմ: Կարող է տպավորություն ունենամ, իմ սուբյեկտիվ կարծիքը ունենամ, բայց սա պետք է համապատասխան մարմինը քննարկի եւ գտնի: Նույն հաջողությամբ, եթե մենք սկսենք գրաքննություն անել կամ լիցենզավորել գաղափարները, ապա շատ հեռուն կգնանք: Ես չգիտեմ նման դրամաշնորհ եղե՞լ է, թե` ոչ, եւ ինձ կասկածելի է թվում այդպիսի դրամաշնորհի տրամադրումը կամ այդպիսի դրամաշնորհի հայտ ներկայացնելը: 

ՈՉ ԹԵ ՕՐԵՆՍԴԻՐ, ԱՅԼ ՍՈՐՈՍԻ ՀԻՄՆԱԴՐԱՄԻ ՇԱՐՔԱՅԻՆ ՇԱՀԱՌՈՒ

– Բայց այդ դրամաշնորհների մասին վկայում է հենց «Բաց հասարակություն հիմնադրամի» պաշտոնական կայքը, որտեղ փաստացի 165 միլիոն դրամ տրամադրվել է Հայաստանում հակաբանակային տրամադրություններ ստեղծելու համար:

– Համաձայն չեմ ձեզ հետ, վստահ չեմ, որ այդպիսի բան արվել է, եւ պետք է ընդհանրապես ուսումնասիրել բոլոր շահառուներին: Արդյոք դրանց մեջ չկա, ասենք, այնպիսի պատգամավոր, որը դրա դեմ խոսում է:

– Ի դեպ, հենց Դուք դրամաշնորհ ստացե՞լ եք Ձեր գործունեության ընթացքում:

– Այո, ստացել եմ…

– Եթե գաղտնիք չէ, ո՞ր արտասահմանյան հիմնադրամից:

– Գաղտինք չէ, ես դա ներկայացրել եմ իմ հաշվետվությունների մեջ: «Բաց հասարակության հիմնադրամից» ստացել եմ դրամաշնորհ եւ օգտագործել եմ ստրատեգիական դատավարությունների համար:

ՍՈՐՈՍՅԱՆ ԳՐԱՆՏԻՍ ՉԱՓԸ ԳԱՂՏՆԻ ԹՈՂ ՄՆԱ

– Ի՞նչ գումար է կազմել ստացված գրանտի չափը: 

– Իմ հաշվետվությունների մեջ կա, կարող եք բացել եւ նայել:    

«Ալիեւը որոշակի հույսեր է կապում Փաշինյանի կառավարության հետ». Արտակ Զաքարյան

– Թիվը չե՞ք հիշում:

– Չէ, չեմ կարող հիշել, թե որքան է կազմում: Դե նկատի չունեմ կոնկրետ հենց ես եմ ստացել, այլ իմ ՀԿ-ն, որի կազմում ես գործել եմ, եւ իրականացրել ենք արդարադատաքննության իրավունքի ապահովմանը, պաշտպանությանն ու զարգացմանն ուղղված ծրագրեր: Այնպիսի ծրագրեր, որոնց պաշտպանելու, ապահովելու, երաշխավորելու պարտականությունը կրում է ՀՀ-ն, բայց չի իրականացրել, այլ իրականացրել է «Բաց հասարակություն հիմնադրամը», եւ սրան պետք է շատ ակնածանքով վերաբերվել: Իսկ ՀՀ-ն պետք է շնորհակալ լինի գրանտատու կազմակերպություններին, որովհետեւ այդ գումարները ծախսվում են Հայաստանում կարեւորագույն առաքելություն իրականացնելու համար: Եթե որեւէ մեկին դուր չի գալիս ազատ խոսքը կամ ազատ խոսքի պաշտպանությունը, դա բավարար չէ, որպեսի հետապնդվեն եւ հալածվեն այդպիսի կազմակերպությունները: Պետք է չմոռանալ, որ ՀՀ-ն պետք է երախտապարտ լինի այդպիսի կազմակերպություններին, որոնց տվյալները, ես որպես ուսումնասիրություն, ինչպես դուք որակեցիք, կատարել եմ:

– Վերջիվերջո, պատրաստվո՞ւմ եք շարունակել Ձեր ուսումնասիրությունները` կոնկրետ մատնանշված հակազգային դրամաշնորհների վերաբերյալ:  

– Այդ ուսումնասիրությունները շարունակելու են այն կազմակերպությունները, որոնց անունը ես հիշատակեցի:

ՀՐԱՆՏ ՍԱՐԱՖՅԱՆ

Հ.Գ.- Ի դեպ, «Ելքի» շարքերում քիչ չեն այն մարդիկ, որոնք ուղղակի կամ անուղղակի կերպով սորոսյան հիմնադրամի շահառու են եւ ստացած տարբեր չափի գրանտների դիմաց էլ ռասիզմի հասնող անհանդուրժողականությամբ` հուզվում են, երբ Ջ. Սորոսի տրամադրած գրանտների մասին որեւէ քննադատություն են լսում:

 

КОМСОМОЛЬСКАЯ ПРАВДА