ԿԱՐՃ ԼՈՒՐԵՐ

Իրանն ու Թուրքիան մտածում են ազգային կրիպտոարժույթի մասին

24.02.2018 23:37 ՄԻՋԱԶԳԱՅԻՆ
Իրանն ու Թուրքիան մտածում են ազգային կրիպտոարժույթի մասին

Թուրքիայի և Իրանի կառավարությունները որոշել են գնալ Վենեսուելայի հետքերով, որը հաջողությամբ գործարկել է առաջին ազգային կրիպտոարժույթը։ El Petro-ի թողարկումից հետո հաջորդ օրն Իրանի և Թուրքիայի իշխանությունները հայտարարել են նույնն անելու հնարավորության դիտարկման մասին։

Ադրբեջանը միջազգային հետախուզում է հայտարարել ահաբեկչության կոչեր անող անձանց նկատմամբ

Այսպիսով՝ Իրանի տեղեկատվության և հաղորդակցական տեխնոլոգիաների նախարարության թվիթերյան էջում հայտնվել է գրառում.

«Post Bank-ի տնօրենների խորհրդի հետ հանդիպման ժամանակ՝ նվիրված բլոկչեյնի հիման վրա թվային արժույթներին, սահմանվել են երկրի առաջին թվային արժույթի ներդրման միջոցառումները»։

Հաջորդ օրը նման հայտարարությամբ է հանդես եկել Թուրքիայի «Ազգայնական շարժում» կուսակցության փոխնախագահ և արդյունաբերության նախկին նախարար Ահմեթ Քենան Թանրիկուլուն։ Նա հրապարակավ հայտարարել է Turkcoin անվանումով «ազգային բիտքոինի» հնարավոր թողարկման մասին։

Հատկանշական է, որ ավելի վաղ թուրքական իշխանությունները բավականին թերահավատորեն են նայել էլեկտրոնային արժույթներին՝ նշելով, որ դրանք համատեղելի չեն իսլամի հասկացությունների հետ։

 

КОМСОМОЛЬСКАЯ ПРАВДА