ԿԱՐՃ ԼՈՒՐԵՐ

2017-ի վատագույն ֆիլմ է ճանաչվել «Էմոջի ֆիլմ» անիմացիոն ժապավենը. ԱՄՆ-ում ամփոփվել են «Ոսկե մորի» հակամրցանակաբաշխության արդյունքները

04.03.2018 12:10 ՄՇԱԿՈՒՅԹ
2017-ի վատագույն ֆիլմ է ճանաչվել «Էմոջի ֆիլմ» անիմացիոն ժապավենը. ԱՄՆ-ում ամփոփվել են «Ոսկե մորի» հակամրցանակաբաշխության արդյունքները

ԱՄՆ-ում «Ոսկե մորի» հակամրցանակաբաշխության կազմակերպիչները հայտարարել են իրենց հաղթողներին:

Ինչպես հաղորդում է РИА Новости-ն, 2017-ի «Վատագույն ֆիլմ» անվանակարգում հաղթող է ճանաչվել «Էմոջի ֆիլմ» անիմացիոն ժապավենը:

Ընկեր ՀՅԴ-ականներն անուղղելի են


Այս անվանակարգում առաջադրված են եղել նաև «Տրանսֆորմերներ. վերջին ասպետը», «50 երանգով ավելի մուգ», «Մումիա» և «Մալիբուի փրկարարները» ֆիլմերը:


«Էմոջի ֆիլմն» ընդգծվել է նաև վատագույն սցենարի համար, իսկ կինոնկարի ռեժիսոր Թոնի Լեոնդրիսը մրցանակ է ստացել վատագույն ռեժիսուրայի համար:

Վատագույն դերասան է ճանաչվել Թոմ Քրուզը «Մումիա» ֆիլմի համար: Վատագույն դերասանուհի են ճանաչել դերասան Թայլեր Պերիին, ով կնոջ դեր է մարմնավորել «Մեդեայի Հելլոուինը 2» ֆիլմում: 

«Ոսկե մորու» դափնեկիրներն ամեն տարի պարգևատրվում են Օսկարի մրցանակաբաշխության նախօրեին: Նրանց ոսկեգույն ներկով պատված պլաստիկե մորի են հանձնում, որի արժեքը կազմում է մոտ 5 դոլար: 

Մրցանակաբաշխությունը 1980-ին հիմնել է ամերիկացի հրապարակախոս Ջոն Ուիլսոնը: Անվանումն առաջացել է անգլերեն «մորի» բառի (raspberry) ժարգոնային նշանակությունից՝ «արհամարհանքի նշան»:

 

 

КОМСОМОЛЬСКАЯ ПРАВДА