ԿԱՐՃ ԼՈՒՐԵՐ

Մոտիվացիոն գրականությունը՝ սեփական երկիրն ավելի լավը դարձնելու միջոց

17.03.2018 17:50 ՄՇԱԿՈՒՅԹ
Մոտիվացիոն գրականությունը՝ սեփական երկիրն ավելի լավը դարձնելու միջոց

Համաշխարհային բեսթսելեր դարձած մոտիվացիոն գրքերը կարող են օգնել ինչ-որ բան փոխել Հայաստանում: Գրքերը ընթերցողին հայերեն թարգմանությամբ ներկայացնելու գլխավոր նպատակն այն է, որ ընթերցասերը, կարդալով դրանք, հասկանա, որ կարող է փոխել սեփական երկիրն ու կյանքը՝ ավելի լավը դարձնելով երկուսն էլ: Հենց այս խնդիրն է հետապնդում «Էդիթ Պրինտ» հրատարակչությունը՝ հայերեն թարգմանելով մոտիվացիոն գրականության բեսթսելերները:

Թանգարաններից վերցվածը չվերադարձնելու դեպքում Մշակույթի նախարարությունը կդիմի իրավապահ մարմիններին

Այս մասին ՀՀ Տնտեսական զարգացման եւ ներդրումների նախարարության Նորամուծության եւ ձեռներեցության ազգային կենտրոնում կայացած բիզնես եւ մոտիվացիոն բեսթսելերների ներկայացում-քննարկման ընթացքում նշեց հրատարակչության մարքեթինգի տնօրեն Շավարշ Կարապետյանը. «Շատ կարեւոր է, որ Հայաստանում ներկայացվի նման գրականություն: Այսօր Հայաստանում առկա են բիզնես ստեղծելու եւ արտասահմանյան շուկա դուրս գալու բոլոր նպաստավոր նախադրյալները: Ժամանակն է բիզնես և մոտիվացիոն գրականություն կարդալու, զարգանալու եւ բիզնես սկսելու համար»,-նշեց հրատարակչության մարքեթինգի տնօրենը:

Միջոցառման շրջանակում մասնավորապես ներկայացվեցին Սթիվեն Քովիի «Ամենաարդյունավետ մարդկանց 7 սովորույթները», Սպենսեր Ջոնսոնի «Ո՞ւր է իմ պանիրը», Ջոնսոնի եւ Քեն Բլանչարդի «Նոր՝ մենեջեր «Մեկ րոպեն»» գրքերը, ինչպես նաեւ Վահագն Դիլբարյանի «100 բիզնես գաղտնիքները», որը հրատարակվելուն պես դարձել է հայաստանյան բեսթսելեր:

Շավարշ Կարապետյանի խոսքով՝ կարեւոր չէ՝ դու բիզնեսի ղեկավա՞ր ես, թե՞ ոչ: Այս գրքերն օգնում են նաեւ մեզ ինքներս մեզ կառավարել, հասկանալ, փոփոխություններ մտցնել սեփական կյանքում: Եվ հրատարակչության հաջողության գաղտնիքներից է նաեւ այն փաստը, որ աշխատակազմը կիրառում է գրքերում ներկայացված մեթոդները:

«Նորամուծության եւ ձեռներեցության ազգային կենտրոն» ՊՈԱԿ-ի տնօրեն Գեւորգ Վարդանյանն իր խոսքում ընդգծեց, որ շատ կարեւոր գործ է կատարվել, թարգմանվել են շատ արժեքավոր գրքեր: «Ոչ բոլորն են տիրապետում անգլերենին, եւ սկսնակ ձեռներեցների համար շատ կարևոր է ծանոթանալ նման տիպի գրքերին»,-ներկայացում-քննարկման ընթացքում հատուկ շեշտեց Գեւորգ Վարդանյանը:

Նշենք, որ Քովիի գրքում ներկայացված է սկզբունքակենտրոն մոտեցում`լուծելու անհատական եւ մասնագիտական խնդիրները, օգնելու փոխվել եւ օգտվել փոփոխությունների արդյունքում ստեղծված հնարավորություններից: Time ամսագիրն այն ընդգրկել է «Բիզնեսի կառավարման վրա ամենամեծ ներգործությունն ունեցող 25 գրքերի» ցանկում: «Նոր՝ մենեջեր «Մեկ րոպեն»» կյանքն ու գործը ճիշտ եւ արդյունավետ ղեկավարելու բոլոր ժամանակների բեսթսելեր է, համարվում է երբեւէ հրատարակված ամենահաջողակ մենեջմենթի գրքերից: Իսկ «Ո՞ւր է իմ պանիրը» կյանքում եւ բիզնեսում փոփոխություն մտցնելու բոլոր ժամանակների թիվ 1 բեսթսելերն է, կարող է արմատապես փոխել մեր վերաբերմունքը փոփոխության նկատմամբ:

«Վրիժառուների» նոր մասն ավելի քան 2 մլրդ դոլար է վաստակել համաշխարհային վարձույթում

Տասնամյակներ շարունակ այս գրքերը օգնել են միլիոնավոր մարդկանց առավել հաջողակ լինել իրենց մասնագիտական եւ անձնական կյանքում:

 

КОМСОМОЛЬСКАЯ ПРАВДА