ԿԱՐՃ ԼՈՒՐԵՐ

Ինչով են յուրահատուկ հուլիսին ծնված մարդիկ

15.07.2018 23:00 ՀԱՆՐՈՒԹՅՈՒՆ
Ինչով են յուրահատուկ հուլիսին ծնված մարդիկ

Հուլիս ամսին ծնված մարդկանց բնորոշ են որոշակի առանձնահատկություններ:

Խեցգետինների դրական հատկությունները

Ինչով է շոգեբաղնիքն առողջությանը օգտակար. հետազոտություն

Կարեկցող են: Կենդանակերպի այս նշանի ներկայացուցիչները շատ զգայուն են, տարբերվում են մարդկանց ուշադիր և համբերատար լսելու կարողությամբ, նրանց խնդիրները կարող են սրտին շատ մոտ ընդունել: Եթե որևէ դժվարություն ունեք կամ պետք է լուրջ որոշում կայացնեք, Խեցգետինները կարող են լավ խորհրդատու լինել:

Հուսալի են: Խեցգետինները միշտ կիրականացնեն իրենց խոստումները, նույնը կսպասեն նաև ձեզանից: Խեցգետինների տրամադրությունը կարող է բավական փոփոխական լինել, բայց նրանց հուսալիությունն անփոփոխ է:

Խաղաղասեր են: Խաղաղությունն ու ներդաշնակությունը որոշիչ նշանակություն ունեն Խեցգետինների հոգեկան հանգստության համար: Կոպտությունը, կոնֆլիկտներն ու վեճերը նրանց համար չեն: Խեցգետիններն էմոցիոնալ կայունության կարիք ունեն:

Ստեղծագործող են: Կենդանակերպի այս նշանի ներկայացուցիչներն իրենց մտքերն ու հայացքները փոխանցում են արվեստի միջոցով:

Խեցգետինների բացասական հատկությունները

Ավելորդ խոցելիություն: Թեև Խեցգետինները փորձում են ուժեղ երևալ, չափազանց սենտիմենտալ են: Տանել չեն կարողանում մերժում կամ անհաջողություն: Այդ պահերին նրանք փակվում են, չեն ցանկանում շփվել:

Երկչոտություն: Խեցգետինները չափազանց զգուշավոր են, երբեք չեն ցանկանում լքել հարմարավետության սահմանները: Չեն սիրում փոփոխություններ, էմոցիոնալ կայունության և անվտանգության կարիք ունեն: Նպատակներին հասնելու համար հարկավոր է ազատվել անինքնավստահությունից:

Տրամադրությանբ անկումներ: Խեցգետինների տրամադրությունը կարող է կախված լինել ցանկացած բանից, նույնիսկ ամենաննշան մանրուքներից: Այդ առումով Խեցգետիններն անկանխատեսելի են, ինչը հաճախ դժվարացնում է նրանց հետ շփումը: Կենդանակերպի այս նշանի ներկայացուցիչները մշտապես փոխում են մտքերն ու կարծիքները:

Ճնշվածություն: Էմոցիաները կարող են շատ արագ ճնշել Խեցգետիններին: Բացասական էմոցիաները նրանց ստիպում են երկար ժամանակ ճնշված զգալ, դեպրեսիվ տրամադրություն ունենալ:

Առյուծների դրական հատկությունները

Ոգեշնչում: Առյուծները կարողանում են մոտիվացնել մարդկանց, ոգեշնչել: Նրանք ցանկանում են, որ մտերիմները հասնեն իրենց նպատակներին, իրականություն դարձնեն իրենց երազանքները: Առյուծները սիրում են, երբ իրենց շուրջ երջանիկ մարդիկ են:

Ինչու են շատ տառապանքներ ապրած մարդիկ ամենաբարին

Լի են էներգիայով: Առյուծները լի են դրական էներգիայով, ուժով, սիրով ու լավատեսությամբ: Եթե տխուր եք կամ մոտիվացվելու կարիք ունեք, ոչ ոք չի կարող ավելի լավ օգնել ձեզ:

Էնտուզիազմ: Առյուծները վառ, լիարժեք կյանքով են ապրում, էնտուզիազմով անում ամեն բան:

Ստեղծագործող են: Առյուծները բաց են, հակված են ստեղծագործելու: Կարող են արժեքավոր բան ստանալ ոչնչից:

Առյուծների բացասական հատկությունները

Գերակայող են: Առյուծները սիրում են գերիշխող դիրք զբաղեցնել, ուժեղ բնավորություն ունեն: Հստակ գիտեն՝ ինչ են ցանկանում կյանքից, միշտ ստանում են դա: Ձգտում են ամեն բան վերահսկողության տակ պահել, ղեկավարել մարդկանց:

Եսասիրություն: Առյուծները ձգտում են առավելագույնս ուշադրության կենտրոնում լինել, եսասեր են: Ցանկանում են ղեկավարել մարդկանց, բայց նաև դաժանության հասնող ուղիղ են, չեն մտածում այն մասին, որ իրենց բառերը կարող են ցավ պատճառել մարդկանց:

Սեփականատիրության զգացում: Առյուծները չափազանց նվիրված են ընտանիքին և ընկերներին, բայց երբ նրանց սերը սեփականատիրական ու խեղդող է դառնում, մարդիկ դժվարությամբ են շփվում նրանց հետ:

Մեծամտություն: Առյուծները հիանում են շքեղությամբ, ձգտում են շքեղության: Նրանց մեծ մասը ցանկանում է, որ մարդիկ պաշտեն իրենց: Նրանք անսահման նվիրվածության կարիք ունեն, կարծում են, որ բարձր են բոլորից:

Նյութը flytothesky.ru-ից

 

КОМСОМОЛЬСКАЯ ПРАВДА