ԿԱՐՃ ԼՈՒՐԵՐ

«Ներկայացնում եմ իմ հրաժարականին համաձայնություն տալու դիմումը». Գեւորգ Պետրոսյան

04.08.2018 18:52 ՕՐՎԱ ՊԱՏԿԵՐ ՔԱՂԱՔԱԿԱՆ ԹԵՄԱ
«Ներկայացնում եմ իմ հրաժարականին համաձայնություն տալու դիմումը». Գեւորգ Պետրոսյան

ԱԺ «Ծառուկյան» խմբակցության պատգամավոր ԳԵՎՈՐԳ ՊԵՏՐՈՍՅԱՆԸ կրկին հայտարարությամբ է հանդես եկել, որում մասնավորապես ասված է. «Երկու օր առաջ Երեւանի ավագանու ընտրությունների առթիվ կատարածս հայտարարության կապակցությամբ կրկին անգամ հայտարարում եմ, որ թող որեւէ մեկը դա հիմք չընդունի իմ եւ իմ քաղաքական ղեկավար պարոն Ծառուկյանի փոխհարաբերությունները քննարկման առարկա դարձնելու համար...Նորից եմ կրկնում՝ Գագիկ Ծառուկյանն իմ ղեկավարն է, իմ սրտացավ բարեկամը, եւ ես ոչ մի պարագայում նրան ուրանալ չեմ կարող... Իմ անհամաձայնությունը կապված է անձամբ Նաիրա Զոհրաբյանի հետ, ով իմ կարծիքով, պետք է ձեռնպահ մնար առաջնորդության հաճույքից եւ չգլխավորեր ցուցակը: Չակերտներ չեմ բացում, թե ինչու... Միայն ասեմ, որ Ծառուկյանն առաջարկել էր նաեւ իմ թեկնածությունը, ինչից ես հրաժարվել եմ՝ հաշվի առնելով, որ իմ աշխատուժն առավել պահանջված է օրենսդիր մարմնում: Միշտ էլ այն համոզմունքին եմ եղել, որ պատվախնդիր մարդը չպետք է զբաղվի իր հետ կապ չունեցող գործով...Եվ ինչ որ շառլատաններ առիթը բաց չեն թողել՝ վայրահաչելու, թե ես գործել եմ ինչ-որ մարդկանց հետ պայմանավորվածություններով և ական եմ ծառայել՝ ի վնաս Ծառուկյանի...Մոռացեք, նման բան չկա... Ուղղակի ծիծաղելի մեղադրանք... Կյանքում երբևէ գաղտնի չեմ գործել... Ավելին, քաղաքական համոզմունքներից ելնելով և հասարակական կարծիքը հիմք ընդունելով՝ բացահայտ հակադրվել եմ այնպիսի պաշտոնատար անձանց, որոնցից ոմանք երազում անգամ վախեցել են...»:

«Լույսն» ու «Իմ քայլը» քաղաքական նոր սիրավե՞պ են սկսում

Եզրափակելով խոսքը՝ պատգամավորը հավելել է. «Որպեսզի թյուր տպավորություն չստեղծվի, թե ես կառչած եմ մանդատից կամ, որ ես գործում եմ իմ քաղաքական ղեկավարի թիկունքում կամ նրա կամքին հակառակ, ներկայացնում եմ իմ հրաժարականին համաձայնություն տալու դիմումը…Ինձ համար իմ քաղաքական ղեկավարի կարծիքն ու վստահությունն անհամեմատելի է ցանկացած պաշտոնի կամ մանդատի հետ...
Եթե պարոն Ծառուկյանը հաստատի մանդատս վայր դնելու մտադրությունս, ապա բարոյական նորմերն ինձ այլընտրանքի տեղիք չեն տալիս... Ծառուկյանը եղել և մնալու է իմ իսկական բարեկամը...»:

 

КОМСОМОЛЬСКАЯ ПРАВДА