ԿԱՐՃ ԼՈՒՐԵՐ

ՀԱՄԱՅՆՔԱՊԵՏԻՆ ԱՐԳԵԼԵԼ ԵՆ ԽՈՍԵԼ ԴՊՐՈՑՈՒՄ ԱՂԱՆԴԱՎՈՐԱԿԱՆ ՔԱՐՈԶՆԵՐԻՑ

12.09.2018 21:45 ՀԱՆՐՈՒԹՅՈՒՆ
ՀԱՄԱՅՆՔԱՊԵՏԻՆ ԱՐԳԵԼԵԼ ԵՆ ԽՈՍԵԼ ԴՊՐՈՑՈՒՄ ԱՂԱՆԴԱՎՈՐԱԿԱՆ ՔԱՐՈԶՆԵՐԻՑ

Սեպտեմբերի 1-ը նշեցին Հայաստանի Հանրապետության բոլոր համայնքների դպրոցներում, բացի Ելփին գյուղի դպրոցից: Պատճառն այն է, որ անցած տարվանից գյուղ է ներթափանցել ինչ-որ աղանդավորների խումբ, ովքեր  բուկլետներ են բաժանել դպրոցում, սկսել են քարոզել դասերի ժամանակ: Ավելին, ըստ տեղացիների՝ փորձել են ճամբար հիմնել` սոցիալապես անապահով ընտանիքների երեխաների համար: Ծնողները փորձել են հարցը բարձրացնել տնօրենի մոտ, սակայն ապարդյուն:  Ծնողների անհանգստության առիթ է դարձել այն, որ երեխաները սկսել են տարբեր առիթներով խոսել «փրկության», «հոգիների» մասին, խոստովանել են, որ դասերի ժամանակ տվյալ ուսուցիչները կրոնական գրականություն են ընթերցել: Ինչպե՞ս են փորձում բացատրել այս ամենը համայնքի պատասխանատուները՝ փորձեցինք հետաքրքրվել համայքի վարչական ղեկավար ԽԱՉԻԿ ԱՎԵՏԻՍՅԱՆԻՑ, ով մեզ հետ զրույցում փորձեց հարցից խուսափել՝ նշելով.

Ելփինի աղանդավոր ուսուցիչները սկսել են անձանական վիրավորանքներ հասցնել ծնողներին. Նոր մանրամասներ

 

«էսքանն էլ ինձ արգելված էր ասել»

- էդ թեմայով մեզ արգելել են խոսել:

- Ո՞վ է արգելել:

- Մարզպետը մեզ ասել է՝ էս թեմաներով չխոսենք, որ իրենք հարցը կկարգավորեն:

- Բայց երեխաների մասին է խոսքը:

- Երեխաները այսօրվանից արդեն գնացել են դպրոց, թեպետ ծնողները դեռ չեն հանգստացել, դեռ վրդովված են:

- Իսկ տվյալ ուսուցչիները շարունակո՞ւմ են աշխատել:

- Այո, երեք հոգու անուն են տալիս երեխաներն ու ծնողները, բայց ուսուցիչներից միայն մեկն է ասում, որ հա, ինքը հավատացյալ է: Բայց ասում է, որ դպրոցում դրանով չի զբաղվում, որ քարոզ չի անում:

- Ի՞նչ է դասավանդում այդ ուսուցչուհին:

- Օտար լեզվի մասնագետ է ու առանց վախենալ ասում է, որ հավատացյալ է: Խնդրում եմ՝ էլ ինձ բան մի հարցրեք: Ես տեղյակ չեմ, էսքանն էլ ինձ արգելված էր ասել-խոսել:

 

«Ծնողները շարունակում են իրենց վրդովմունքն արտահայտել»

Դպրոցի տնօրեն ԺՈՐԱ ԳՐԻԳՈՐՅԱՆԻ խոսքով էլ՝ Ելփին գյուղի դպրոցում աղանդավոր ուսուցիչների պատճառով դասաժամերը խաթարվել են, երեխաների մեծ մասը դասի չեն գնում, կամ գալիս են, մասնակցում միայն այն ուսուցիչների ժամերին, ովքեր կապ չունեն երեք այն ուսուցիչների հետ, որոնց ծնողները եւ աշակերտները աղանդավոր են համարում.

- Ծնողները շարունակում են իրենց վրդովմունքը արտահայտել երեք ուսուցիչների նկատմամբ, ովքեր, ըստ իրենց երեխաների, դասերի ժամին փորձել են քարոզներ իրականացնել: Թեպետ ես նման բանի չեմ հավատում: Այս ամենն այնքան է խորացել, որ ծնողների եւ ուսուցիչների միջեւ է արդեն կոնֆլիկտ առաջացել: Ուսուցիչները, որոնց ծնողները մեղադրում են աղանդավորության մեջ, անձնական բնույթի վիրավորանքներ են հասցնում ծնողներին: Իսկապես շատ տհաճ իրավիճակ է, եւ որ ամենակարեւորն է, խաթարվում է դպրոցի բնականոն կյանքը, ինչն անթույլատրելի է: Գյուղացիները այդ երեք ուսուցիչներին համարում են աղանդավորներ եւ հրաժարվում են դպրոց ուղարկել երեխաներին, քանի դեռ նրանք աշխատում են: Բայց նրանցից միայն մեկը՝ Ավագյան Քնարիկն է բացահայտ ասում, որ նա Ավետարանչական եկեղեցու հետեւորդ է:

Քրդական համայնքն ունի ուսուցիչների պակաս. հարցը բարձրացվել է ԿԳ նախարարի մոտ

- Պարոն Գեւորգյան, Դուք ասում եք, որ չեք հավատում, որ ուսուցիչները քարոզ են իրականացնում: Այդ դեպքում, ըստ Ձեզ, ծնողները ինչո՞ւ պետք է նման բան հորինեին:

- Ծնողների հետ պարզեք: Ես էլի եմ ասում՝ այդ ուսուցիչները դպրոցում քարոզչություն չեն իրականացրել: Հա, փորձել են իրականացնել, բայց ես դա թույլ չեմ տվել, ասել եմ, որ դա արգելված է: Բերել, բուկլետներ էին փորձում բաժանել, բայց դա իրենց չի թույլատրվել:

- Լավ, երեխաներն է՞լ են ստում:

- Արդեն չգիտեմ, ծնողներից պարզեք:

- Բայց Դուք, որպես դպրոցի տնօրեն, Ձեր հերթին եք պատասխանատու երեխաների համար:

- Ես հրաժարվում եմ այլեւս այդ հարցերին պատասխանել, մեզ ասել են՝ չխոսենք, չխառնվենք:

- Բայց խոսքը, ի վերջո, երեխաների մասին է:

- Երեխաները միգուցե փաստեր ունեն, բայց ես, որպես դպրոցի տնօրեն, ասում եմ, որ դպրոցում քարոզչություն չի իրականացվել:

- Լավ, ըստ Ձեզ, ճիշտ է՞, որ աղանդավորները դասավանդում են մատաղ սերնդին եւ մի բան էլ՝ փորձում երեխաներին էլ տանել սխալ ճանապարհով:

- Բայց ո՞վ ասաց, որ իրենք իրավունք չունեն լինեն այս կամ այն հավատքից, օրենքը թույլ է տալիս դավանանքի ազատություն: Պարզապես աշխատավայրում այն չքարոզելու պահանջ կա երեւի: Ինչի, որ աղանդավոր են, ուրեմն պետք է ազատե՞մ այդ ուսուցիչներին: Աղանդավորը մի հոգի է, մնացածների մասին չգիտեմ ով է նման բնորոշում տվել: Հետո էլի եմ ասում՝ օրենքը թույլ է տալիս աղանդավոր ուսուցիչ էլ ունենանք:

- Հիմա կարող է օրենքը թույլ է տալիս նաեւ համասեռամոլ ուսուցիչ էլ ունենաք, դա է՞լ նորմալ կհամարեք:

- Դե հիմա ես արդեն պատասխանեցի, էլ չեմ ուզում խոսեմ: Հիմա ավելի վատն այն է, որ ուսուցիչների ու ծնողների մեջ է կոնֆլիկտ առաջացել: Տվյալ ուսուցիչներն անձնական վիրավորանքներ են հասցնում ծնողներին, ծնողներն էլ հետ չեն մնում: Պատկերացնում եք՝ ինչ է կատարվում: Ես չեմ ուզում առհասարակ դրա մասին խոսել, թողեք, տեսնենք ինչ է լինում: Երեխաները նորմալ չեն հաճախում դասի, ծնողները շարունակում են պահանջել՝ այդ երեք ուսուցիչներին աշխատանքից ազատել, ինչը իմ իրավասությունների մեջ չէ: Խնդրում եմ այսքանով սահմանափակվեք:

Նկատենք, որ դպրոցի տնօրենի խոսքում հակասություններ, այնուամենայնիվ, կան: Այսպես, պնդելով, որ ուսուցիչներից միայն մեկին է համարում աղանդավոր, նա, այնուամենայնիվ, նշեց. «Բերել, բուկլետներ էին փորձում բաժանել...»: Խոսում է հոգնակի, այսինքն՝ ոչ թե մեկ, այլ՝ ավելի մեծ թվով՝ առնվազն երկու-երեք ուսուցիչ է փորձել բուկլետ բաժանել: Եվ երկրորդը. այդ բուկլետների փոստը արդեն իսկ վկայում է, որ թեկուզեւ մեկ ուսուցիչ փորձել է իր կրոնական համոզմունքը տարածել դպրոցում: Այո, նա ցանկացած հավատի սահմանադրական իրավունք ունի, սակայն ոչ աշխատավայրում: Իսկ երեխաներին ոչ միայն դպրոցում, այլ անգամ առօրյա կյանքում է օրենքով քարոզելն արգելված: Այսինքն, տվյալ ուսուցիչը միայն այդ փորձով արդեն իսկ դուրս է եկել իր պաշտոնական լիազորություններից, որը պետք է իր հետեւից բերեր նաեւ պատիժ: Պատիժը դեռ չկա, ավելին, այդ ուսուցիչներն այնքան վստահ են, որ, տնօրենի ասածով, «անձնական բնույթի վիրավորանքներ են հասցնում ծնողներին»: Եվ այն, որ դպրոցի տնօրենին, ինչպես գյուղապետին, արգելել են խոսել, հուշում է, որ այդ ինքնավստահությունը հիմնավոր է:

ԿԳ նախարարը խոսում է մի բան, բայց`վարվում այլ կերպ

 

«ՈՒՂՂԱԿԻ ՆԱՅԵՆՔ, ՈՐ ԷՐԵԽԵՔԸ ՉՓՉԱՆԱՆ»

Աղանդավորների ցուցադրական տարածման, արդեն մինչեւ իսկ դպրոցներ ներխուժելու, ինչպես նաեւ՝ ոչ ցուցադրականություն ստացած համասեռամոլների ակտիվացումը լուրջ մտահոգության տեղիք է տվել նաեւ «Ծառուկյան դաշինքի» պատգամավոր ՎԱՐԴԱՆ ՂՈՒԿԱՍՅԱՆԻ մոտ: Նա մեզ հետ զրույցում այդ մասին ասաց.

- Մի բան կարող եմ ասել՝ նմանատիպ սրբապիղծներին առաջներում վառել են, արտաքսել են երկրից: Ես Աստվածաշնչով եմ նայում, որից այն կողմ ուրիշ բան չկա: Մի բան գիտեմ, որ Սոդոմ-Գոմոր քաղաքներն ավիրվեց այդ համասեռամոլների ու նմանատիպ բաների պատճառով: Հիմա ի՞նչ են ուզում` անեծքի տա՞կ ընկնենք մենք: Մոռացել ենք, թե ինչ է ասել Աստվածաշունչը, թե ինչ ձեւի պետք է լինի ամուսնությունը, ինչ ձեւի պետք է լինի հավատը: Ով այդ ամենից շեղվում է, նա սատանայի կամակատարն ու գործակիցն է: Ես դրանց համայն մարդկության թշնամին եմ համարում: Եվ համոզված եմ, երբ ամբողջ աշխարհը դա ընդունեց, աշխարհի վերջը կգա: Ու, ցավոք, արդեն տեսնում ենք, որ տակը բան չմնաց` մի քանի երկիր է մնացել, չեմ էլ ուզում անդրադառնալ:

- Ու ինչպե՞ս եք տեսնում այս ամենի վերջը:

- Ցավոք՝ շատ վատ, դրանք ոչ դարձի գալող են, ոչ էլ ինչ-որ մի բան կարող ենք անել արդեն դրանց նմանների դեմ: Ուղղակի նայենք, որ էրեխեքը չփչանան, ուրիշ ոչ մի բան:

ԻԼՈՆԱ ԱԶԱՐՅԱՆ

 

КОМСОМОЛЬСКАЯ ПРАВДА