ԿԱՐՃ ԼՈՒՐԵՐ

ԱՄՆ-ի հեռացող դեսպանի հայտարարության վտանգավոր տողատակերը

17.10.2018 00:51 ՕՐՎԱ ՊԱՏԿԵՐ ԹԵՄԱ
ԱՄՆ-ի հեռացող դեսպանի հայտարարության վտանգավոր տողատակերը

Դաժան իրականությունն այն է, որ արցախյան հակամարտության ցանկացած կարգավորում կպահանջի «օկուպացված տարածքների» մի մասի վերադարձ: Այս մասին EVN Report ամսագրի հետ հարցազրույցում ասել է Հայաստանում իր առաքելությունն ավարտած ԱՄՆ դեսպան Ռիչարդ Միլսը: Նրա խոսքով՝ հայ ժողովուրդն ինքը պետք է որոշի, թե ինչի է պատրաստ: Սակայն դեսպանը շեշտում է, որ ինքը ցնցված է, թե որքան քիչ են քննարկվում ընդունելի լուծման եւ փոխզիջումների հարցերը: Դիվանագետի կարծիքով՝ ստատուս քվոն արդեն Հայաստանի օգտին չէ, եւ սա դրսեւորվում է փակ սահմաններից սկսած մինչեւ նյութական պաշարների եւ մարդկային ռեսուրսների հետ կապված իրավիճակի լարվածություն, ընդհուպ մինչեւ հակամարտության հետ կապված կոռուպցիոն ռիսկեր:

ՀԱԿ-ը չի մասնակցի առաջիկա խորհրդարանական ընտրություններին

Վերոնշյալ հայտարարությանն անդրադարձել է քաղաքագետ, իրավաբան ՌՈԲԵՐՏ ՄԱՐԳԱՐՅԱՆԸ նախ նշելով, Հայաստանում իր առաքելությունն ավարտած դեսպանի հայտարարությունը կարելի է ընդունել, որպես Հայաստանում պաշտոնավարած եւ առավել եւս Մինսկի խմբի համանախագահող երկրի դեսպանի հերթական սովորական հայտարարություն. «Սակայն մի շարք հանգամանքներ առիթ են տալիս ենթադրելու, որ դեսպանի արտահայտությունները վտանգավոր տողատակեր են պարունակում: Հատկանշական է, որ դեսպան Ռիչարդ Միլսի հայտարարությունը կատարվում է այն ժամանակ, երբ Հայաստանում է գտնվում ԱՄՆ պետքարտուղարի Եվրոպայի եւ Եվրասիայի հարցերով փոխօգնական Ջորջ Քենթը, իսկ առաջիկա օրերին սպասվում է ԱՄՆ նախագահի ազգային անվտանգության խորհրդական Ջոն Բոլթոնի այցը տարածաշրջան եւ Հայաստան: «Օկուպացված» (ազատագրված) տարածքների վերադարձի եւ փոխզիջումների քննարկման անհրաժեշտության, նաեւ ստատուս քվոն Հայաստանի օգտին չլինելու մասին հայտարարությունը վտանգավոր հնչեղություն է ստանում այն դեպքում, երբ ՀՀ վարչապետ Նիկոլ Փաշինյանի հոկտեմբերի 16-ին ներկայացրած հրաժարականով կարելի է ենթադրել, որ Հայաստանում խորհրդարանական արտահերթ ընտրություններն անց են կացվելու առաջիկա դեկտեմբերին, որի արդյունքում չի բացառվում, որ ձեւավորվելու է թույլ եւ ազդեցությունից զուրկ ընդդիմությամբ միակուսակցական խորհրդարան, որն ամբողջությամբ ենթարկվելու է վարչապետ Նիկոլ Փաշինյանի ցանկություններին»:

Ռոբերտ Քոչարյանը հարցազրույց է տվել Նիկոլայ Սվանիձեին

Դրան զուգահեռ, ըստ քաղաքագետի, թավշյա հեղափոխությունից հետո ձեւավորվել է «ժողովրդի ուղղակի իշխանության» ձեւաչափով հարցերն առանց փորձագիտական քննարկման հրապարակում ներկայացնելու եւ հաստատելու վտանգավոր ավանդույթը. «Չի բացառվում, որ առաջիկայում կարող է Նիկոլ Փաշինյանի միջոցով հրապարակում քննարկման դրվի նաեւ «սահմանները փակ լինելու պատճառ դարձած, մարդկային ռեսուրսների հետ կապված իրավիճակների լարվածություն ու կոռուպցիոն ռիսկեր» առաջացնող Արցախի հարցը փոխզիջումների գնալով եւ «օկուպացված» տարածքների մի մասի վերադարձով կարգավորելու անհրաժեշտությունըԵվ դա արվելու է վարչապետ Նիկոլ Փաշինյանի միջոցով, ով սեպտեմբերի 12-ին ՀՀ ԱԺ-ում՝ խորհրդարանական լսումների ժամանակ «ազատագրված տարածքների» փոխարեն օգտագործեց «ձեզ հայտնի տարածքներ» տարօրինակ արտահայտությունը»:

Քաղաքագետը հիշեցնում է, որ ԱՄՆ նախագահ Դոնալդ Թրամփը մայիսին Ադրբեջանի նախագահին, իսկ սեպտեմբերին ՀՀ վարչապետին հղած ուղերձներում հայտարարել էր, որ առաջիկա ամիսները ԼՂ-ի հակամարտության կարգավորման հարցում հուսադրիչ են լինելու. «Շատերը փորձեցին Թրամփի հայտարարությունը հենց այսպես կատարված առանց տողատակերի բարեմաղթանք համարել, մոռանալով, որ ԱՄՆ նախագահը վերջին երկու տարիների ընթացքում ընդունած իր գործելաոճով ապացուցել է, որ որեւէ ժամանակ «հենց այսպես» մի բան չի ասումԼՂ-ի հակամարտության թրամփյան լուծումն անկախ իր բովանդակությունից առավել վտանգավոր է դառնում այն իրողության ֆոնին, որ ղարաբաղյան հարցում ամերիկյան կողմի ցանկացած ակտիվացում անկասկած Մոսկվայի կողմից անարձագանք չի մնալու», - զգուշացնում է Ռ. Մարգարյանը: 

Ադրբեջանի ԱԳՆ-ն արձագանքել է Նիկոլ Փաշինյանի հայտարարությանը

 

КОМСОМОЛЬСКАЯ ПРАВДА