o C     13. 12. 2019   : :

ԿԱՐՃ ԼՈՒՐԵՐ

Գողացվել են «Միսս Ֆրանսիա» մրցույթի գեղեցկուհիների զգեստները

25.10.2018 19:19 ԱԽ ԿԱՆԱՅՔ
Գողացվել են «Միսս Ֆրանսիա» մրցույթի գեղեցկուհիների զգեստները

Ֆրանսիայի մայրաքաղաք Փարիզի արվարձաններից մեկում՝ Սեն Կլուում, անհայտ անձը կամ անձինք թալանել են «Միսս Ֆրանսիա» գեղեցկության մրցույթի նախկին կազմակերպիչ Ժենեվև դե Ֆոնտենեի տունը՝ տանելով տարբեր տարիների գեղեցկուհիների կրած բեմական հագուստները, գրում է Le Figaro-ն:

Լիանա Ոսկերչյանը «Միսս աշխարհ 2019»-ի տաղանդի փուլի 5-յակում է

86-ամյա կնոջ պնդմամբ՝ գեղեցկուհիների հագուստների հավաքածուից կորել է 40 զգեստ:

«Այդ զգեստները «Միսս Ֆրանսիա»-ի ընտրության խորհրդանիշն են: Այս գողությունն ինձ համար հարված էր սրտիս, սա շոկ է: Գողացված է իմ կյանքի մի մասը», - ասել է Ֆոնտենեն:

Նրա կարծիքով՝ գողը մեկն է, որ լավ ծանոթ է եղել նրա բնակարանին, քանի որ բոլոր դռներն անվնաս են մնացել: Բացի այդ՝ չի բացառվում, որ հանցագործն ունեցել է նրա տան դարպասի բանալին, որն օգտագործել է գողոնը տեղափոխող մեքենայի կայանման համար:

Ֆոնտենեն դիմել է ոստիկանություն, սակայն դժվարացել է նշել իր կրած կորուստի հստակ չափը, քանի որ իր համար այդ զգեստներն «անգին են»:
 

 

КОМСОМОЛЬСКАЯ ПРАВДА