o C     16. 11. 2019   : :

ԿԱՐՃ ԼՈՒՐԵՐ

ՀԱՅԱՍՏԱՆՆ ԱՐԴԵՆ ՈՒՆԻ ԵՎՐՈՊԱԿԱՆ ԽԱՂԵՐԻ 11 ՈՒՂԵԳԻՐ

08.02.2019 22:00 ՍՊՈՐՏ
ՀԱՅԱՍՏԱՆՆ ԱՐԴԵՆ ՈՒՆԻ ԵՎՐՈՊԱԿԱՆ ԽԱՂԵՐԻ 11 ՈՒՂԵԳԻՐ

Եվրոպական երկրորդ խաղերը կանցկացվեն այս տարի՝ Բելառուսի մայրաքաղաք Մինսկում: 50 երկրի շուրջ 4 հազար մասնակից 15 մարզաձեւի 23 մրցաձեւում կպայքարի 200-ական ոսկե, արծաթե եւ բրոնզե մեդալների համար:

Գոնե ֆիլմ նկարեին սպորտսմենուհի, այլ ոչ թե սեռափոխվածի կյանքի ու սիրո մասին. Հոգեբան

Եվրոպական առաջին խաղերին, որոնք կայացել էին Բաքվում՝ 2015 թվականին, Հայաստանն ունեցել էր մեկ արծաթե մեդալ, որը նվաճել էր Միհրան Հարությունյանը: Այս տարի կայանալիք խաղերը սկզբունքորեն շատ կարեւոր են հայ մարզիկների համար: Եթե նախորդի դեպքում մասնակցությունը զուտ մարզական կամք դրսեւորելն էր, ու անկախ դրանց անցկացման վայրից՝ արժանի մրցակցություն ցույց տալը, ապա Մինսկում մեր մարզիկները հնարավորություն կստանան պայքարել օլիմպիական ուղեգրերի համար: Ծրագրում ընդգրկված 10 մարզաձեւում կվիճարկվեն 2020թ. Տոկիոյում կայանալիք օլիմպիական խաղերի մասնակցության ուղեգրեր, իսկ չորսում` կորոշվեն Եվրոպայի չեմպիոններն ու մրցանակակիրները: Մրցաշարի բացման եւ փակման հանդիսավոր արարողությունները տեղի կունենան Մինսկի «Դինամո» մարզադաշտում, որտեղ, ի դեպ, կանցկացվեն աթլետիկայի մրցումները: Մասնակիցների բնակավայր է ընտրված ուսանողական ավանը, որը տեղավորում է վեց հազար մարդ: Մրցումները կսպասարկեն ութ հազար կամավորականներ, 650 միջազգային եւ 410 ազգային կարգի մրցավարներ: Խաղերի ծրագրում ընդգրկված են նետաձգություն, աթլետիկա, բադմինթոն, բասկետբոլ, լողափնյա ֆուտբոլ, բռնցքամարտ, բայդարկա եւ կանոե, հեծանվասպորտ, մարմնամարզություն, ձյուդո, կարատե,սամբո, հրաձգություն, սեղանի թենիս, ըմբշամարտ մարզաձեւերըՀայաստանից Մինսկի խաղերին մասնակցելու իրավունքը առաջինը ստացել է կանոե մրցաձեւի երկու ներկայացուցիչ: Իսկ, ընդհանուր առմամբ, Հայաստանի ուղեգրերն այս պահի դրությամբ արդեն 11-ն են: Մինսկում հանդես կգան հայ սամբիստները (5 տղամարդ, 1 կին), մեկական հեծանվորդ, բռնցքամարտիկ, հրաձիգ եւ, ինչպես նշեցինք, կանոե մրցաձեւի երկու թիավարներՎարկանիշային մրցաշարերը կշարունակվեն մինչեւ 2019թ. ապրիլի 14-ը: Մեր հենակետային մարզաձեւի ներկայացուցիչները այդ ընթացքում հնարավորություն կունենան նվաճելու ուղեգրեր, մասնավորապես` ըմբիշները, մարմնամարզիկներն ու ձյուդոիստներըՀավելենք, որ որոշ մարզաձեւերում ուղեգրերը անվանական չեն եւ խաղերի մասնակիցներին կորոշեն համապատասխան մարզչական խորհուրդները: Դա հնարավորություն կտա ուժեղ պատվիրակություն ուղարկել մրցաշարին, քանի որ ուղեգրեր նվաճելու ընթացքը բավականին երկար է, եւ արդյունքում մարզիկը ով համապատասխան միավորներ է վաստակել մրցաշարի ժամանակահատվածում, կարող է վնասվածք ունենալ կամ պարզապես անհրաժեշտ մարզավիճակում չլինել:

Ծանրամարտիկ Հակոբ Մկրտչյանին շնորհվել է սպորտի վաստակավոր վարպետի կոչում

ՔՐԻՍՏԻՆԵ ՊԵՏՐՈՍՅԱՆ

 

КОМСОМОЛЬСКАЯ ПРАВДА