o C     22. 08. 2019   : :

ԿԱՐՃ ԼՈՒՐԵՐ

Վրաստանը ստեղծված իրավիճակից փորձում է դուրս գալ` նվազագույն վտանգներով (Տեսանյութ)

25.06.2019 21:10 ՕՐՎԱ ՊԱՏԿԵՐ ՄԻՋԱԶԳԱՅԻՆ ՀԱՆԴԻՊՈՒՄ
Վրաստանը ստեղծված իրավիճակից փորձում է դուրս գալ` նվազագույն վտանգներով (Տեսանյութ)

Հարեւան երկրում արշալույսները խաղաղ չեն: Վրաստանում տեղի ունեցող վերջին իրադարձությունների եւ առկա իրավիճակի մասին «Իրավունք TV»-ի տաղավարում զրուցել ենք Պետական կառավարման ակադեմիայի գիտաշխատող, Վրաստանի հարցերով փորձագետ ՋՈՆԻ ՄԵԼԻՔՅԱՆԻ հետ:

​​​​​​​«Այս ամենի մեջ միակ ոչ կոմպետենտը դու ես՝ քո ողջ թիմով». Գեղամ Պետրոսյան

«ՆԵՐՄՈՒԾՎԵՑ ԱՐՀԵՍՏԱԿԱՆ ՀԱԿԱՌՈՒՍԱԿԱՆ ՕՐԱԿԱՐԳ»

– Պարոն Մելիքյան, Վրաստանում զանգվածային բողոքի ալիք բարձրացավ այն բանից հետո, երբ ՌԴ Պետդումայի պատգամավոր Սերգեյ Գավրիլովը Թիֆլիսում անցկացվող Ուղղափառության միջխորհրդարանական վեհաժողովի շրջանակում նստեց Վրաստանի ԱԺ նախագահի աթոռին եւ ելույթ ունեցավ: Իրականում սա՞ էր ստեղծված լարված իրավիճակի հիմքում, թե՞ ավելի լուրջ հիմքեր կային:

Հիմքերն ավելի լուրջ էին, այդ արարողակարգային հարցը, կարելի է ասել, պատրվակ էր` բողոքի ցույցեր սկսելու համար: Հակառուսական տրամադրվածությունների ինչ-որ մի չափ կա Վրաստանում, որը դեռեւս բնակչության որոշ շրջանակներում առկա է, եւ այն օգտագործվեց ընդդիմության կողմից` կոչ անելով նրանց, թե տեսեք ռուսաստանցի պատգամավորը ձեր պառլամենտում է, որը ամենակարեւոր ինստիտուտն է, եւ ռուսաց լեզվով խոսում է: Այդ հռետորաբանության միջոցով կարողացան մարդկանց դուրս բերել փողոց, եւ տեղի ունեցան առաջին օրվա միջադեպերը, այդ թվում` փորձ` գրավելու խորհրդարանը: Այդտեղ շատ ակտիվ դերակատարություն ունեցան հենց Վրաստանի նախկին նախագահ Սահակաշվիլու կուսակիցները, որոնց հետ կապված հիմա արդեն հետաքննություն է տեղի ունենում, իրենք հարցաքննվում են` խորհրդարանի դեմ գրոհի հարցով: Դրանից հետո, կարելի է ասել, ինչ-որ բան գնաց այլ կերպ: Ընդդիմությունը, որն ի վերջո հեղինակն էր այդ ակցիաների, կորցրեց հնարավորությունը` կառավարելու այդ բողոքի ալիքը: Ցույցերի արդեն երկրորդ օրը բավականին շատ քաղաքացիներ հավաքվեցին Ռուսթավելի փողոցում, պատճառն այն էր, որ եղավ գրոհ, որը հրահրված էր քաղաքացիների կողմից, սակայն ընթացքում իրենք հետ քաշվեցին: Բայց տաքարյուն երիտասարդները, որոնք մտածում են, որ ճիշտ էին անում, փորձեր արեցին մի քանի անգամ` գրոհելու խորհրդարանի շենքը:

Ադրբեջանի և Վրաստանի սահմանին իրականացվելու է չհամաձայնեցված տարածքների համատեղ զննում

Ակցիաների տեսարաններից կարելի է ասել, որ բավական բիրտ ուժ կիրառվեց ոստիկանության կողմից: Ի՞նչ կասեք այս մասին:

Արդեն հայտարարվում է միջազգային կազմակերպությունների կողմից, որ ոստիկանությունը չզգուշացնելով սկսեց հատուկ միջոցներ կիրառել: Չնայած ոստիկանությունն էլ իր հերթին ասում է, որ մի քանի անգամ իրենք զգուշացրել են` օդ կրակեով, որ եթե դուք չեք ավարտում ձեր գործողությունները, մենք հատուկ միջոցառումներ ենք կիրառում: Հիմա երկու կողմն իրար մեղադրում են, բայց փաստն այն է, որ այդ ուժի կիրառումն ինչ-որ չափով ոչ այդքան համաչափ էր, ինչի հետեւանքով տուժեցին 240 հոգի, ասում են` մի հոգի էլ աչքն է կորցրել: Ընդ որում` 240-ից 80-ը ոստիկաններ էին, ինչը ցույց է տալիս, որ երկու կողմն էլ շատ ակտիվ պայքարի մեջ է եղել: Այս ամենը նաեւ բերեց նրան, որ բավականին շատ քանակությամբ մարդիկ դուրս եկան փողոց: Հետաքրքրական է, որ Գրիգոլ Վաշաձեն, որը Սահակաշվիլու ստեղծած «Միացյալ ազգային շարժում» կուսակցության այսօրվա ղեկավարն է, փորձ արեց ելույթ ունենալ, բայց իրեն թույլ չտվեցին: Արդեն երրորդ օրը այլ գործիչներ փորձեցին միջամտել, բայց իրենց եւս թույլ չտվեցին: Երիտասարդ ակտիվիստները սկսեցին վերահսկել բողոքի ցույցերը` թույլ չտալով, որ որեւէ մարդ կամ քաղաքական գործիչ միջամտի գործընթացին կամ փորձի սադրել ու լարված իրավիճակ ստեղծել: Արդեն իրավիճակն այնպիսին էր, որ չունենալով լիդեր` բողոքի ալիքը կարող է մարման գնալ, բայց դրա համար պետք էին որոշակի քայլեր: Մինչդեռ որոշակի քայլեր եղան` ներմուծելով արհեստական հակառուսական օրակարգ, որը կիրառվեց այս երեք օրվա ընթացքում, հետո եղավ նախագահի հայտարարությունը, արձագանքներ եղան նաեւ Մոսկվայից:

«Միայն ժողովրդավար Թուրքիան է ի վիճակի ճանաչել Հայոց ցեղասպանությունը». Կարո Փայլան

«ՍԱՀԱԿԱՇՎԻԼԻՆ ՑՈՒՅՑ ՏՎԵՑ` ՈՒԿՐԱԻՆԱՑԻՆԵՐԻՑ ԲԱՑԻ, ԱՅՆՊԵՍ ՉԷ, ՈՐ ՄՅՈՒՍՆԵՐԻՆ ՍԻՐՈՒՄ Է»

– Եթե հակառուսական օրակարգն արհեստական էր, ապա, ի վերջո, ո՞րն էր նպատակը` զանգվածային ցույցեր հրահրելու:

Ի սկզբանե, երբ հայտարարություններ էին անում ընդդիմադիրները եւ բողոքի մասնակիցները, նրանք մի քանի կետ էին առաջ քաշում: Առաջինը` պառլամենտի նախագահի հրաժարականն էր, ինչը տեղի ունեցավ հենց առաջին օրը: Նա, պատասխանատվությունը վերցնելով իր վրա, քաղաքական թիմի ներսում տեղի ունեցած քննարկումից հետո հայտարարեց, որ հրաժարական է տալիս: Պահանջներ կային` նաեւ ուժայինների ղեկավարների հրաժարականի, ընտրությունների անցկացումը ժամանակից շուտ անելու եւ ընտրական համակարգի փոփոխության վերաբերյալ: Ի դեպ, նախկինում, երբ իշխող «Վրացական երազանք» կուսակցությունը դեռեւս ընդդիմադիր կոալիցիա էր, կողմնակից էր, որ փոփոխություններ տեղի ունենան: Բայց երբ եկան իշխանության, փորձեցին հետաձգել այդ գործընթացը: Իսկ վերջին օրենսդրական բարեփոխումներով սահմանադրության մեջ ֆիքսվել էր, որ 2024 թվականից իրենք անցնելու են համամասնական ընտրակարգի:

​​​​​​​«Եթե որեւէ քաղաքական ուժի աջակցությունը ձեզ պետք չէ, ինչո՞ւ էիք եկել խորհրդարան». Ն. Զոհրաբյան

Այս ամենը հիշեցրեց մեր իշխանություններին, որոնք դեմ էին գործող ընտրակարգին, բայց հենց այդ ընտրակարգով էլ խորհրդարան ձեւավորեցին: Սահակաշվիլին էլ, Վրաստանում տեղի ունեցող դեպքերը համարում է Հայաստանում, Ուկրաինայում տեղի ունեցածի շարունակությունը: Համակարծի՞ք եք:

Բացի դրանից, Սահակաշվիլին ասել էր, թե` «ինչով են մենք պակաս հայերից, մոլդովացիներից, նույնիսկ ուկրաինացիներից, չնայած ուկրաինացիներին սիրում եմ»: Սրանով նա ցույց տվեց` բացի ուկրաինացիներից, մյուսներին, այնպես չէ, որ սիրում է: Այնպես որ, թող մեզ մոտ Սահակաշվիլու երկրպագուները հասկանան, որ պետք չէ այդքան վստահ լինել, թե նա շատ ճիշտ նախագահ կարող է լինել Վրաստանում: Նա փորձեց իր կողմնակիցներին փողոց դուրս բերել, բայց իր թիմակիցներին թույլ չտվեցին մասնակցելգործընթացին, եւ կրկնում եմ` որոշների նկատմամբ, հավանաբար հեղաշրջման փորձի համար, գործեր հարուցվեցին:

​​​​​​​«Չէ Գայանե ջան, ձերոնք չեն, մերոնք են». Միհրան Հակոբյանն արձագանքել է Գայանե Աբրահամյանին

«10 ՔԱՂԱՔԱԿԱՆ ՈՒԺ` 150 ՏԵՂԱՆՈՑ ԽՈՐՀՐԴԱՐԱՆՈՒՄ»

– Այս պահին ի՞նչ գործընթացներ են տեղի ունենում Վրաստանում, եւ արդյոք բողոքի ալիքն, իսկապես, մարում է:

Իշխող «Վրացական երազանք» կուսակցության ղեկավար Բիձինա Իվանաշվիլին երեկ արդեն հայտարարեց, թե իրենց թիմը որոշել է, որ կսկսեն երկխոսություն խորհրդարանական եւ արտախորհրդարանական ուժերի հետ, որ գալիք տարում անցկացվեն խորհրդարանական ընտրություններ` նոր համակարգով: Սա, իմ կարծիքով, բավականին լուրջ քայլ էր, թեպետ մի կողմից իրենք չուզելով են այդ քայլին գնում, եւ այդ քայլը կարելի է կապել ընդդիմադիր թեւի պահանջների հետ: Ամիսներ առաջ ստորագրահավաքներ են կազմակերպել բոլոր կուսակցությունների կողմից, եւ սա այն հարցն էր, որը բոլորին միացնում էր: Եվ իշխանությունները, հասկանալով, որ եթե օրակարգում այդ հարցը կա, այն կարող է բոլորին միացնել եւ իրենց իշխանությանը լուրջ վտանգ լինի` որոշեցին, որ նվազագույն վտանգը իրենք կստանան` գնալով այս քայլին: Այնպես որ, այսօրվանից Վրաստանը պատրաստվում է գալիք տարվա ընտրություններին, եւ հայտարարել են, որ զրոյական շեմ է լինելու: Սա նշանակում է, որ բոլոր այն ուժերը, որոնք կոնկրետ աջակցություն կստանան ժողովրդի կողմից, կարող են խորհրդարան անցնել: Խորհրդարանում կարող է այսօրվա 4 քաղաքական ուժից բացի, լինել 10 քաղաքական ուժ` 150 տեղանոց խորհրդանարում: Այսինքն` ստացվում է, որ գալիք խորհրդարանում կոալիցիա պետք է կազմվի եւ, երեւի, կլինի իշխող կոալցիա, որն էլ կստեղծի կոալիցիոն կառավարություն: Բայց հիմա հարցն այն է, որ դեռեւս չեն հանդարտվում որոշ շրջանակներ եւ պահանջում են ներքին գործերի նախարարի հրաժարականը: Դժվար է պատկերացնել, որ հրաժարական կլինի, բայց անհնարին ոչինչ չկա:

«Նրանց միասնականությունը տեղում է դոփում». ՌԴ Պետդումայից մեկնաբանել են Պորոշենկոյի հայտարարությունը

ՀՐԱՆՏ ՍԱՐԱՖՅԱՆ

Հ.Գ.- Առավել մանրամասն դիտեք տեսանյութում.

 

КОМСОМОЛЬСКАЯ ПРАВДА