o C     10. 12. 2019   : :

ԿԱՐՃ ԼՈՒՐԵՐ

ՄԵՆԱՄԱՐՏ ԱԶԳԻ ԵՎ ՏԱԿԱՆՔԻ ՄԻՋԵՎ

10.07.2019 19:00 ՎԵՐԼՈՒԾՈՒԹՅՈՒՆ
ՄԵՆԱՄԱՐՏ ԱԶԳԻ ԵՎ ՏԱԿԱՆՔԻ ՄԻՋԵՎ

Այնպես պատահեց, որ համացանցում նորից շրջանառվեցին Սերժ Սարգսյանի` Վիետնամ եւ Սինգապուր կատարած այցերի լուսանկարները: Որեւէ զուգահեռ Նիկոլի կատարած այցերի հետ լինել չի կարող` ՀՀ երրորդ նախագահին դիմավորում էին տեղը տեղին, պատվո պահակով, իսկ Նիկոլի այցերից մնացել են միայն խղճուկ սելֆիներ եւ գործնականում ոչինչ չասող մեմոռանդումներ: Այսինքն` կարելի է ասել, որ բազմամարդ պատվիրակությունով տուրիստություն է արել:

ԽԱՓԱՆՄԱՆ ՄԻՋՈՑ` ԸՆԴԴԵՄ ՊԵՏԱԿԱՆԱՔԱՆԴՈՒԹՅՈՒՆԸ ԿԱՆԽՈՂՆԵՐԻ

 

ԽԱՄԱՃԻԿԸ ԵՎ ՏԻԿՆԻԿԱՎԱՐՆԵՐԸ

Ռազմիկ տեսակը ներկայացնող ՀՀ երկրորդ եւ երրորդ նախագահների արխիվային լուսանկարներն ու տեսանյութերը ցույց են տալիս, թե արտաքին աշխարհի հետ շփվելիս ինչպիսին պետք է լինի երկրի ղեկավարը: Իսկ Նիկոլի արտերկրյա կադրերը ցույց են տալիս, թե ինչպիսին չպետք է լինի: Դրանք համատարած տպավորություն են թողնում, որ վոժդին ոչ մի տեղ լուրջ ընդունող չկա: Կոնտրաստը սուր երեւաց եւ, երբ հայտնվեցին այն կադրերը, թե ինչպես են զրուցում նախագահ Արմեն Սարգսյանը եւ Վլադիմիր Պուտինը: Ի դեպ, Ֆեյսբուքում էլ բավականին շատ մեր հայրենակիցներ Փաշինյանին հենց այդպես էլ կոչում են` Գիքոր...

ՆԻԿՈԼԱԿԱՆ ՎԱՐՉԱԽՄԲԻ ԻՐԱԿԱՆ ՇՈՒԿԱՅԱԿԱՆ ԱՐԺԵՔԸ

Բնականաբար, այդ ամենն ունի իր պատճառները: Նիկոլի հետ պարզապես վարվում են այնպես, ինչպես հարկ է վարվել խամաճիկի հետ: Ընդ որում` խամաճիկի, որին խաղացնում են մեկից ավելի տիկնիկավարներ, եւ արդյունքում ստացվում է առավել քան ծիծաղելի: Իհարկե, տիկնիկավարների մեջ չեն կարող չլինել նաեւ այնպիսի «քեռիներ», ինչպիսիք են «քեռի Սեմը» եւ քեռի Սորոսը: Եվ եթե առաջինը դեռեւս ամերիկյան սոցհարցումներում Նիկոլին նկարում է 60 տոկոս վարկանիշ, ապա երկրորդը դաժան բաներ է ստիպում անել: Օրինակ, իրականացնել այնպիսի «անցումային արդարադատություն», որ արդյունքում կստացվեն արտերկրից աշխատավարձ ստացող դատավորներ: Կամ էլ շատ արագ ընդունել տխրահռչակ Ստամբուլյան կոնվենցիան, որը երկիրը կվերածի գոմիկանոցի, իսկ հայ ընտանիքի համար կստեղծի դժոխային պայմաններ:

ՆԻԿՈԼԻ ՈՉ ՄԻԱՅՆ «ԿՈՒԶՈՎՆ» Է ԺԱՆԳՈՏ, ԱՅԼ ԱՄԵՆ ԻՆՉ

 

ՌԱԶՄԻԿ ՏԵՍԱԿԸ ԵՎ ԴԱՍԱԼԻՔ ՏԵՍԱԿԸ

Իր երրորդ կալանքից առաջ տված հարցազրույցում Ռոբերտ Քոչարյանը պարզ արտահայտվեց` որ տեղի է ունենում տեսակների կռիվ, որ դասալիք տեսակը փորձում է հաղթել, չեզոքացնել, փոշիացնել պատերազմ հաղթած տեսակին: Եվ արցախցիներին տված նրա պատգամը պարզ էր` պահպանել այդ տեսակը: Եվ Ստեփանակերտում դա ճշգրտորեն կատարում են: Զորօրինակ, Արցախի ոստիկանության եւ ԱԱԾ-ի հայտարարությունները 2020-ի ընտրություններին ընդառաջ սահմանադրական կարգի խախտման անթույլատրելիության մասին, պարզորոշ ցույց են տալիս, որ Արցախում «հեղափոխության օջախ» ստեղծելու բոլոր փորձերը դատապարտված են ձախողման: Իսկ Երեւանում Ռոբերտ Քոչարյանի հետեւողական քաղաքական հետապնդումները իրենց հիմքում ունեն ոչ միայն Նիկոլի ու վերջինիս հոգեւոր հայր Լեւոն Տեր-Պետրոսյանի անձնական վրեժխնդրությունը, այլեւ շահագրգիռ արտաքին պատվիրատու, որին կարելի է անվանել «հավաքական Սորոս»: Հենց այդ պատճառով տեսակների հակամարտությունը այդքան խտացված արտահայտված է Քոչարյանի եւ թավշիստների հակադրության տեսքով: Բայց աստիճանաբար նաեւ թափ է հավաքում կեղտոտ քարոզչական գրոհն ու ճնշումների փորձերն ընդդեմ ՀՀԿ-ի եւ այլ ազգային պահպանողական ուժերի: Քանզի ոչ միայն Հանրապետականներից մշտապես հնչում է կոշտ քննադատություն, այլեւ Սերժ Սարգսյանի ամեն մի կարճատեւ շփումը լրագրողների հետ լրատվական բում է առաջացնում: Եվ ամենակարեւորը` Նիկոլի տիկնիկավարները աչքի առաջ ունեն այնպիսի մղձավանջը, ինչպիսին է ռազմիկ տեսակին պատկանող բոլոր ուժերի համաձայնեցված, սինքրոն գործունեությունը ե՛ւ Երեւանում, ե՛ւ Ստեփանակերտում: Այդ դեպքում  էապես նվազում են հնարավորությունները` Հայաստանն օգտագործել որպես մանրադրամ խոշոր աշխարհաքաղաքական խաղում, եւ ընդհակառակը` աճում են հնարավորությունները` պահպանելու վերամիավորված Հայաստանի ռեալ պետականությունը: Բայց հետաքրքրական է, որ ջրբաժան է գոյանում եւ ՔՊCC-ի ներսում: Շուրջ 15 սորոսական պատգամավորները թեեւ առանց Նիկոլի քվեարկության որեւէ հարց լուծել չեն կարող, սակայն չափազանց աղմկարար եւ գարշահոտ են: Երեւում է մոտավորապես նույն չափսի նեղ շերտ, որը նվիրված է անձամբ Նիկոլին: Բայց երեւում են նաեւ կադրեր, որոնք դեմ են տարատեսակ հակազգային խաղերին: Այսպես, աչքի է ընկնում Սոֆյա Հովսեփյանը, ում ԼԳԲՏ-ներն արդեն պահանջում են զրկել մանդատից: Հակադրության մյուս դերակատարը Սասուն Միքայելյանն է, ով ղեկավարում է Երկրապահը: Նա իր տեսակով անհամատեղելի է դասալիք քայլոներին եւ ավելի մոտ է ռազմիկ տեսակին: Բացի այդ, նա իր ստացած քվեներով եւ մանդատով պարտավոր չէ Նիկոլին եւ առանց Նիկոլի աջակցության է իր որդուն դարձրել Հրազդանի քաղաքապետ: Իսկ հակասությունները չեն կարող չսրվել, քանզի կուսակցության համաժողովին վարչության կազմից դուրս են թողել Միքայելյանին, ով Արցախյան պատերազմի թերեւս միակ մասնակիցն է այդ կուսակցությունում: Բացի այդ, նա մինչ այդ զբաղեցնում էր վարչության նախագահի կուսակցական պաշտոնը, եւ հենց իր` վարչության նախագահ լինելու օրոք տեղի ունեցավ այն, ինչով Նիկոլը ամբողջ աշխարհի գլուխը տարավ` այսպես կոչված, հեղափոխությունը: Ու, խոշոր հաշվով, Միքայելյանը բոլոր հիմքերն ունի կուսակիցներին համարել ապերախտ, կամ ժողովրդի խոսքով ասած` անաղուհաց: Եվ հասկանալի է, թե ինչու այդքան վատ ընդունեցին Միքայելյանի` «թավշյա հեռացման» մասին մեսիջը:

ՍՈՎՈՐԱԿԱՆ ՓԱՇԻԶՄ, ՈՐԻՆ ՔԻՉ ՄՆԱՑ

ԳՐՈՀԻ ՏԱԿ Է ՉՈՐՐՈՐԴ ԻՇԽԱՆՈՒԹՅՈՒՆԸ

Միաժամանակ գրոհ է սկսվել ե՛ւ լրատվական դաշտի դեմ, ե՛ւ ոչ հաճո ԶԼՄ-ների նկատմամբ ճնշումներ են կիրառվում: Եթե անցյալ տարի գլխավոր գործիքները ԱԱԾ-ն եւ ոստիկանությունն էին, ապա այժմ, կարծես թե, ավելի աճել է ե՛ւ համացանցում, ե՛ւ փողոցում գործող խուլիգանախմբերի դերը: Եվ ոչ պատվաբեր աշխատանքի զգալի ծավալն էլ տրվել է պատգամավոր Հայկ Սարգսյանին, եւ տվյալ դեպքում մինչեւ վերջ շահագործվում է նրա գեղջկական բարդույթավորումը: Այսպես, նա միաժամանակ դատական հայցեր է ներկայացրել մի քանի ԶԼՄ-ների դեմ եւ հայտարարել, որ նաեւ դատի է տալու բոլոր նրանց, ովքեր իրեն կոչում են «Նիկոլի շիշ բռնող» եւ «Նիկոլի ախրաննիկ»: Եվ ինչպես է ինքը հայտարարում. «6 դեպքով դիմել եմ դատարան, եւ բոլոր դիմումներս էլ ընդունվել են վարույթ եւ քրեական գործի շրջանակներում որոշ լրատվամիջոցների գործունեությունը դադարեցվի»: Թեեւ դա աբսուրդ է` քաղհայցով ԶԼՄ գործունեությունը դադարեցնելը, բայց հիշենք, որ աբսուրդի գագաթնակետ է Ռոբերտ Քոչարյանին սահմանադրական կարգը տապալելու մեջ մեղադրելը: Եվ չպետք է բացառել, որ Հայկ Սարգսյանի եղբայրը` Նաիրին, ով Նիկոլի մոտ օգնական է աշխատում, քարտ-բլանշ է ստացել...

ԹԱՎՇԻՍՏՆԵՐԻ ԻՇԽԱՆԱԶՐԿՈՒՄԻՑ 5 ՊԱԿԱՍ

Ուստի, իզուր չէ «Մեդիա պաշտպան» նախաձեռնության անհանգստությունը եւ այդ նախաձեռնության ղեկավար Աղասի Ենոքյանի պնդումը. «Սա մամուլի հանդեպ ճնշումների հերթական շարքն է»: Իսկ Բաղրամյան 26 պատգամավորի կողմից աղջիկներ բերելու կապակցությամբ Ա. Ենոքյանը եզրակացնում է. «Սա նշանակում է, որ նշված պատգամավորն այնքան ամենակարող է, որ անգամ Նիկոլ Փաշինյանի աշխատասենյակ կարող է տանել տարբեր ծանոթ եւ անծանոթ աղջիկների»: Անհանգիստ է նաեւ օմբուդսմենի գրասենյակը. «Մարդու իրավունքների պաշտպանը չի կարող գնահատական տալ այն հարցով, որով անձը դիմել է դատարան, բայց միեւնույն ժամանակ Մարդու իրավունքների պաշտպանի համար կարեւոր է խոսքի ազատությունն ու ազատ մամուլի գործունեությունը, հետեւաբար գործընթացը կշարունակի գտնվել Արման Թաթոյանի ուշադրության ներքո»: Իսկ Արման Թաթոյանը այն պաշտոնատար անձն է, որը միայն իրոք լուրջ հարցերը պահում է ուշադրության կենտրոնում:

ՀՀԿ-Ն ԱՆՑԱՎ ՀԱԿԱԳՐՈՀԻ ԲՈԼՈՐ ՃԱԿԱՏՆԵՐՈՎ

ՀՈՎՀԱՆՆԵՍ ԳԱԼԱՋՅԱՆ

 

КОМСОМОЛЬСКАЯ ПРАВДА