o C     20. 10. 2019   : :

ԿԱՐՃ ԼՈՒՐԵՐ

ՆԱԽԿԻՆ ԼՐԱԳՐՈՂ, ՆԵՐԿԱ ՊԱՏԳԱՄԱՎՈՐ. «ՀԱ, ԴԱՏԱԿԱՆ ԿԱՐԳՈՎ ԼՐԱՏՎԱՄԻՋՈՑՆԵՐԻ ՀԵՏ ԽՈՍԵԼԸ ՃԻՇՏ Ա, ԲԱ ՈՆՑ»

12.07.2019 21:30 ՔԱՂԱՔԱԿԱՆ
ՆԱԽԿԻՆ ԼՐԱԳՐՈՂ, ՆԵՐԿԱ ՊԱՏԳԱՄԱՎՈՐ. «ՀԱ, ԴԱՏԱԿԱՆ ԿԱՐԳՈՎ ԼՐԱՏՎԱՄԻՋՈՑՆԵՐԻ ՀԵՏ ԽՈՍԵԼԸ ՃԻՇՏ Ա, ԲԱ ՈՆՑ»

Գաղտնիք չէ, որ իշխանափոխությունից հետո քայլոները տանել չեն կարողանում իրենց հասցեին հնչած ցանկացած քննադատություն եւ առիթը բաց չեն թողնում լրատվամիջոցների վրա մատ թափ տալու համար: Եվ պատահական չէ, որ իշխանական վառ ներկայացուցիչներից Հայկ Սարգսյանը արդեն հասցրել է մի քանի լրատվամիջոցի դատի տալ` ձեռքի հետ էլ սպառնալ, թե տեսեք, ով իմ մասին գրի, հայտնվելու է դատարանի առջեւ: Իսկ ինչ են մտածում, օրինակ, իր գործընկերոջ պահվածքի մասին նախկին ընդդիմադիր լրագրող, ներկայումս պատգամավորական մանդատի տեր դարձած ՀԱՅԿ ԳԵՎՈՐԳՅԱՆԸ` արդյոք լրատվամիջոցներին լռեցնելու, ճնշում գործադրելու ձեւ չէ՞ դա, փորձեցինք, պարզել նրանից:

«Իմ քայլի» որոշ պատգամավորներ «ձեռքները լվացել» ու մի կողմ են քաշվել

- Բա այդ աստիճանի հնարավո՞ր է մարդուն ասել՝ գնում ես էստեղ, գնում ես էնտեղ, բայց ոչ մի ապացույց չկա, դա էլ նորմալ չի: Բա Դուք իր տեղը լինեք, ինչո՞վ կպաշտպանվեք (երեւի Հայկը հասցրել է մոռանալ, որ ժամանակին հենց ինքն էր բոլորի մասին գրում՝ գնացել է էստեղ-էնտեղ, ու նրան դատի տվող չկար: Մի թթու խոսք էլ ասեին, համաշխարհային աղմուկ կբարձրացներ- Հեղ.):

«Իմ քայլի» պատգամավորը ցույց էր անում ամն դեսպանատան դիմաց

- Փաստերով են գրվում, եթե կոնկրետ տեսանյութ նկատի ունեք, որը վերջերս է տարածվել:

- Ես կոնկրետ դեպքով չեմ ասում, դա անձնական է: Եթե մարդու մասին սուտ տեղեկություններ են հրապարակում, ինքը ի՞նչ պիտի անի, իրավական երկրում մարդը ի՞նչ պետք է անի:

- Պետք է հաթաթանե՞ր տա լրատվամիջոցներին:

- Բա հաթաթայա տալիս` ասում եք հաթաթայա տալիս, դատի ա տալիս, ասում եք՝ դատի ա տալիս: Դուք չե՞ք  զգում, որ ուղղակի սեւեռվածություն կա ինչ-որ մի կետից (հա, մեկ էլ երեւի իր ու իր շեֆի լրագրող ժամանակների սեւեռվածություններն է մոռացել, որի համար դատի տվող չկար- Հեղ):

Այլեւս ոչ մի ռելաքս

- Որեւէ սեւեռվածություն չկա, իսկ թե ինչո՞ւ են պարբերաբար իր հետ կապված սկանդալային նյութեր հրապարակվում, դա թող Ձեր գործընկերն իր մեջ փնտրի: Օրինակ, ինչո՞ւ Ձեզ վրա չկա սեւեռվածություն:

- Ով ասաց, մի ամիս առաջ մեկ այլ պատգամավորի վրա էիք բոլոր լրատվամիջոցներով հարձակվում:

- Հարձակվո՞ւմ... Ու դա ասում է նախկին լրագրող պարոն Գեւորգյա՞նը:

- Կներեք, կներեք, բայց ոնց որ մի կետից այդ հրամանը դուրս է գալիս ու գնում այս կամ անձի վրա:

«Իմ քայլում» լարվել են միմյանց դեմ

- Դուք այդպես արդեն վիրավորում եք: Կարո՞ղ եք փաստել, որ, օրինակ, «Իրավունքին» որեւէ տեղից հրաման է իջեցվել, ինչպես Դուք եք ասում:

- Ես չգիտեմ (որ մի բան չգիտի ու խոսում է, դա արդեն հեչ սազական չէ պատգամավորին, առավել եւս՝ նախկին լրագրողին- Հեղ.):

- Ուրեմն պետք չի նման հայտարարություններ անել:

- Դուք ինձ ասեք այլ տարբերակ, ինչպե՞ս պաշտպանվի մարդը (իսկ ինչպե՞ս էին ժամանակին լրագրող Հայկից եւ Նիկոլից մյուս մարդիկ պաշտպանվում- Հեղ.):

Նոր Հայաստանում ոստիկանները լրագրողներից ակտիվ են

- Լրագրողներից պետք չէ պաշտպանվել:

- Ներողություն եմ խնդրում: Բայց եթե որեւէ իքս անձի մասին ինչ-որ բան է հրապարակվում, ու եթե էդ մարդը համոզված է, որ դա սուտ է, ինչպե՞ս պետք է պաշտպանվի: Հետո, այդ ինչպե՞ս է լինում, որ միանգամից նույն մարդու մասին նույն բանը գրում են (էլի նախկին լրագրողը սխալվեց: Օրինակ, «Իրավունքի» դեմ պատգամավորը բողոքել է մի հրապարակման համար, որը որեւէ այլ տեղ չի ներկայացվել, ավելին, նաեւ պատգամավորի խոսքն ենք լսել եւ ներկայացրել.- Հեղ):

​​​​​​​«Պիտի ո՛չ ասենք ազատ խոսքի պարտակիրների նկատմամբ նույնիսկ ամենափոքր ճնշումների փորձերին անգամ»

- Կրկնում եք, պարո՛ն Գեւորգյան:

- Ես կարծում եմ, որ ինչ-որ կետից, լրատվամիջոցների կամքից անկախ ինչ-որ բան են հրամցնում (սա արդեն ցնցող էր, երեւի սեփական փորձից ելնելո՞վ է նման մտքերի գալիս. Հեղ), իրենք էլ դա օգտագործում են: Ինչի՞ են մի քանի լրատվամիջոց նույն օրը նույն բանը գրում, ոնց է տենց հնարավոր, կարո՞ղ եք պատասխանել: Կոնկրետ էս դեպքով ես ինչքան գիտեմ մի քանի լրատվամիջոց նույն բանը միանգամից գրել է: Ժողովուրդ, մի հատ ինձ բացատրեք, ո՞նց ա ստացվում: Էսօրվա լրատվական դաշտին ես, որպես 25 տարվա լրագրող, նայում եմ ու սարսափում:

Իմ դերը հնարավորություններ ստեղծելն է, ես դռներ եմ բացում․ նախագահ Արմեն Սարգսյանը լրագրողների հետ զրույցում անդրադարձել է Սերբիայի իր հանդիպումներին

- Դե, նորմալ է, որովհետեւ այն ժամանակ իշխանություն չեք եղել:

- Շատ կներեք, ոչ: Այսօր լրատվամիջոցներ կան, որտեղ հեռախոսի համար չկա, թե ում զանգես:

- Դե դրանով զբաղվեք, ոչ թե նորմալ, բարեխիղճ լրատվություն հանրությանը ներկայացնող լրատվամիջոցներին դատի տալով:

- Զբաղվում ենք: Բայց էդ, որ ասում եք՝ բարեխիղճ լրատվամիջոց, կներեք էլի:

- Հա, փաստորեն նորմալ է, որ Ձեր գործընկերներից մեկ  այլ պատգամավոր իշխանական կոնկրետ լրատվամիջոցների ցանկ է հրապարակում, որոնք միայն «պուպուշ» բաներ են գրում:

«Նախագիծը փաստարկված չէ` առնվազն ժամկետների առումով». Շաքե Իսայան

- Ինքն իր կարծիքն է հայտնում: Էսօր քառասուն հատ լրատվամիջոց կա, որի վրա նույնիսկ ինդենտիֆիկացիա չկա:

- Դե դրանցով զբաղվեք:

- Ո՞նց զբաղվենք: Զբաղվենք, պիտի ասեք՝ ազատ խոսքը բան են անում:

- Մի խոսքով, նորմա՞լ եք վերաբերվում, որ լրատվամիջոցներին հերթ չտալով, դատի են տալիս:

- Իմ կարծիքով՝ հա:

- Ուղղակի զարմանալի է, որ նման կարծիք հայտնում է նախկին ընդդիմադիր լրագրողը:

«Երկիրը չեն կառավարում պոպուլիստական ճառերով». Գեւորգ Գեւորգյան (Տեսանյութ)

- Հա, դատական կարգով լրատվամիջոցների հետ խոսելը ճիշտ ա, բա ոնց: Բա ի՞նչ, այլ կե՞րպ եք ուզում շփվենք: Ուզում եք կացիններով, թրերով իրար մորթե՞նք... Ես դեմ եմ, օրինակ դրան, այո, դատարանով (սա նախկին լրագրողին կհիշեցնենք, երբ ստիպված կլինի վերադառնալ իր հին փեշակին- Հեղ.):

Զրույցը` ԻԼՈՆԱ ԱԶԱՐՅԱՆԻ

 

КОМСОМОЛЬСКАЯ ПРАВДА