o C     13. 11. 2019   : :

ԿԱՐՃ ԼՈՒՐԵՐ

ԲԴԽ դատավոր անդամի թափուր տեղի համար կմրցակցեն 5 դատավորներ

12.08.2019 20:41 ԻՐԱՎՈՒՆՔ
ԲԴԽ դատավոր անդամի թափուր տեղի համար կմրցակցեն 5 դատավորներ

ՀՀ Բարձրագույն դատական խորհրդում առկա դատավոր անդամի թափուր տեղի համար կմրցի 5 դատավոր: Այս մասին ասված է ԲԴԽ տարածած հայտարարությունում:

«2019 թվականի օգոստոսի 16-ին կայանալիք Դատավորների արտահերթ ընդհանուր ժողովի կողմից Բարձրագույն դատական խորհրդի դատավոր անդամի թափուր տեղի ընտրության վերաբերյալ «Հայաստանի Հանրապետության դատական օրենսգիրք» սահմանադրական օրենքի 76-րդ հոդվածի 4-րդ և 5-րդ մասերի կարգավորումների ուժով` Դատական դեպարտամենտի ղեկավարի կողմից սույն թվականի օգոստոսի 1-ին ծանուցագրեր են ուղարկվել Բարձրագույն դատական խորհրդի դատավոր անդամ ընտրվելու իրավունք ունեցող Վճռաբեկ դատարանի քաղաքացիական և վարչական պալատի 9 դատավորի:

Քոչարյանի և մյուսների գործով դատավորը հեռացավ խորհրդակցական սենյակ

Վճռաբեկ դատարանի քաղաքացիական և վարչական պալատից ստացվել է Բարձրագույն դատական խորհրդի դատավոր անդամի թեկնածուների 4 դիմում՝ իրենց անունները քվեաթերթիկում չներառելու մասին: Դատական դեպարտամենտի ղեկավարի կողմից Բարձրագույն դատական խորհրդի դատավոր անդամի թափուր տեղի ընտրության քվեաթերթիկում ներառվելու է ներքոնշյալ՝ 5 դատավորի անուն` Սուրեն Անտոնյան, Մամիկոն Դրմեյան, Գոռ Հակոբյան, Ստեփան Միքայելյան, Տիգրան Պետրոսյան»,- նշված է հայտարարությունում:

 

КОМСОМОЛЬСКАЯ ПРАВДА