o C     14. 10. 2019   : :

ԿԱՐՃ ԼՈՒՐԵՐ

Մոսկվայում հայկական խմորումները Աննա Հակոբյանի հույսով են

14.08.2019 14:15 ՕՐՎԱ ՊԱՏԿԵՐ ՔԱՂԱՔԱԿԱՆ
Մոսկվայում հայկական խմորումները Աննա Հակոբյանի հույսով են

Ֆեյսբուք սոցիալական ցանցում լուրեր են տարածվել, որ Մոսկվայի հայ համայնքի որոշ գործիչների միջեւ սկսվել է լուրջ պայքար ազդեցութայն գոտիների համար եւ այս անգամ խնդիր է դրված ստանալ Նիկոլ Փաշինյանի աջակցությունը: Ըստ լուրերի, հակամարտության մի կողմում հայտնվել է Մոսկվայում հայտնի հասարակական գործիչ Յուրա Նավոյանը, որը ժամանակին Մոսկվայում ՀՅԴ-ի ներկայացուցիչն էր, իսկ հետագայում խզեց իր կապերը ՀՅԴ-ի հետ եւ փորձեց հանդես գալ որպես առանձին միավոր, ընդ որում, վերջին շրջանում ակտիվորեն աջակցում է Փաշինյանին եւ Մոսկվա ժամանող նրա պատգամավորիկներին: Յուրան նրանց, ձեռքից բռնած,  տանում է ՌԴ-ի ԱԳՆ, Պետդումա, Դաշնային խորհուրդ եւ փորձում մարդամեջ մտցնել:

«Իշխանությունն անցել է ռեպրեսիաների կիրառման». Աղվան Պողոսյան

Յուրայի ջանքերը, ըստ ֆեյսբուքյան օգտատերերի, ուղղված են մի կողմից ՌԴ-ում ՀՀ դեսպան Վարդան Տողանյանի, մյուս կողմից Ռուսաստանի հայերի միության նախագահ Արա Աբրահամյանի դեմ: Նա փորձում է ստվերելով այդ երկուսին, դառնալ Մոսկվայում Նիկոլի համար հարցեր լուծող հիմնական դեմքը: Ընդ որում,  նա փորձում  է նաեւ ստվերում թողնել Սամվել Կարապետյանին, որ հանկարծ այդ կենտրոնական դեմքի առումով Կարապետյանը նրա համար մրցակից չլինի: Այս պայքարում, կրկին ՖԲ-ում շրջանառվող գրառումների, Յուրային խորհուրդ են տվել համագործակցել հայ միլիարդատեր, Մոսկովյան գործարար Ռուբեն Գրիգորյանի հետ, որը ժամանակին, ինչպես հայտնի է, ֆինանսավորում էր Զարուհի Փոստանջյանի՝ <<Երկիր Ծիրանի>> կուսակցությունը: Յուրայի բարեկամները խորհուրդ են տալիս նրան ավելի կոշտ դիրք գրավել Ռոբերտ Քոչարյանի դեմ խոսելիս, ինչպես նաեւ՝ ակտիվ ելույթներով հանդես գալ Սերժ Սարգսյանի դեմ: Բացի այդ նրան խորհուրդ են տալիս մի 200 հազար դոլար փոխանցել Նիկոլ Փաշինյանի կնոջ՝ Աննա Հակոբյանի ֆոնդին, որպեսզի վերջինս նրան նկատի եւ ամուսնուն խորհուրդ տա Մոսկվայի հետ բոլոր փոխհարաբերությունները իրականացնել Յուրայի միջոցով եւ նրան նշանակել ՌԴ-ում ՀՀ դեսպան: 

Ըստ լուրերի Նավոյանը նաեւ փորձում է հակազդել ռուսական այն գործիչներին, ովքեր այնքան էլ երջանիկ ժպիտով չեն ընդունել Նիկոլի հեղաշրջումը, եւ փորձել են կարեւորել Քոչարյանի անձը ռուսականա քաղաքականությունը ծրագրելիս, ինչպես նաեւ կոչ են արել պահպանել հարաբերությունները Սերժ Սարգսյանի հետ: Օրինակ, Յուրան պետք է հակազդեր հայտնի  քաղաքական գործիչ Զատուլինի հայկական նախաձեռնություններին: Ըստ լուրերի Յուրան այդպիսի փորձ արել է, սակայն նա դժգոհում էր, որ Նիկոլենք իր այդ սխրանքները չեն նկատել եւ դրանք մնացել են անպտուղ: 

Նկատենք, որ ֆեյսբուքյան լուրերը լուրջ իրարանցում են առաջացրել: Կան նաեւ այդ բոլոր լուրերը հերքող գրառումներ, հայտարարություններ:

Այս թեմայով նոր ինֆորմացիա ստանալուն պես կրկին կներկայացնենք ձեր ուշադրությանը: 

 

Ա. ՀՈՎՀԱՆՆԻՍՅԱՆ

 

 

 

КОМСОМОЛЬСКАЯ ПРАВДА