o C     19. 10. 2019   : :

ԿԱՐՃ ԼՈՒՐԵՐ

Գնաճի ամենաբարձր ցուցանիշն արձանագրվել է Երևանում

04.10.2019 15:18 ՏՆՏԵՍՈՒԹՅՈՒՆ
Գնաճի ամենաբարձր ցուցանիշն արձանագրվել է Երևանում

ՀՀ վիճակագրական կոմիտեն հրապարակել է 2019-ի սեպտեմբերին սպառողական գների փոփոխությունները ՀՀ-ում: Հայաստանի սպառողական շուկայում 12-ամսյա գնաճը (2019թ. սեպտեմբերը 2018թ. սեպտեմբերի նկատմամբ) կազմել է 0.5%, իսկ նախորդ ամսվա նկատմամբ՝ 0.2%: Այս մասին հայտնում է «Արմենպրես»-ը:

Օգոստոսին ոչ միայն գնաճ չենք ունեցել, այլեւ արձանագրվել է որոշակի գնանկում. Նիկոլ Փաշինյան

Մեկամյա կտրվածքով գնանկում արձանագրվել է սննդամթերք և ոչ ալկոհոլային խմիչքներ ապրանքախմբում՝ -1.4%, ինչպես նաև կապի՝ -0.1% և հանգիստ ու մշակույթի՝ -1.2% ոլորտներում:

2019թ. սեպտեմբերին 2018թ-ի սեպտեմբերի նկատմամբ 9%-ով գնաճ է արձանագրվել հագուստ և կոշիկ ապրանքախմբում, ինչպես նաև 4.7% գնաճ՝ ալկոհոլային խմիչք, ծխախոտային արտադրատեսակներ ապրանքախմբում:

2019թ. հունվար-սեպտեմբերին սպառողական գների միջին ամսական նվազումը կազմել է 0.2% (նախորդ նույն ժամանակահատվածում արձանագրվել է 0.1% նվազում): Հանրապետության դիտարկվող բոլոր քաղաքներում 2019թ. սեպտեմբերին օգոստոսի համեմատ սպառողական գներն աճել են 0.1-0.3%-ով, այդ թվում՝ գնաճի ամենաբարձր ցուցանիշն արձանագրվել է Երևանում:

 

КОМСОМОЛЬСКАЯ ПРАВДА