o C     13. 11. 2019   : :

ԿԱՐՃ ԼՈՒՐԵՐ

Հազարավոր սատկած ձկներ՝ Խաչենի ջրամբարի ափերին

20.10.2019 10:30 ՕՐՎԱ ՊԱՏԿԵՐ ՀԱՆՐՈՒԹՅՈՒՆ
Հազարավոր սատկած ձկներ՝ Խաչենի ջրամբարի ափերին

«Բնապահպանական աղետ Արցախում»,- այս մասին հոկտեմբերի 19-ին ֆեյսբուքյան իր էջում գրել է Վլադիմիր Դոլուխանյանը՝ կից տեղադրելով տեսանյութ, որտեղ Ասկերանի և Մարտակերտի շրջանների սահմանագլխին գտնվող Խաչեն ջրամբարի ափերին հազարավոր սատկած ձկներ են:

Նիկոլի խոստացած տասնյակ հազարավոր նոր աշխատատեղերն էլ «գրվեցին սառույցին»

«Սա ձկների մասսայական անկման առաջին դեպքը չէ: Ականատեսների վկայությամբ, այսպիսի մի դեպք էլ տեղի է ունեցել Սարսանգի ջրամբարի Դրմբոնի հանքի ափամերձ գոտում, որի մասին բոլորն աշխատել են լռել և աչք փակել»,- գրել է Վլադիմիր Դոլուխանյանը:

Վերջինս մեզ հայտնեց, որ հստակ չէ, թե երբ են ձկները սկսել սատկել: Ըստ Վլադիմիր Դոլույանի, մարդիկ ջրամբարի մոտով անցնելիս տեսել են, որ փայլփլող ձկներ կան, այդ ամենն ուղեկցվում էր գարշահոտությամբ:

Այս դեպքին իր ֆեսյբուքյան էջում անդրադարձել է ԱՀ Բնապահպանության և բնական ռեսուրսների նախարարի խորհրդական Հարութ Մնացականյանը՝ հայտնելով, որ առաջիկա ժամերի ընթացքում ջրի և ձկան համապատասխան փորձանմուշներ են վերցնելու լաբորատոր ուսումնասիրության համար:

«Հարգելի Վլադիմիր Դոլուխանյան, սիրելի ընկերներ, նյութին ծանոթանալուց անմիջապես հետո անձամբ դեպքի մասին տեղյակ եմ պահել ԱՀ բնապահպանության և բնական ռեսուրսների նախարարին, կենսառեսուրսների, ջրային ռեսուրսների կառավարման բաժնի պետին ու բնապահպանական և ընդերքի պետական տեսչության պետին։

Առաջիկա ժամերի ընթացքում ջրի և ձկան համապատասխան փորձանմուշներ են վերցնելու լաբորատոր ուսումնասիրության համար, կուսումնասիրվի նաև տեղանքը, որից հետո նոր միայն հնարավոր կլինի պարզել պատճառները։ Ամբողջ գործընթացը վերահսկվելու է նախարարի տեղակալի կողմից»,- գրել է Հարութ Մնացականյանը:

 

КОМСОМОЛЬСКАЯ ПРАВДА