o C     21. 11. 2019   : :

ԿԱՐՃ ԼՈՒՐԵՐ

Ես չպետք է նման կերպ արձագանքեի. Ֆուտբոլիստը ներողություն է խնդրում

02.11.2019 13:36 ՍՊՈՐՏ
Ես չպետք է նման կերպ արձագանքեի. Ֆուտբոլիստը ներողություն է խնդրում

«Փյունիկի» կիսապաշտպան Էրիկ Վարդանյանն անդրադարձել է Հայաստանի Բարձրագույն խմբի առաջնությունում «Արարատի» հետ խաղում տեղի ունեցած միջադեպին:

«Ցանկանում եմ իմ ափսոսանքի խոսքը հայտնել Հայաստանի Բարձրագույն խմբի առաջնության 12-րդ տուրի «Արարատի» դեմ խաղում տեղի ունեցած միջադեպի վերաբերյալ։

Ռոնալդուն ներողություն կխնդրի «Յուվենտուսի» ֆուտբոլիստներից

Խաղի 67-րդ րոպեին «Արարատի» պաշտպան Ժոաու Վիկտորը խախտում էր խաղի կանոններն իմ նկատմամբ, ինչը հանդիպման գլխավոր մրցավարի կողմից անարձագանք մնաց այնքան ժամանակ, քանի դեռ ես ստիպված չեղա պատասխան խախտում անել։ Ես հասկանում եմ, որ մրցավարը մարդ է և կարող է սխալվել կամ ուշ արձագանքել դրվագին, բայց այս պարագայում ուշ արձագանքը վատ հետևանքներ ունեցավ։

Չեմ ցանկանում արդարացնել արարքս։ Անկախ կատարվածից, ես չպետք է նման կերպ արձագանքեի մրցավարի սուլոցին։ Սխալ էր նաև հանդերձարանի ճանապարհին և այնուհետև սոցցանցերում տեղի ունեցածը։

Հարգում եմ «Արարատի» պաշոնական ֆան ակումբի երկրպագուներին։ Ժեստը ձեզ հետ կապ չուներ։

Հայցում եմ միջադեպի մասնակիցների և բոլոր ֆուտբոլասերների ներողամտությունը», - Facebook-յան իր էջում գրել է Էրիկ Վարդանյանը։

Նշենք, որ Էրիկ Վարդանյանը մրցավարին հայհոյելու և հրելու, մարզադաշտը լքելիս հանդերձարան տանող ճանապարհի դռանը հարվածելու և կոտրելու, անվայել վարքագծի ու ոչ մարզական պահվածքի համար որակազրկվել է 6 ամսով՝ մինչև 2020 թվականի ապրիլի 30-ը, իսկ «Փյունիկ» ֆուտբոլային ակումբը տուգանվել 600 հազար ՀՀ դրամով:

 

 

КОМСОМОЛЬСКАЯ ПРАВДА