o C     28. 03. 2020   : :

ԿԱՐՃ ԼՈՒՐԵՐ

5 մթերք, որոնք չի կարելի ուտել սոված փորին

14.11.2019 18:51 ԱՌՈՂՋԱՊԱՀԱԿԱՆ
5 մթերք, որոնք չի կարելի ուտել սոված փորին

Բոլոր մթերքները չէ, որ կարելի է ուտել նախաճաշին, ասում է ամերիկացի սննդաբան Քրիսթոֆեր Գարները։ Նրա խոսքով՝ կան մթերքներ, որոնք սոված փորին ուտելը չափազանց անցանկալի է։

Խմորիչով թխվածք

Որոնք են զարկերակային ցածր ճնշման պատճառները և այդ խնդրի դեմ պայքարի ամենաարդյունավետ ու անվնաս միջոցները

Խմորիչի ազդեցության տակ ստամոքսում գոյանում են գազեր, ինչի պատճառով առաջանում են փքվածություն եւ գխտոցներ։ Եթե ուզում եք թխվածք ուտել, ավելի լավ է դա անել սպիտակուցի եւ բանջարեղենների սննդաբաժին ընդունելուց հետո։

Շաքար եւ քաղցր մրգեր

Երբ մարդը դատարկ ստամոքսին քաղցր ըմպելիք է խմում, ուտում հասած բանան կամ մի երկու կոնֆետ, ենթաստամոքսային գեղձը սկսում է ինսուլին արտանետել, որի ազդեցության տակ արյան մեջ գլյուկոզայի մակարդակն ընկնում է, եւ մարդը սկսում է հոգնածություն, քնկոտություն եւ ապատիա զգալ։ Ոմանց թվում է, թե քաղցրն օգնում է «առույգանալ» առավոտ կանուխ, բայց դա ընդամենը կարճաժամկետ էֆեկտ է։

Ցիտրուսներ

Նարինջը, մանդարինը, գրեյփֆրուտը եւ կիտրոնը կարող են վնասել ստամոքսի լորձաթաղանթը, եթե դրանք ուտեք դատարկ ստամոքսին։ Ստամոքսի բարձր թթվայնություն ունեցող մարդկանց խորհուրդ է տրվում ցիտրուսներ ուտել միայն ուտելիքից հետո։

Տանձ եւ խուրմա

Տանձի եւ խուրմայի մեջ բարձր է բջջանյութի պարունակությունը, որը կարող է վնասել աղեստամոքսային համակարգի օրգանները, եթե դրանք ուտեք դատարկ ստամոքսին։ Ուստի այդ մրգերը նույնպես պետք է դառնան աղանդեր սննդի հիմնավոր ընդունումից հետո։

Սխտոր

Չնայած սխտորի ողջ օգտակարությանը՝ այն սոված փորին ուտել չարժե, քանի որ կարող է գրգռել ստամոքսի պատերը, ինչպես նաեւ լեղապարկը։

 

КОМСОМОЛЬСКАЯ ПРАВДА